Ébrunu 12:3 - Kazambale lé Sebe Sauunu 1979

³ Mi lé wenyanékɛlɛmunu dɔ a ma plɛplɛ yé é ’wuo dɔ wo wuo, ’ka bɔn‐in bɔrɔ ’bɛzan ma; ’bɛ é dan bɔ lɛ ka va, ’té ka wɔlɛ gi ’ka nyaa ka ma lo, ’té ka fuu ’ka sié ka ta lo.

Ébrunu 12:3 ပူးပေါင်းရင်းမြစ်များ

Wegɔnévɔlenu 24:10

Dé i fuu si i ta nyanébleyi nya, ilé plɛplɛ ke é dan si lɛ i ta.

Ézai 50:4

Mizan Gakelebale é dére néné nɔ an lɛ, léé, Mi lé a fuu si a ta, an bɔ a va an dére nya; Éé an tɔné lɛ soo bladi faa do do ma, Léé, maa tɔné dɔ we lɛ bélé mizuo?-?zan zo.

Matio 11:19

Maa blami Be da, ’té an fɛ blé, ’té an fɛ minian, yé wo léé, bun‐anzan valé nwɛminizan lé maa nya; vagɔɔlisimunu valé wenyanékɛlɛmunu béé lé maa nya. Naa, wedɔɔle mawenu éé wedɔɔle nagɔɔn‐an we tegele nya.

Matio 12:24

Farizimunu ’bɛ ’ma aan wo yé wo léé: Yonufaatagɔné Béɛlzébul lé plɛplɛ nya lé éé yonu sié munu gi.

Matio 15:2

Mɛmalé i zuomunu ’wo tranu lé gɔnɔlawe lɛgaan?-?maa? Naa, dé wa fɛ blena, wo ’ka ’wo bɛ ma folié lo.

Matio 21:23

Jézu go Balebangikɔn gi yé é a we paana aan wo munu gi, Balebanmunu segelenu valé mi segelenu da yé wo lé a lɛ léé: Se kaa nya lé i we ’konu kɛlaa? Yé mi kyɛn ɛ se ’ko kɛlɛ i lɛɛ?

Matio 21:46

yé wa kwa kulina léé, ’wa kunwo; naa, mi gu a yé balelayezan nya, amalé wa kanana ’bɛnu lee.

Matio 22:15

Yé Farizimunu go yé wa kwa kulina wo méléna léé, ’wo dia Jézu zi yé abo dére a kun we nya.

WENÉNÉ LÉ LUK A GYE (Évangile selon Luc) 14:1

Flinyi do nya, Jézu wɔra Farizimi segele do lé kɔn gi fɛblele ’bɛ va we ma, ’té Farizimunu a naginian.

WENÉNÉ LÉ LUK A GYE (Évangile selon Luc) 15:2

Yé Farizimunu valé sɛbɛgifemunu gun gyɛ a ma yé wo léé: Mi ’ko éé wenyanékɛlɛzannu sié ’té éé fɛ blé wo va.

WENÉNÉ LÉ LUK A GYE (Évangile selon Luc) 16:14

Gɔɔli sɔ Farizimunu lɛ é baba, amalé wo ’bɛ we ’ko faa ’ma aan wo, wo Jézu ma we nana.

WENÉNÉ LÉ LUK A GYE (Évangile selon Luc) 2:34

Siméɔn wo drɔɔ vo yé é lé né bu Mari lɛ léé: Bé ye, Bale né ’ko dɔ Izraɛl mi kiɛre saanzan valé wo drɔ?-?zan nya é ziin, yé é a dɔ tɔmase lé wo dan za vɔ lɛ a ta, a nya,

WENÉNÉ LÉ LUK A GYE (Évangile selon Luc) 5:21

Sɛbɛgifemunu valé Farizimunu kun ’wo va weblele ma yé wo léé: Yee mi ’ko lé éé Bale sɔnɔan, de ɛ ke a nyaa? Dé é ’ka Kazambale do kpen nya lo, de ɛ bɔa mi ma we vole lɛɛ?

WENÉNÉ LE JAN A GYE (Évangile selon Jean) 10:20

Wo va mi kiɛre léé: Yo a a gi; gwe a a ’wuo gi; mɛmalé ka tɔné dɔa a lɛɛ?

WENÉNÉ LE JAN A GYE (Évangile selon Jean) 18:22

Dére ’konu ta lé sunya do lé é ke é dɔle ana bɛ, é Jézu blin gyɛ, yé é léé: I we fé Balebanmunu ’lɛzan lɛ ’bɛ zoo?

WENÉNÉ LE JAN A GYE (Évangile selon Jean) 5:16

Jézu we ’ko kɛlɛ flinyi nya, bɛwemalé Juifinu kun nyané pale ma Jézu ta.

WENÉNÉ LE JAN A GYE (Évangile selon Jean) 7:12

Mi gu worona munu vo za kiɛre vɔna a ta. Mi kenu léé: Mi zin lé. Yé a kenu léé: Gba, é a munusaanzan nya.

WENÉNÉ LE JAN A GYE (Évangile selon Jean) 8:13

’Bɛ zuo Farizimunu lé a lɛ léé: Bii a ibozen lé wenayezan nya. I dére ’ka webozen nya lo.

WENÉNÉ LE JAN A GYE (Évangile selon Jean) 8:52

Juifinu lé a lɛ léé: Sin, ko a gi dɔɔ léé, yo a i gi. Abraam ga, yé balelayemunu ga é ziin, yé bii léé, dé mian tawo ’é dére ta, ’bɛzan ’ka dan ga lɛ monomono loo?

WENÉNÉ LE JAN A GYE (Évangile selon Jean) 8:59

’Bɛ ta lé wo gɔlɛnu sia léé, wa vuli a va, naa, Jézu ta saan yé é bɔra Balebangikɔn gi.

WENÉNÉ LE JAN A GYE (Évangile selon Jean) 9:40

Farizimi kenu lé wo ke ana bɛ, wo dére ’konu ’ma aan wo yé wo lé a lɛ léé: Ko é ziin, ko a yuɛwiizannu nyaa?

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

2 Korɛnt Munu 4:1

Ko nyanama ’ko ye Bale lé nyanai zénle ko ta nya, amalé dé ko a pana ko fuu ’ka sié ko ta lo.

2 Korɛnt Munu 4:16

Bɛwemalé ko fuu ’ka sié ko ta lo. Dé ko kɔlɛ a gana ko maoo, mi lé é ke ko gi, ’té éé nɔlaan é boroné nya yi faa do do ma.

Galasi munu 6:9

Té kaa wɔlɛgi é nyaan kaa ma wezin kɛlɛle nya lo; naa, dé a bléyi bɔ, kaa dan a tɔnɔ ye lɛ, ’té dé kaa fuu ’ka si lɛ kaa ta lo.

Bélidɔwesɛbɛ Fiézan 20:3

É dan a fe lɛ wo lɛ léé: Izraɛl, ’ka tɔné dɔ. Ka a gona guli danna kyɔ ka nyanézannu va. Té ka bli kyɛ é dɔ lo; té kana é zén ka gi lo, té di é kini ka gi lo; té ka gi nyɛ é kini wolé we ma lo.

2 Tɛsalɔnik munu 3:13

’Kaa bwenu, té ka wɔlɛgi é nyaan ka ma wezin kɛlɛle nya lo.

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 12:5

We lé Bale a pla ka lɛ, ka gi san ’bɛ maa? É we pla ka lɛ bélé é benu zo, yé é léé: An be, dé Mizambale we lɛdɔ i gi, té bé ye boawe nya lo, Yé dé é we pla i lɛ, té i fuu é si i ta lo ma.

Ébrunu 3:1

Bɛwemalé, ka lé ka ke an bwenu nya Kazambale va, ’té é ka laa la gi bɛ, ’ka bɔn‐in bɔrɔ Jézu ma do. Bale a pa zia léé, kaalé blipale mawe lé kaa fé, ’é kɛlɛ a gi nwunvɔzan valé Balebanmunu ’lɛzan nya.

1 Piɛri 2:23

wa sɔnɔ yé é ’ka wo sɔnɔ lɛ lo; wo nyané pa a ta yé é ’ka siaa lɛ wo ta lo, naa, ébo bɛ pa mi lé éé we blé tegele, a lee;

Wegɔɔnle 2:3

I yara a é pale we la yé i nyané ble an tɔ ma yé i wɔlɛ gi ’ka nyaa lɛ i ma lo. Maa ’bɛ faa gi dɔɔ.

1 Samuɛl 12:24

Naa, ’ka kana Gakelebale lee ma, yé ’ka a bɔ tɔnégidrɔɔ valé ka bli faa nya ma; we plɛplɛ lé é a kɛlɛ ka méléna, ka a yé loo?