Ébrunu 13:9 - Kazambale lé Sebe Sauunu 1979

⁹ Té ka we paale dɛrɛ bɛnu nyi si lo. Naa, mi bli dɔle gligli zin nya fila vɔ é mini fɛblelenu lé, wo tɔnɔ ’ka é blemunu ma lo, wo ta.

Ébrunu 13:9 ပူးပေါင်းရင်းမြစ်များ

Lɛrɛvɔ Sɛbɛ 112:8

Nyanabli a a gi, é ’ka kanaan monomono lo, Fɔɔ yé é ’élé blibɔmawe ye bɔna é nyanézannu ma.

Matio 24:24

Dabli Kristnu valé viébalelayemunu é dan nwa lɛ yé wo dan we blɛnblɛnnu valé gyɛzorowenu kɛlɛ lɛ fɔɔ yé munu lé Kazambale wo si a va ézé nya, yé wo wo saan, ’té dé wo bɔa kɔɔn saanle lɛ.

Matio 24:4

Jézu a zi pa wo lɛ léé: ’Ka yuɛ pa kabozen va, té mi do kpen é ka saan lo ma.

WENÉNÉ LÉ LUK A GYE (Évangile selon Luc) 5:38

naa, é a lé wo dɔrɔ dɛrɛ zén wikɔlɛkuo dɛrɛnu gi.

Kelewenu 20:30

Yé maa gi dɔɔ léé, ka va mi kenu é dan nwa lɛ yé wo dan zirizowenu paa lɛ munu gi, yé Jézu zuomunu é dan zén lɛ wo zuo.

Kelewenu 20:32

Laona, an ka vo Kazambale lee, é valé alé zin dére lee; mi lé é bɔalɛ, é ka tin yé é tɔnɔfɛ nɔ ka lɛ é va, munu faa lé é wo pa é yɛrama, wo va bɛ, maa ka vo ’bɛzan lee.

Rom munu 14:17

Naa, Kazambale plale mi nwiin ’ka fɛblele valé fɛminile lé we nya lo; naa, kɛlɛle tegele koo, vole drɔɔ koo, gi nanale koo, wo nya lé é ke Léli Sauun gi.

Rom munu 14:2

É dɔ mi do gi léé, ’é fɛnu faa blé, yé mi bɛ lé ’bɛ ke tɔɔtɔɔ, é dɔ ’bɛ gi léé, ’é ’ka wi blé lo.

Rom munu 14:6

Mi lé éé glɛ dɔa yinu gi, Mizan bɛan lé éé a kɛla; yé mian éé wi blé, Mizan bɛan lé éé a blé, naa, éé Kazambale bɔ vɔa; mian é ’ka wi blé lo, Mizan lé we ma lé é ’ka a blé lo, ’té éé Kazambale bɔ vɔa.

1 Korent munu 6:13

Fɛblelenu a mi bɔn zé nya, yé mi bɔn a fɛblelenu zé nya. Webozen lé; naa, Kazambale é dan wo fiénu lé we nyaa lɛ. Naa, wo ’ka mi kɔlɛ kɛlɛ lɛ pɛnpɛnnégyɛle we gi lo. Naa, wa kɛlɛ Mizan zé nya, yé Mizan a kɔlɛ zé nya.

1 Korent munu 8:8

Fɛblele ’ka goo kaa nya Kazambale va lo. Dé kaa fɛ blé, ’bɛ ’ka kaa biéan a sɔnɔ lo. Dé kaa ’ka fɛ blé lo, ’bɛ ’ka kaa sié a ma baa lo.

2 Korɛnt Munu 1:21

Yé mian é ko dɔ gligli ka va Krist gi, yé é nyɔnɔ zén ko nwiin, Kazambale lé,

Galasi munu 6:1

Bwenu, dé ka a ye léé, mi do saanwe kɛlɛ, ka lé ka ke lélimunu nya, ’ka bɔ ’bɛzan va bli drɔɔ nya yé é dɔ é dɔbɛ gi. Ka faa ’é yuɛ pa kabozen va do do, dé wo da ka gi dan.

Éfez munu 4:14

Amalé té kaa kɛlɛ nénu zo é dɛrɛ lo; té kaa bli é kɛlɛ we faa lɛ lo; té kaa go wepaale faa zuo lo; té mi tablezannu é kaa saan wolé dabli kɛlɛle valé wolé suyɛn dére nya lo;

Éfez munu 5:6

Té mi do é ka saan dére boanu nya lo ma. We ’konu ɛ dan Kazambale lé bliflile nya tɔnégiplɛplɛzannu ma.

Kolɔs munu 2:4

Maa a we ’ko fena léé, té mi do kpen é ka saan dabli dérenu nya lo we ma.

2 Tɛsalɔnik munu 2:17

’wo ka tɔrɔ paa yé ’wo plɛplɛ nɔ ka lɛ nyanama zin faa pale valé dére zin faa fele we ma.

2 Tɛsalɔnik munu 2:2

Dé ka a ’ma léé, Mizan dayi bɔ tɛkɛ, kalé zanté, té di é kini ka gi lo, té gligli é zén ka gi lo. Dé léli ɛ feoo, dé mi ɛ feoo, dé é kɛlɛ sɛbɛ lé wo léé, ko ɛ gyɛ, a nyaoo, té ka pa ’bɛ ta lo.

1 Timoté 6:20

Bé maa? Timoté, we lé wa bɛ pa i lee, ’bé pa i ’wuo gi é zima. ’I paa tɛrɛla boawe fele ma, é valé dabli wedɔɔle lé zavɔlenu ma.

1 Jan 4:1

Ka lé ka sɔ an lɛ, té ka bli é vo léli faa lɛ lo, naa, ’ka lélinu gi dan, yeean é ke Kazambale zé nya, a dɔɔle we gi, naa, viébalelayemunu kiɛre bɔra tɛrɛ la.

SEBE LÉ JUD A GYE (Épitre de Jude) 1:12

Woo ka sɔle ka ke lɛ na fɛti tiri dɔa. Yara ’ka wo gya ka va fɛblele we ma lo, naa, wo kanle ’té ma lé wo ke. Wa bélé lafunu lé ’yi ’ka wo gi lo, ’té fu éé wo nyunuan bɛ, wo zo. Wa bélé yilinu lé, fɛ bɔra bléyi va, ’té wo poro ’ka lo, ’té wo ke é gale gɔnɔ fié, ’té wo suni ke é soowɔlale bɛ, wo zo.

SEBE LÉ JUD A GYE (Épitre de Jude) 1:3

An béé zinnu, é sɔ an lɛ turu léé, maa sɛbɛ gyɛ ka lɛ, sile we gi lé ke kaa faa zé nya, alé we ma. Yé sin an bli a an nyununa léé, ’maa kɛlɛ, we plale ka lɛ we ma, léé, Kazambale lé we lé wa nɔ Kazambale lé munu lɛ gɔnɔ do lɛɛ faa zé nya, ’ka a ta guli dan.