Ébrunu 13:16 - Kazambale lé Sebe Sauunu 1979

¹⁶ Yé té ka gi é san wezin kɛlɛle valé fɛ nɔle kiɛre ma lo ma; a zo sarakanu lé Kazambale éé wo ban‐ɛn blé.

Ébrunu 13:16 ပူးပေါင်းရင်းမြစ်များ

Lɛrɛvɔ Sɛbɛ 37:3

Bii, ’i pa Gakelebale ta, yé ’i wezin kɛlɛ, ’I nyana tɛrɛ la, yé ilé tɛrɛla ’é kɛlɛ drɔɔ.

Lɛrɛvɔ Sɛbɛ 51:19

Dé mi léli si é ta élé wenyané ma, ’bɛ a saraka lé é sɔ Bale lɛ, a nya; Baleoo, Bale, mi lé a bli gi kyɛ dɔ fɔɔ yé é so a kɔlɛ zi, i ’ka serele boo ’bɛ ma lo.

WENÉNÉ LÉ LUK A GYE (Évangile selon Luc) 18:22

Jézu ’bɛ ’ma aan wo yé é lé a lɛ léé: Ilé we do vo é ziin. ’Ilé fɛnu faa dan, yé bé mafɛ guli nyanégyɛmunu ma, yé i dan fɛwezan ye lɛ la gi. Dé i nyaa a nya faa ’i da an zuo.

Kelewenu 10:38

Kazambale Léli Sauun valé plɛplɛ zén Nazarɛtzan Jézu ta fɛan zo, ka ’bɛ gi dɔɔ. Kazambale a Jézu va, amalé é gié flanu ta wezin kɛlɛle valé munu lé wo ke é plale yonufaatagɔné wuo, wo faa bélile nya.

Kelewenu 9:36

Le do a zuomunu va Jopé, wa laama Tabita. Wa laama Grɛki dére gi Dɔkas, ’bɛ gi léé, gan. Éé nyanama zin kiɛre paan yé éé blɛ kɛla nyanégyɛzannu lɛ.

Rom munu 12:13

Fɛnu lé Kazambale lé munu mawe ke a gi, ’ka a nɔ wo lɛ. ’Ka munu bɛn si é zima.

Galasi munu 6:10

Bɛwemalé, bléyian va lé a se a kaa lɛ, kaa wezin kɛlɛ mi faa lɛ ma, naa, bwenu lé wo ke Kazambale lé we gi, kaa wozé kɛlɛ kiɛre yé é mini mi bɛnu zé ta ma.

Galasi munu 6:6

Mian woo we paan a gi, ’é é leefɛnu faa guli mian éé we paan a gi, yee valé ’bɛ ma ma.

Éfez munu 4:28

Mian é kyeenwo é kyɛn, té é kyeenwo é dɛrɛ lo; naa, ’é nyanama pa yé ’é wezin kɛlɛ é bɛnu nya, mi lé, a mawe ke fɛ do gi, fɛ nɔle ’bɛzan lɛ we gi.

Filip munu 4:14

Naa, kalé nyanéblele an va a wezin nya duowo.

Filip munu 4:18

Maa fɛ faa ye; fɛnu a an lee di; anlé fuafɛnu lɛ a é sɔɔle, fɛnu lé ka wo pa Épafrodi lee yé é da wo nya an lɛ, wo nya. Wa bélé lasikɔrɔ gin néné zo, bélé saraka lé Kazambale a banfɛ blé, ’té é sɔ a lɛ bɛ, a zo.

1 Tɛsalɔnik munu 5:15

’Ka yuɛ pa kabozen va léé, té mi do é wenyané lɛgi pa é bɔluzan ma wenyané nya lo. Naa, ’ka yara pa wezin kɛlɛle ta ka ke lɛ, é valé munu faa lɛ.

2 Tɛsalɔnik munu 3:13

’Kaa bwenu, té ka wɔlɛgi é nyaan ka ma wezin kɛlɛle nya lo.

1 Timoté 6:18

’I we pla wo lɛ léé, ’wo wezin kɛlɛ; wo kɛlɛwe zinnu ’é kɛlɛ kiɛre kiɛre; ’wo kɛlɛ drɔɔkɛlɛzannu valé bɛ ma wolowolozannu nya.

Filémɔn 1:6

Maa a laana Kazambale lee léé, wezin faa lé ke kaazé nya Krist gi, kaa nanale ékeva Bale lé we gi we ma lé, munu a gi dɔɔ.

Ébrunu 6:10

Naa, Kazambale ’ka weple kɛla lo. Ka nyanama pa fɛan zo, ’bɛ sele a Kazambale gi. Ka a gɔɔn léé, Kazambale tɔ sɔ ka lɛ, alé munu mawe kɛlɛle nya fɛan zo, ’té ka a kɛlɛna tan bɛ, ’bɛ sele a a gi.

3 Jan 1:11

An béé zin, té i wenyané zuosona lo, naa, ’i wezin ɛ zuosona ma. Mian éé wezin kɛla, é a Kazambale zé nya; mian éé wenaané kɛla, é ’ka Kazambale ye lɛ lo.