Ébrunu 12:1 - Kazambale lé Sebe Sauunu 1979

¹ Kaa zi gunu a é dɔrale ’bɛ zo wenayemunu kiɛre nya bélé lati zo, bɛwemalé kaa é ziin, fɛnu lé woo kaa bɛn dɔa, kaa wo faa pla ma, yé kaa sɔn vɔ wenyanékɛlɛbli ma, yé kaa vlan buru kaa yarapalale nya vlan za kɛlɛna lé, a lɛ ke é sole kaa ’lɛ bɛ, ana ma,

Ébrunu 12:1 ပူးပေါင်းရင်းမြစ်များ

JOB (Job) 8:10

Wo dan we fe lɛ i lɛ yé wo dan we paa lɛ i gi, Wedɔɔdére lé wo dan si lɛ wo bli gi yé wa fe i lɛ, yee lé ke ’ko:

Lɛrɛvɔ Sɛbɛ 18:23

A déretawenu faa a an ’lɛ Yé an ’ka saan lɛ alé bélidɔwenu gi pelo.

Ézai 60:8

Wo lé wo ke giéna bélé lati zo bɛ, de lé ke wo nyaa? Wo lé wo ke sina bélé plawuonu lé ke gona ’wo kɔn va, wo zo, denu léé?

Ézékiɛl 38:16

Gɔg‐oo, Gɔg, i dan go lɛ i ’lɛzia anlé munu ma, bélé lati lé é tua tɛrɛ sɔnɔ, a zo. Yi voélanu gi, maa dan ka nwa lɛ anlé tɛrɛ ma, léé, bɛnnu an dɔɔ. Bii ɛ nya lé wo dan a gi dɔɔ lɛ léé, maa a blɛn.

Ézékiɛl 38:9

I dan nwa lɛ wo ma, i dan bié lɛ wo ma bélé fu plɛplɛ zo, i dan kɛlɛ lɛ bélé lati lé é bié tɛrɛ sɔnɔ, a zo, bii valé ilé mi palunu faa koo, é valé mi ’léé kiɛre lé wo ke i va koo, wo nya.

Matio 10:22

An tɔ lé we ma lé munu faa é dan ka za pa lɛ. Naa, mian éé yara paan anlé we kɛlɛle ta fɔɔ yé ’é bɔ a ’wuoplana ’bɛzan é dan si lɛ we gi.

Matio 24:13

Naa, mian éé yara paan anlé we kɛlɛle ta fɔɔ yé é bɔ a ’wuo plana, ’bɛzan é dan si lɛ we gi.

Maak 10:50

Yuɛwiizan élé sɔ dia, yé é nwa fɔrɔle nya yé é go Jézu va.

WENÉNÉ LÉ LUK A GYE (Évangile selon Luc) 12:15

A zuo é lé wo lɛ léé: ’Ka yuɛ pa kabozen va é zima blibɔle fɛnu ma lé we ma. Dé mi lé fɛnu a dioo, a vole é yuɛma ’ka sié ’bɛ va lo.

WENÉNÉ LÉ LUK A GYE (Évangile selon Luc) 16:28

we ’konu zuo fele wo lɛ we gi léé, té wo da nyanéblena ’ko lo.

WENÉNÉ LÉ LUK A GYE (Évangile selon Luc) 21:34

’Ka yuɛ pa kabozen va, dé ka zuru bɛn é da dɔ fɛblele kiɛre koo, nwɛ tanle koo, tɛrɛ la gibɔrɔlenu koo, wo nya, yé ’bɛ yi é bɔra ka ma fiaa bélé pɔgyɛséli zanale zo pɔnu ta;

WENÉNÉ LE JAN A GYE (Évangile selon Jean) 3:32

yé we lé é a ye, é valé we lé é a ’ma, yee lé éé a fé yé a dére ’ka goo mi do kpen ’wuo gi lo.

WENÉNÉ LE JAN A GYE (Évangile selon Jean) 4:39

Dére lé lezan a fe léé: É an kɛlɛwe faa zuo fe an lɛ, ’bɛ dére ’ko lé we ma lé fla ’ko la Samarinu kiɛre wo bli vo Jézu lɛ.

WENÉNÉ LE JAN A GYE (Évangile selon Jean) 4:44

Naa, yeebozen a fe é kyɛn léé, wo ’ka balelayezan lɛdɔama ébo lé fla lo.

Rom munu 12:12

Ka gi ’é nana bli kɛlɛle fɛ lɛ lé we ma ma. ’Ka kɛlɛ bli tiéézannu nya nyanéblele gi. ’Kabo nɔ bazorole lɛ.

Rom munu 2:7

munu lé wo ke fuasan koo, tɔbɔle koo, vole é yuɛma koo, wo naginina yara pale wezin kɛlɛle ta nya bɛ, vole é yuɛma lé a glɛ ’ka lo, Kazambale a tadɔ wozé nya;

2 Korɛnt Munu 7:1

An sɔlɛzannu, blivolɛdére ’ko zonu a kaa lee, amalé kaa dɔbɛ kyɛn ma tiridɔfɛnu valé léli ma tiridɔfɛnu faa si kaa ma ma, kaa kɛlɛle sauun lɛsɔɔle we ma, kanale Kazambale lee nya.

Galasi munu 2:2

Bale a nagɔɔn an lɛ léé, é a lé an go, amalé an go ana. Yé Wenéné lé maa a fe bɛnnu lɛ, maa yee duo gi fe nwunvɔmunu lɛ. Maa a gi fe Piɛrinu saa ɛ yuɛ va, vlan lé maa a buru, é valé vlan lé maa ke a buruna, té ’é vo é pla lo we ma.

Galasi munu 5:7

É kyɛn ka a vlan buruna é zima; de ɛ ka dɔ léé, té ka webozen lɛdɔma loo?

Éfez munu 4:25

Bɛwemalé, ’ka sɔn vɔ viéwole ma, yé ka va mi do do faa ’é weboen fe é bɔluzan lɛ, naa, kaa faa a kɔlɛ do vafɛnu nya.

Filip munu 1:30

Guli lé ka an ye a danna yé ka a ’ma léé, maa a yee guli duo danna duowo, ka é ziin, ka a yee guli duo danna.

Filip munu 2:16

A zo lé Krist lé yi la, an gi é dan nana lɛ kalé we ma léé, maa ’ka vlan buru lɛ é pla lo, yé an ’ka nyanama pa lɛ é pla lo.

2 Timoté 2:4

Sunya ’ka vɔɔma tɛrɛlawenu gi lo, ’té dé é sɔ a lɛ léé, élé we é sɔ é nwiinzan lɛ.

2 Timoté 4:7

An guli zin dan; maa anlé za kɛlɛle lɛ sɔɔ; an bli vo Kazambale lɛ.

Ébrunu 6:15

’Bɛ zo lé, dé Abraam a lɛbɛn yarapalale nya faa, yé fɛ lé Kazambale a fe blivolɛdére nya, yé é a ye.

SEBE LÉ JAK A GYE (Épitre de Jacques) 1:3

Ka gi dɔɔ léé, kalé blipale gidanle é dan ka bli kɛlɛ lɛ tiéé, azama.

1 Piɛri 2:1

Mi blifliwe faa koo, dabliwe faa koo, bodrɔle koo, bli bɔle mi bɛ lé fɛ ma koo, liwole faa koo, ’ka daan wo ma.

1 Piɛri 4:2

léé, alé tɛrɛlayinu lé wo vo a lee, té ’é wo kɛlɛ tɛrɛlamunu lé blibɔmawe yɛrama é dɛrɛ lo, naa, ’é wo kɛlɛ Kazambale lé blibɔmawe yɛrama.

1 Piɛri 5:1

Maa a we plana kalé mi segelenu lɛ. Maa é ziin, maa a wo va mi segele do nya, yé maa Krist lé nyanéblelenu ye, yé anzé a fua tɔbɔle lé é dan bɔra lɛ bɛ, a va. We lé maa a plana ’kaa mi segelenu lɛ, yee lé ke ’ko:

1 Piɛri 5:12

Maa a dére sɛ ’ko pana ka lɛ zia Silvɛn lé é ke an yuɛ gi yarapawela bwe nya, a lee. Maa a gyɛ we plale ka lɛ valé ka bɔn gi kinile we gi léé, Kazambale lé zin bozen a ’bɛ ɛ zo. ’Ka dɔ a ta ma.

2 Piɛri 1:6

yé ’kabo kunle pa wedɔɔle va, yé ’ka bli tiéé pa kabo kunle va, yé ’ka Bale lé zi sɔle ka lɛ pa bli tiéé va,

Wegɔɔnle 1:9

Maa Jan, maa a ka bwe nya. Nyanéblele valé plale mi nwiin valé yara pale we la lé ko ye Jézu lé we ma, é a kaazé nya. Maa a Kazambale dére valé Jézu lé we fena, amalé wo an si yé wo an zun wɛyi worona tɛrɛ lé wa laama Patimɔ, a ta.

Wegɔɔnle 13:10

Dé mian a go yara lé luu gi, ’bɛzan é dan go lɛ luu gi; dé mian a ga gwɔun ’léé yara lé, é a lé ’wo ’bɛzan gyɛ gwɔun nya. Fɛkona lé Kazambale lé munu ’wolé yara pale we la valé ’wolé blipale nagɔɔn‐an.

Wegɔɔnle 22:16

Maa Jézu, maa anlé lanje nwunvɔ we ’konu lé we fele ka lɛ we gi, léglizinu gi. Maa ɛ ke David kulu valé a punla nya, bladi monéné bile nya.

Wegɔɔnle 3:10

I tawo an dére ta yarapalale nya, amalé maa é ziin, bléyi tɔntɔn lé é dan bɔ lɛ tɛrɛ faa la, tɛrɛlamunu gi danle we gi bɛ, maa dan ka tabin lɛ ’bɛ bléyi va.