Ébrunu 12:2 - Kazambale lé Sebe Sauunu 1979

² ’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 12:2 ပူးပေါင်းရင်းမြစ်များ

Lɛrɛvɔ Sɛbɛ 110:1

David zé lé. Lɛrɛ do lé. Gakelebale lé anzan lɛ léé: ’I nyana an bɛyila, Fɔɔ yé maa i nyanézannu pla i wuo.

Lɛrɛvɔ Sɛbɛ 138:8

Gakelebale é dan wezin kɛlɛ lɛ an lɛ, Gakelebale, i nyanai éé zén‐é yifaama, Té i bɛ panyanama vo lo.

Ézai 31:1

Munu lé woo goo Éjipiti tɛrɛ la, bɔ ’wo vazannu gini lɛ, ’té wo pale a wisoonu ta, ’té wo bli a gulidangoronu kiɛre valé wisootazannu kiɛre lɛ yé wo yuɛ ’ka Izraɛl lé Mi Sauun lɛ lo, yé wo ’ka Gakelebale naginian lo, we tɔntɔn ’é kɛlɛ wo lɛ ma.

Ézai 45:22

Ka faa lé ka ke tɛrɛ glɛ sinanu na, ’Ka nɔla an vazia yé ka dan si lɛ we gi. Naa, maa a Bale nya, yé a bɛ ’ka lo.

Ézai 53:3

Munu serele bo a ma yé wo sɔn vɔ a ma, Kleblezan lé, nyanéblezan lé, Bélé mi lé wo yara si a ta, a zo; Ko lɔlu plɛn a ma, yé é ’ka ko yuɛgi bɔ lɛ lo.

Ézai 8:17

Gakelebale lé éé yara yɔɔan Jakɔb lé munu ma, an bli a yee ɛ lɛ; an pale a yee ɛ ta.

Misé 7:7

Dé é a anzé nya, an dan an yuɛ vo lɛ Gakelebale lɛ, yé maa dan pa lɛ an siéwegizan Bale ta. Anlé Bale é dan an dére ’ma lɛ.

Zakari 12:10

Yé maa dan bli zin valé zantévɔ?-?bli vɔ lɛ David lé munu valé Jérusalɛm munu gi, yé maa lé wo an fɔn, wo dan ’wo yara nɔla lɛ an vazia. Yé wo dan an wuvɔ lɛ bélé néwɔlɛ do kpen wuvɔle zo, yé wo dan an wuvɔ lɛ kaii bélé né vininzan wuvɔle zo.

Mi Nɔnɔle 21:9

Moizi zéné foli méné foto nya, yé é a dun yiliblan ’léé, yé dé miomian méné suiɛ dɔ a ma, dé é zénéméné nagini, ’té é béli.

Matio 16:21

É sia ’bɛ bléyi va, Jézu kun we gɔɔnle ma wo lɛ, yé é léé: É a lé an go Jérusalɛm, é a lé an nyané ble mi segelenu valé Balebanmunu segelenu valé sɛbɛgifemunu lee; é a lé wo an gyɛ yé yi fié a yaazan nya yé an nwa gamunu va.

Matio 20:28

’Ko zo lé maa blami Be da. An ’ka da lɛ léé, munu an mawe kɛlɛ lo, an da munu mawe kɛlɛle we gi, ’bɛ valé an gale mi kiɛre tabofɛ nya we gi.

Maak 14:36

Yé é léma: Aba, an Ti, i bɔa we faa kɛlɛle lɛ. ’I ’yiminikana ’ko si an lee ma. Naa, té é kɛlɛ an sɔlɛwe nya lo, ’é kɛlɛ i sɔlɛwe nya ma.

Maak 15:28

We lé ke é gyɛle Kazambale lé sɛbɛ gi léé, wa tɔ vɔ wenyanékɛlɛzannu va, a lɛ sɔɔ a zo.

Maak 16:19

Mizan we fe aan wo wo lɛ faa, yé Bale a sia yé é goan la gi, yé é nyana Kazambale bɛyila.

Maak 9:12

Jézu a zi pa wo lɛ léé: Éli é dan da lɛ é vinin, weboen nya. É dan wenu faa dɔ lɛ wo dɔbɛ gi é ziin. Yé mɛmalé wo maa blami Be lé we gyɛ sɛbɛ gi léé, é a lé an nyané ble é baba yé wan ye boami nyaa?

Maak 9:24

’Bɛna tɔɔn, gɔnéné ti siaa léé: An bli a i lɛ, naa, ’i bɔ an va anlé bli paan lo we ma.

WENÉNÉ LÉ LUK A GYE (Évangile selon Luc) 17:5

Nwunvɔzannu lé Mizan lɛ léé: ’I kolé blipale gi gyɛ.

WENÉNÉ LÉ LUK A GYE (Évangile selon Luc) 23:11

Érɔd valé élé sunyanu Jézu kɛlɛ gwɛmazan zo; dé é we nana a ma faa é sɔ nɔnɔmi baba zén a ta yé é a pa zia é ziin Pilat va.

WENÉNÉ LÉ LUK A GYE (Évangile selon Luc) 24:26

É ’ka lé Krist é nyané ’konu ble yé é wɔra élé fua gi loo?

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

WENÉNÉ LE JAN A GYE (Évangile selon Jean) 12:24

Maa fe ka lɛ kyɔ webozen nya, ’sawɔlɛ do lé wa vɔ, dé a gɔn ’ka bɔ lɛ lo, é vo é do; naa, dé a gɔn bɔ, éé baan di.

WENÉNÉ LE JAN A GYE (Évangile selon Jean) 12:32

Yé maa, dé wo an si yian ma tɛrɛ la yé wo an dun loru, maa dan mi faa gana lɛ an va.

WENÉNÉ LE JAN A GYE (Évangile selon Jean) 13:3

Yé Jézu a gi dɔɔ léé, é Ti fɛ faa bɛ pa é lee; é a gi dɔɔ léé, é si Kazambale va yé é dan go lɛ Kazambale va é ziin.

WENÉNÉ LE JAN A GYE (Évangile selon Jean) 6:40

An Ti lé blibɔmawe lé é ke ’ko: dé miomian é an ye a Be nya, yé a bli vo an lɛ, vole é yuɛma lé a glɛ ’ka lo, é wɔra ’bɛ gi, yé maa dan a nwa lɛ gamunu va yi voélazan nya.

WENÉNÉ LE JAN A GYE (Évangile selon Jean) 8:56

Ka tra Abraam gi nana léé, é dan an dayi na ye lɛ, yé é a ye, yé a gi nana.

Kelewenu 2:36

Bɛwemalé, Izraɛl munu, é a lé ka faa a gi dɔɔ é zima léé, Jézu ’ko lé ka a gyɛ yili la, Kazambale a kɛlɛ Mizan valé Krist nya.

Kelewenu 3:15

Yé ka bélile punsina gyɛ, yee lé Kazambale a nwa gamunu va. Ko a anayezannu nya.

Kelewenu 5:31

Kazambale a nwa é bɛyi nya Zilɛzan valé Mibélizan nya, léé, ’é zi nɔ Izraɛl munu lɛ léé, ’wo bli nɔla yé Bale ’é wo ma we vo wolé wenyanénu ma.

Kelewenu 5:41

Nwunvɔzannu si webolikinimunu va yé wo gi nana léé, Kazambale a ye léé, wo dɔle nyané blele wuo Jézu tɔ ma yara lé.

1 Korent munu 1:18

Naa, munu lé wo ke zi saanle ta, yiliblan lé we fele a wo yuɛ gi ’tugyɛwe nya, naa, kaa lé kaa si we gi, kaa a yé Kazambale lé plɛplɛ do nya.

1 Korent munu 1:23

naa, Krist lé wa dun yiliblan ta, ko yee ɛ lé we fé. Juifinu éé we ’ko yé ’wolé we gi sɛrɛwe nya; bɛnnu a yé ’tugyɛwe nya,

Éfez munu 2:16

We lé ke Jézu gi, yee lé ke ’ko: é a a va léé, ’é wo fiénu kɛlɛ kɔlɛ do nya yé é wonu valé Kazambale nana élé yiliblan nya, naa, yiliblan ta lé é zapale nyaa, azama.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Filip munu 1:6

Mian é kun nyanama zin pale ma ka gi bɛ, é dan go lɛ a lɛsɔɔle nya fɔɔ yé Jézu Krist lé yi é bɔ, maa a é pale ’bɛ ta.

Filip munu 3:20

Naa, kaazé fla a la gi loru, fɛana lé Mizan Jézu Krist é dan si lɛ, ana. Yé kaa a Jézu dale lɛbɛnna, kaa Siéwegizan nya.

2 Timoté 4:8

Yé sin, mi tegele lé tɔkoro ta a é dɔle anzé nya. Mizan, Weblezan tegele, é dan a nɔ lɛ an lɛ ’bɛ yi la. Naa, an do lɛan é dan a nɔ lɛ lo; munu faa lé, a dale sɔ wo lɛ, é dan a nɔ lɛ wo lɛ é ziin.

Ébrunu 1:13

Yé lanjenu va lanje kyɛn lɛ lé Bale léé: ’I nyana ’é bɛyila Fɔɔ yé ’é i nyanézannu faa pla i wuoo?

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 10:14

Naa, munu lé é wo kɛlɛ sauun é gun si wo ma lɛɛ faa zé nya saraka do kpen bole nya.

Ébrunu 10:33

A bɛ do la, munu yaragyɛwe bɔ ka ma gɔrɔ la, ’té ka kle blé; yé a bɛ do la, ka pa munu lé wo ke yee nyané duo blena, wo va.

Ébrunu 11:36

A kenu wo ’wuo dɔ ’wo ma we nanalenu koo, plén koo, gɔgɔbalenu koo, bokɔn koo, wo wuo.

Ébrunu 12:3

Mi lé wenyanékɛlɛmunu dɔ a ma plɛplɛ yé é ’wuo dɔ wo wuo, ’ka bɔn‐in bɔrɔ ’bɛzan ma; ’bɛ é dan bɔ lɛ ka va, ’té ka wɔlɛ gi ’ka nyaa ka ma lo, ’té ka fuu ’ka sié ka ta lo.

Ébrunu 13:13

Bɛwemalé, kaa go a va fla nwun zi mi; yaragyɛwe lé é ’wuo dɔ a wuo, kaa ’wuo dɔ yee duo wuo ma.

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.

Ébrunu 8:1

Wenu lé ko wo fe lao, wo va we blɛn lé é ke ’ko: Balebanmunu ’lɛzan ’ko zo ɛ ke kaazé nya; é a é nyanale Kazambale nyanana fuablin bɛyila la gi.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

SEBE LÉ JAK A GYE (Épitre de Jacques) 2:1

An bwenu, ka bli a é pale Kaazan lé é ke Fuasanzan Jézu Krist nya, a lɛ fɛan zo bɛ, té ka munu nagini wo kɔlɛ ma lo.

1 Piɛri 1:11

Krist lé nyanéblelenu valé fua lé é dan a ble lɛ ’bɛ zuo, Krist Léli lé ke balelayemunu gi, é a ’bɛ gɔɔnna aan wo wo lɛ a bléyi ’lɛ, amalé wo kwa kuli léé, wa kɛlɛbléyi valé a ma we kénékénénénu faa dɔɔ.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Piɛri 3:22

Jézu go la gi yé é nyana Kazambale bɛyila, yé lanjenu koo, fɛnu lé woo wo lɛdɔama koo, plɛplɛnu koo, wo pla a wuo.

SEBE LÉ JUD A GYE (Épitre de Jude) 1:21

’Ka vo Kazambale lé sɔlɛle gi, yé ’ka Kaazan Jézu Krist lɛbɛn yé vole é yuɛma lé a glɛ ’ka lo, yé ’é a nɔ ka lɛ a nyanai zénle ka ta we ma.

Wegɔɔnle 1:11

Dé i wean ye, ’bé gyɛ sɛbɛ ta yé ’bé pa léglizi sɔrafié lé wo ke Éfɛz koo, Simii koo, Pɛɛgam koo, Tiatii koo, Saad koo, Filadɛfi koo, Laodisé koo, wona bɛ, wo lɛ zia.

Wegɔɔnle 1:17

Maa a ye aan wo, maa dia a gane wuo bélé mi gale zo. Yé é bɛyi pla an ta yé é léé: Té i kana lo. Maa ɛ ke a vininzan valé a voélazan nya, yé maa a é yuɛma.

Wegɔɔnle 1:8

Mi lé é ke, ’té é ke ana é kyɛn, ’té é dan bɛ, Plɛplɛfaazan, Mizambale, é léma: Maa lé é ke Alfa valé Oméga nya, ’bɛ gi léé, a vininzan valé a voélazan nya.

Wegɔɔnle 2:8

’I sɛbɛ pa Simii léglizi lé lanje lɛ zia. ’Bé fe a lɛ léé: Mi lé é ke mi vininzan nya, ’té é ke a voélazan nya, ’té é ga yé é béli é ziin, a dére lé é ke ’ko: