Ébrunu 2:10 - Kazambale lé Sebe Sauunu 1979

¹⁰ Naa, Kazambale lé, fɛnu faa ke azé nya, ’té é wo faa kɛlɛ bɛ, é sɔ a lɛ léé, mi kiɛre ’é kɛlɛ ’é benu nya yé ’é wo kɛlɛ fua nya, yé é a é zima léé, mi lé é wo béliwe bɔra bɛ, Kazambale ’é gun si a ma alé nyanéblele nya.

Ébrunu 2:10 ပူးပေါင်းရင်းမြစ်များ

Wepélisiananu 18:25

Mi tegele gyɛle mi nyané va, ’té mi tegele valé mi nyané lé we bɔ ékema, ’bɛ zo we kɛlɛle a é sile i ma baa boenwo. Mian éé tɛrɛlamunu faa lé we blé, é ’ka dan we tegele kɛlɛ lɛ loo?

Wegɔnévɔlenu 16:4

Gakelebale fɛnu faa kɛlɛ wean ma, é a dɔɔ; dé é a mi naané nyaoo, é ’bɛ kɛlɛ blikyɛdɔyi zé nya.

Ézai 43:21

Munu lé maa wo tin anzé nya, Wo dan an tɔ ma gyɛ lɛ.

Ézai 55:4

Maa a dɔ wenayezan nya munu lɛ, Maa a dɔ munu nwiinzan valé wo bélidɔzan nya.

OZÉ (Osée) 8:10

Dé wo blɛ boen kɛlɛ bɛnnu lɛoo, maa dan wo zén lɛ ékema laoɛ, yé é vo sɛ yé wo dan nyané ble lɛ mi blɛnblɛnnu nwiinzan lé kɔné wuo.

Misé 2:13

Gɔrɔfɔnzan éé giéan wo ’lɛ; wo dan gɔrɔ fɔn lɛ yé wo bɔ gɔrɔ ’léé, yé wo dan bɔra lɛ ana. Wo nwiinzan blɛn é dan tawo lɛ wo ’lɛ zia, yé Gakelebale é dan kɛlɛ lɛ wo zilɛzan nya.

Mi Nɔnɔle 7:15

dirigɔné boroné do koo, ’blagɔné do koo, lɛɛ do ’blané koo, é ’bɛnu nɔ balebanwi lé wa kyɛ blé, a nya;

WENÉNÉ LÉ LUK A GYE (Évangile selon Luc) 13:32

Jézu lé wo lɛ léé: ’Ka go ’ka fe kobli ’ko lɛ léé: Maa yonu sié munu gi yé maa munu bélié kyɔ valé tɛlɛ, yé a yi yaazan nya anzé é dan nyaa lɛ.

WENÉNÉ LÉ LUK A GYE (Évangile selon Luc) 2:14

’Wo fua nɔ Kazambale lɛ fɛna loru baa mi, Yé munu lé wo sɔ a lɛ, ’wo vo drɔɔ tɛrɛ la ma.

WENÉNÉ LÉ LUK A GYE (Évangile selon Luc) 24:26

É ’ka lé Krist é nyané ’konu ble yé é wɔra élé fua gi loo?

WENÉNÉ LÉ LUK A GYE (Évangile selon Luc) 24:46

Yé é lé wo lɛ léé: A zo lé wa gyɛ léé: Krist é dan nyané ble lɛ yé é dan nwa lɛ gamunu va yi fié a yaazan nya,

WENÉNÉ LE JAN A GYE (Évangile selon Jean) 11:52

Yé a bɛn saa lé we ma kaan lo; naa, Kazambale lé nénu lé wo ke é nwɛɛnle fɛfaana, wo zénle ékeva yé ’wo kɛlɛ kɔlɛ do nya lé we ma lé é ziin.

WENÉNÉ LE JAN A GYE (Évangile selon Jean) 19:30

Jézu a gi dɔrɔ tɔndɔle mini aan wo, é léé: We faa lɛ sɔɔ. Yé é ’wuo tua, yé a lɛ bo.

Kelewenu 3:15

Yé ka bélile punsina gyɛ, yee lé Kazambale a nwa gamunu va. Ko a anayezannu nya.

Kelewenu 5:31

Kazambale a nwa é bɛyi nya Zilɛzan valé Mibélizan nya, léé, ’é zi nɔ Izraɛl munu lɛ léé, ’wo bli nɔla yé Bale ’é wo ma we vo wolé wenyanénu ma.

Rom munu 11:36

A va lé fɛnu faa éé sié; alé we ma lé fɛnu faa ke; yé fɛnu faa a azé nya. ’Wa tɔ bɔ lɛɛfaama, té a glɛ é dɔ lo ma. Amɛɛn.

Rom munu 9:23

Yé dé é sɔ a lɛ léé, élé fuasan tɔbɔle nagɔɔn nyanaizénlabɔnu lé é wo dɔ é kyɛn fuasan ’ko lé we ma, wo lɛ, a leewe kaan loo?

1 Korent munu 2:7

Kazambale lé wedɔɔle lé ke givuruwe yɔɔle nya, ’té Kazambale a ma’lɛrɛ tɛrɛ bɔrale ’lɛ, ko tɔbɔle we ma, yee lé ko fé.

1 Korent munu 8:6

Naa, duowo, dé é a kozé nya, Bale a do kpen, yee lé ke Tibale nya. A va lé fɛnu faa éé sié; yé kaa a azé nya. Mizan a do kpen, Jézu Krist lé. Alé we ma lé fɛnu faa ke; alé we ma lé kaa ke.

2 Korɛnt Munu 3:18

Yé sɔné ’ka ko yara lo amalé ko Mizan lé fuasan yé tegele bélé fɛan zo lé mi é ’é yara yé vlinvlin gi, a zo. ’Bɛ zo lé, Mizan Léli éé goo ko dɔbɛ nɔlale nya, ’té éé kolé fuasan taa paan, fɔɔ yé kolé fuasan é kɛlɛ bélé Mizan zé zo.

2 Korɛnt Munu 4:17

Kolé klenu ’ka we do nya lo yé wo dan nyaa lɛ laoɛ. Wo ma tɔnɔ é dan kɛlɛ lɛ fuasan lé ke fɛ boen nya, ’té a glɛ ’ka lo, a nya. É gié mi lé gi bɔrɔle faa ta.

2 Korɛnt Munu 5:18

Yé ’bɛ faa éé sié Kazambale ɛ va, yee ɛ ko nana ’é va Krist lé we ma, yé é munu nanale ’é va lé nyanama nɔ ko lɛ.

2 Korɛnt Munu 6:18

Yé maa dan kɛlɛ lɛ ka Ti nya, Yé ka dan kɛlɛ lɛ an benu valé an lunu nya. Yee lé Mizambale Plɛplɛfaazan a fe.

Galasi munu 3:26

Naa, ka faa a Kazambale benu nya, blivole Jézu Krist lɛ we ma.

Éfez munu 2:7

léé, bléyinu lé wo dan bɔ lɛ bɛ, alé zin fua lé a glɛ ’ka lo, ’é a nagɔɔn ’bɛ bléyinu va. É dan a nagɔɔn lɛ wezin lé é a kɛlɛ ko lɛ Jézu gi, ’bɛ nagɔɔnle nya.

Éfez munu 3:10

’bɛ zo lé, sin wemaplɛplɛzannu valé fɛnu faa lé wo ke fɛnu lorunu na, ’té woo wo lɛdɔama, wo dan a gi dɔɔ lɛ léé, Kazambale a we gɔnɔ faa dɔɔzan nya, léglizi lé we ma,

Kolɔs munu 3:4

Krist lé ke kalé vole é yuɛma nya, dé é da, ka dan da lɛ a va é ziin fua gi.

2 Timoté 2:10

Bɛwemalé an ’wuo dɔa we faa wuo munu lé Bale wo si a va, wolé we ma, léé, sile we gi lé é ke Jézu Krist gi, é valé fua lé é ’ka nyaan lo, wo é ziin, ’wa ye.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 6:20

Ana lé Jézu wɔra kaa ’lɛvlɛ nya, kaa ’lɛgana nya, yé é kɛlɛ Balebanmunu ’lɛzan nya, Mɛlkizédɛk dɔbɛ nya, yé wo ’ka a tavɔɔan é dɛrɛ lo.

Ébrunu 7:26

Balebanmunu ’lɛzan ’ko zo, ’bɛ a kaazé nya é zima; é a sauun, we ’ka a nwiin lo, a bɔn gi tiri ’ka lo, é kan kini wenyanékɛlɛmunu ma, yé é a loru baa é mini lanu ta.

Ébrunu 7:28

Naa, bélidɔwe ɛ mi tɔɔtɔɔnu dɔ munu lé Balebanzannu nya; naa, bélidɔwe nɔle zuo Bale ébo ’nyɔɔn yé ’bɛ nya lé é Bale Be Jézu dɔ Balebanmunu ’lɛzan lé gun ’ka a ma lo, a nya, lɛɛfaama.

1 Piɛri 1:12

Yé Bale a gɔɔn wo lɛ léé, wo ’ka we ’konu fena wobozen lé we ma lo, naa, ka ɛ lé we ma lé wo ke wo fena. Yé sin, Bale Léli Sauun pa zia yé alé plɛplɛ nya lé munu we ’konu fe ka lɛ sin. Lanjenu bozen, wo bli a é bɔle a ma léé, ’wo we ’konu gi maan.

1 Piɛri 5:1

Maa a we plana kalé mi segelenu lɛ. Maa é ziin, maa a wo va mi segele do nya, yé maa Krist lé nyanéblelenu ye, yé anzé a fua tɔbɔle lé é dan bɔra lɛ bɛ, a va. We lé maa a plana ’kaa mi segelenu lɛ, yee lé ke ’ko:

1 Piɛri 5:10

Zin faa kɛlɛ Bale, yee ɛ ka laa Jézu Krist gi élé fua lé a glɛ ’ka lo, a blele ma, dé ka nyané ble bléyi sɛ nya faa, é dan gun si lɛ ka ma, é dan ka dɔ lɛ plɛplɛ, é dan ka fuu dɔ lɛ ka ta, é dan ka dɔ lɛ gligli.

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.

Wegɔɔnle 7:9

’Bɛ zuo maa a naginina, yé bé ye, mi gu blɛn lé, wo si bɛntɛrɛ faa koo, bɛn do do faa koo, migɔnɔ do do faa koo, dére faa koo, wo gi, wo ana, yé mi do kpen ’ka bɔa wo nɔnɔle lɛ lo. Wo dɔ webleblin valé ’Blané ’lɛ, sɔ funu nya ’wo ta, ’té yɔlaanu a wo lee.