Ébrunu 13:4 - Kazambale lé Sebe Sauunu 1979

⁴ Munu faa ’é kalé le sile valé bo sile tɔ zin fe ma; té kalé yialafɛ tiri ’é dɔ lo ma. Naa, pɛnpɛnnégyɛzannu koo, le bɛ valé gɔné bɛ ginizannu koo, Kazambale é dan wolé we ble lɛ.

Ébrunu 13:4 ပူးပေါင်းရင်းမြစ်များ

Wepélisiananu 2:21

Yé Bale, Gakelebale yi vɔ gɔnézan yuɛ la, yé yi go a nya baa; Gakelebale gɔnézan sɛewɔlɛ do si, yé é ana lɛ tan.

Wepélisiananu 2:24

Bɛwemalé gɔné é dan si lɛ é ti valé é bu va, yé é dan péli vɔ lɛ é na va, yé wo fiénu é dan kɛlɛ lɛ mi do kpen nya.

2 Minwiinzannu 22:14

Balebanzan Ilkija koo, Asikam koo, Akabɔɔ koo, Safan valé Asaja koo, wo go balelaye le Ulda va; é a sɔnu tabinzan Aaras be Tikiva be Salum na nya. Éé nyanaan Jérusalɛm flagɔrɔ bɛ gi.

JOB (Job) 31:12

É a bélé kyɛ lé éé fɛnu faa blé, a zo, Yé é a kɔɔn lé é anlé fuafɛnu faa sɛrɛ.

Ézai 8:3

An go balelaye le va; é bɔn si yé é né yaa gɔné nya. Gakelebale lé an lɛ léé: Bé tɔ pa Maɛɛ‐Salal‐Sas‐Baz.

Lévinu 15:18

Dé gɔné valé le yii, wo fiénu é dan zuru lɛ, ’té wa é naané duowo fɔɔ yé nyanadi é pa.

Lévinu 18:20

Té i wenyané kɛlɛ i bɔlu bɛ na va lo, ’bɛ é dan i kɛlɛ lɛ é naané.

Malasi 3:5

Maa dan bié lɛ ka sɔnɔ weblele we ma; zɔkɛlɛzan valé leginizannu koo, wo lé woo bale ’nyɔɔn‐an vié nya koo, munu lé wo ’ka nyanamapazan banwoo lo koo, wo lé woo yaan zanagalale valé bugalazan ta koo, wo lé woo weple kɛla bɛn lɛ, ’té wo ’ka kanaan an lee lo, maa dan wo ma we fe lɛ é kelekele. A zo lé lai sunyanu lé Gakelebale a fe.

1 Korent munu 6:18

’Ka so pɛnpɛnnégyɛle lee vlan nya. Wenyané bɛnu lé mi éé ’bɛnu kɛla, ’bɛ ’ka mi kɔlɛ gi lo, naa, mian é ébo no pɛnpɛnnégyɛle lɛ, ’té ’bɛzan ɛ wenyané kɛla ébozen kɔlɛ ma.

1 Korent munu 6:9

Ka ’ka a gi dɔɔa léé, mi plenu ’ka dan tɔnɔ ble lɛ Kazambale lé fuatɛrɛ la lo loo? Té ka saan we ’ko gi lo. Pɛnpɛnnégyɛzannu koo, miyilibɔzannu koo, le bɛ valé gɔné bɛ ginizannu koo, wizowe kɛlɛmunu koo, wevɔnle kɛlɛmunu koo,

1 Korent munu 7:38

’Ko zo lé mian é lu nɔ bo lɛ é wezin kɛlɛ, yé mian é ’ka é lu nɔ lɛ bo lɛ lo, ’bɛzan zé fila vɔ.

1 Korent munu 9:5

A se ’ka ko lɛ léé, ko Krétiɛn le si ko na nya, yé ko go wo nya bélé fɛan zo lé nwunvɔzan pɔnénu koo, Mizan zuanénu koo, Séfa koo, wo ke a kɛlɛna, a zo loo?

2 Korɛnt Munu 5:10

Naa, é a lé kaa faa é dɔ Krist lé webleblin ’lɛ, mi faa do do lé é ban yele we ma, dé a kɛlɛwe zin léé? dé a nyané léé? ’té é wo kɛlɛ bléyian va lé é a é kɔlɛ gi bɛ, a yɛrama.

Galasi munu 5:19

Mi faa mi dɔbɛ kyɛn kɛlɛwenu dɔɔ. Wo lé ke ’ko: pɛnpɛnnégyɛle koo, we tiridɔle koo, we vɔnle koo,

Galasi munu 5:21

palu kɛlɛle koo, bli bɔle fɛ ma koo, nwɛ lé mi gyɛle koo, kɛlɛle bun‐anzan nya koo, ’bɛ zoɛ we bɛnu koo, woo lé. Maa a lɛ kini ka lɛ, fɛan zo lé maa a fe ka lɛ é kyɛn, a zo, léé, munuan woo ’bɛ zoɛ wenu kɛla, wo ’ka dan tɔnɔ ble lɛ Kazambale lé fuatɛrɛ la monomono lo.

Éfez munu 5:5

Naa, ’ka a dɔɔ é zima ma, dé é a pɛnpɛnnégyɛzan nyaoo, dé é a we tiridɔle kɛlɛzan nyaoo, dé é a bli bɔ gɔɔli mazan nyaoo, ’bɛ gi léé, miyilibɔzan, ’bɛnu va mi do kpen ’ka dan tɔnɔ ble lɛ Krist valé Kazambale lé fuatɛrɛ la lo.

Bélidɔwesɛbɛ Fiézan 22:22

Dé wo bɔ gɔné do ma wenyané kɛlɛna gɔné na va, wo fiénu é dan ga lɛ, gɔné lé é yia le va koo, yé lezan koo é ziin. ’Bɛ zo lé ka dan wenaané si lɛ Izraɛlnu va.

1 Tɛsalɔnik munu 4:6

Té mi do é wenyané ’ko zo kɛlɛ é bwe lɛ lo. Mizan ɛ ’bɛ zoɛ wenu lɛgi paan; yee lé ko a fe ka lɛ é kyɛn, yé ko a gɔɔn ka lɛ wéiin.

1 Timoté 3:12

É a lé léglizi wuozannu é kɛlɛ na do kpen zan nya, ’té woo ’wolé nénu valé ’wolé kɔngimunu lé wenu yuɛ gi boo é zima.

1 Timoté 3:2

É a lé léglizi tabinzan é kɛlɛ mi wéiin nya, ’té a na a do kpen, yuɛgidozan nya, bokunzan nya, mi zin nya é giébɛ gi, bɛn sɔlɛzan nya, wepaamigizan zin nya.

1 Timoté 3:4

É a lé é élé kɔngimunu lé wenu yuɛ gi bo é zima; té élé nénu yuɛ vɔ é zi lo, té é tavowe kɛlɛ wo va lo.

1 Timoté 4:3

Munu ’ko, wa yi gaan munu lee léé, té wo le si lo; yé fɛblelenu lé Kazambale a kɛlɛ léé, munu lé wo ke Bale lé we gi ’té wo webozen dɔɔ, ’wa ble bɔvɔle nya bɛ, wo fɛ ’konu blele yi gaan ’bɛnu lee.

1 Timoté 5:14

Bɛwemalé é sɔ an lɛ léé, gyɛzaralomu lé wo yara ’ka tan kini lɛ lo, ’wo bo si, ’wo né yaa, ’wo ’wolé kɔngiwenu yuɛ gi bo, té wo dɔna nɔ mi nyanézan yo lɛ yé é mi tɔ sɛrɛ lo.

Tite 1:6

dé i mi do ye yé alé tawobɛ a tegele, ’té a na a do kpen, ’té alé nénu bli a é pale yé i ’ka we vɔnle valé tɔnégiplɛplɛwe ’ma lɛ alé nénu ma lo, ’i ’bɛzan dɔ léglizi gi mi segele nya.

Ébrunu 12:16

’Ka yuɛ pa kabozen va, té pɛnpɛnnégyɛzan é kɛlɛ ka méléna lo; mi lé Balebɔwe ’ka a ma lo bélé Ézau zo, té ’bɛzan ’é kɛlɛ ka méléna lo. É dɔna dan fɛ pala do kpen va.

Wegɔɔnle 22:15

Blénnu koo, yokɛlɛmunu koo, pɛnpɛnnégyɛmunu koo, migyɛmunu koo, miyilibɔzannu koo, munu lé vié sɔ wo lɛ ’té wa woo koo, wa béera.