Ébrunu 2:17 - Kazambale lé Sebe Sauunu 1979

¹⁷ Bɛwemalé é a lé é kɛlɛ é zuanénu zo we faa gi, léé, ’é kɛlɛ Balebanmunu ’lɛzan lé a nyanai éé zén‐é ’té éé yara paan we la, a nya Kazambale lé nyanama gi, munu lé wenyanénu ’yibole we ma.

Ébrunu 2:17 ပူးပေါင်းရင်းမြစ်များ

Ébrunu 4:14

Kazambale be Jézu a kaalé Balebanmunu ’lɛzan lé é go lanu gi, a nya, amalé kaa vo gligli blipale lé kaa fe léé, é a kaazé nya bɛ, a gi.

Ébrunu 2:14

Naa, kɔlɛ lé nénu éé sié a nya wo ti valé wo bu va, yee kɔlɛ duo nya lé Jézu da. Yé a gale nya lé, mi lé gale lé plɛplɛ ke a lee, ’bɛ gi léé, yonufaatagɔné, yé é ’bɛzan kulu ga,

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

Rom munu 5:10

Dé ko nana Kazambale va a Be gale lé we ma, bléyian va lé ko ke a nyanézannu nya, ’bɛ bléyi va ’naan, ko nanale a va zuo ’té a Be bélile ’ka dan ko si lɛ we gi loo?

Ébrunu 2:11

Naa, mi lé éé munu kɛla sauun, é valé munu lé é wo kɛlɛ sauun, wo faa si gɔnɔ do kpen gi. Bɛwemalé, é ’ka yara gya wo laale ma é zuanénu lo.

Daniɛl 9:24

Wo flɛyi yɔ yaa wɔlɛ vu dɔ ilé munu valé ilé fla plɛplɛ lɛ; ’bɛ nyaale nya ’té wolé weple kɛlɛle valé wolé wenyané kɛlɛle nyaa; yé Bale é wolé weple ’yibofɛ nɔ, yé webozen lé éé voo ana lɛɛfaama a glɛ ’ka lo yé é da, yé yuɛziwe valé balelawefele lɛ é sɔɔ, yé wo nyɔnɔ zén mi sauunnu va Mi Sauun ta.

Ébrunu 3:5

Naa, Moizi kɛlɛ yarapawelazan nya Kazambale lé kɔn faa gi bélé miwuozan zo, yé we lé Bale é dan a fe lɛ, é kɛlɛ a gi wenayezan nya;

Kolɔs munu 1:21

É vinin, ka gi bɔrɔlenu valé ka kɛlɛwe naanénu ka kɛlɛ bɛn valé Kazambale nyanézannu nya.

Ébrunu 7:28

Naa, bélidɔwe ɛ mi tɔɔtɔɔnu dɔ munu lé Balebanzannu nya; naa, bélidɔwe nɔle zuo Bale ébo ’nyɔɔn yé ’bɛ nya lé é Bale Be Jézu dɔ Balebanmunu ’lɛzan lé gun ’ka a ma lo, a nya, lɛɛfaama.

Éfez munu 2:16

We lé ke Jézu gi, yee lé ke ’ko: é a a va léé, ’é wo fiénu kɛlɛ kɔlɛ do nya yé é wonu valé Kazambale nana élé yiliblan nya, naa, yiliblan ta lé é zapale nyaa, azama.

Rom munu 15:17

Bɛwemalé, maa anbo ze vɔa Jézu Krist gi Kazambale lé nyanama lé we ma.

Lévinu 8:15

Moizi a bɔrɔ bo yé é a nyɛ si yé é bɛnwɔlɛ vɔ a va yé é a gié balebanna bélinu faa ma, yé é balebanna ’lɛ dɔ; é nyɛ zana balebanna punma yé é a ’lɛ dɔ wenyané ’yibole ana we gi.

Ébrunu 3:2

Jézu é yara pa mi lé ’bɛ a dɔ nwunvɔzan valé Balebanmunu ’lɛzan nya bɛ, ’bɛlé we ta, bélé fɛan zo lé Moizi é yara pa we la élé munu faa méléna, a zo.

Ézékiɛl 45:20

I dan a kɛlɛ lɛ yee duo zo a moné yi sɔrafiézan nya, munu lé wo wenyané kɛlɛ wo tanyila koo, munu lé é ’wii wo ma koo, wozé nya. ’Bɛ zo lé Balekɔn gi é dan bɔ lɛ.

Ézékiɛl 45:17

Sarakanu faa lé wa bo fɛti koo, moné dɛrɛ bɔrale koo, flinyinu koo, Izraɛl lé fɛtinu faa koo, wo nya, ’bɛ faa a wo nwiinzan nwiin kɔné nya. Wenyané ’yibo saraka koo, blɛ koo, balebanwi lé wa kyɛ blé koo, bɔvɔ saraka koo, yee ɛ wo no Izraɛl munu lé wenyané ’yibo saraka nya.

Ézékiɛl 45:15

Mizan Gakelebale léma: ’Ka ’bla si do do ’bla wuru do do va, Izraɛlnu lé trubɛ blena zimanu na, blɛ koo, balebanwi lé wa kyɛ blé koo, bɔvɔ saraka koo, wo nya, yé ’é kɛlɛ munu lé wenyané ’yibofɛ nya.

Ézai 11:5

Wetegele é dan kɛlɛ lɛ a nyana wuo kyɛsidi nya. Yé yarapale we la é dan kɛlɛ lɛ a gyɛn kyɛsidi nya.

2 Minwiinmunu lé Wezuofe Sɛbɛ 29:24

Balebanzannu wi ’konu bɔrɔ bo, yé wo wo nyɛ nwɛɛn balebanna wuo, Izraɛlnu faa lé wenyané ’yibofɛ nya. Naa, minwiinzan blɛn a fe wo lɛ léé, é a lé balebanwinu lé wa kyɛ blé, é valé wenyané ’yibo saraka lé wa bo bɛ, wa kɛlɛ Izraɛlnu faa lé we ɛ ma.

Lévinu 14:18

Nyɔnɔ pɔné lé é vo Balebanzan lee, é dan a zén lɛ gɔnézan lé é da ’é nwiin foli lɛ, a nwiin; yé Balebanzan é dan alé wenyané ’yibo lɛ Gakelebale ’lɛ.

Lévinu 16:16

’Bɛ zo lé é dan saraka bo lɛ fɛna sauun zé nya, Izraɛl lé nénu lé tiridɔwenu valé wo ’é bélidɔwe sɛrɛlenu lé wo wenyané kɛlɛ a nya bɛ, wo we ma. É dan a kɛlɛ lɛ yee duo zo, zén‐ékevasɔkɔn lé we ma, ’té é ke wo va wolé tiridɔwenu méléna.

Mi Nɔnɔle 15:25

Balebanzan é dan Izraɛlnu faa lé wenyané ’yibo lɛ, yé é wo ma we vo. Naa, wo wenyané kɛlɛ ’wo tanyila, yé wo balebanfɛ nɔ, saraka lé wa kyɛ blé Gakelebale lɛ, a tɔ bɔle we ma, a nya; wo wenyané ’yibofɛ nɔ maa Gakelebale lɛ, wenyané lé wa kɛlɛ ’wo tanyila, alé we ma.

Ébrunu 2:16

Naa, webozen nya, lanjenu va‐an é da bɔ lɛ lo; naa, Abraam kulu va lé é da bɔ lɛ.

Ébrunu 3:1

Bɛwemalé, ka lé ka ke an bwenu nya Kazambale va, ’té é ka laa la gi bɛ, ’ka bɔn‐in bɔrɔ Jézu ma do. Bale a pa zia léé, kaalé blipale mawe lé kaa fé, ’é kɛlɛ a gi nwunvɔzan valé Balebanmunu ’lɛzan nya.

Ébrunu 4:15

Balebanmunu ’lɛzan lé é ’ka bɔaléé, é nyanai zén kaa lé kaa ke tɔɔtɔɔ, kaa ta lo, ’bɛzan ’ka kaazé nya lo. Naa, fɛan zo lé woo kaa gi daan, a zo duo lé wa é gi dan bɛ faa ma, yé é ’ka wenyané do kpen kɛlɛ lɛ duowo lo.

Ébrunu 5:1

Naa, Balebanmunu ’lɛzan faa lé wo wo si munu méléna, woo wo dɔa Kazambale lé nyanamapazannu nya munu lé we ma, blan nɔle valé wenyanénu ma saraka bole Kazambale lɛ we gi.

Ébrunu 5:2

Balebanmunu ’lɛzan a mi tɔɔtɔɔ nya, bɛwemalé éé bɔa tanyilamunu valé mi sanlenu mawe dɔɔle lɛ.

Ébrunu 5:5

Yé Krist é ziin, é ’ka Balebanmunu ’lɛzan dɔna blɛn si lɛ éboan lo, naa, mi lé é a fe a lɛ léé: Bii a an be nya, Maa i yaa kyɔ, ’bɛzan ɛ dɔna ’ko nɔ a lɛ, ’bɛ gi léé, Bale ɛ nɔ.

Ébrunu 5:10

Yé Kazambale bozen a dɔ Balebanmunu ’lɛzan nya Mɛlkizédɛk dɔbɛ yɛrama.

Ébrunu 6:20

Ana lé Jézu wɔra kaa ’lɛvlɛ nya, kaa ’lɛgana nya, yé é kɛlɛ Balebanmunu ’lɛzan nya, Mɛlkizédɛk dɔbɛ nya, yé wo ’ka a tavɔɔan é dɛrɛ lo.

Ébrunu 8:1

Wenu lé ko wo fe lao, wo va we blɛn lé é ke ’ko: Balebanmunu ’lɛzan ’ko zo ɛ ke kaazé nya; é a é nyanale Kazambale nyanana fuablin bɛyila la gi.

Ébrunu 8:3

Wo Balebanmunu ’lɛzan faa dɔ Bale blannu nɔle valé sarakanu bole we gi; bɛwemalé, mi ’ko é ziin, é a lé é fɛ nɔ.

Ébrunu 9:11

Naa, Krist da Balebɔzi dɛrɛ nya; yé yee ɛ ke ’bɛlé Balebanmunu ’lɛzan nya; sɔkɔn lé ke blɛn, é zima é mini a koɛzan ta, é go ’bɛ gi. Mi ’ka ’bɛ sɔkɔn dɔ lɛ lo, ’bɛ gi léé, é ’ka tɛrɛ ’ko lé wa kɛlɛ, a tafɛ do nya lo.

Ébrunu 10:21

Naa, Balebanmunu ’lɛzan lé wa dɔ Kazambale lé kɔn nwiinzan nya, é a kaazé nya.