Ébrunu 11:9 - Kazambale lé Sebe Sauunu 1979

⁹ Tɛrɛ lé Bale a ma blivolɛdére fe Abraam lɛ léé, é dan kɛlɛ lɛ azé nya, é vo ’bɛna bélé bɛn zo, yé é nyana sɔkɔn wuo blipale nya. A zo duo lé Izak valé Jakɔb a kɛlɛ; Kazambale blivolɛdére duo fe ’bɛnu lɛ yé ’bɛnu kɛlɛ tɔnɔblezannu nya Abraam va.

Ébrunu 11:9 ပူးပေါင်းရင်းမြစ်များ

Wepélisiananu 12:8

É si ’bɛna yé é go gɔ vazia, Bétɛl lé yirinwanazia, yé élé sɔkɔnnu dɔ ’bɛna, ’té Bétɛl a yirivɔnazia, yé Ai a yirinwanazia. Yé é Gakelebale banna do kɛlɛ é ziin yé é Gakelebale tɔ laa ’bɛna.

Wepélisiananu 13:18

Abram élé sɔkɔnnu si, yé é da nyana lɛ Mamré lé sɛnéyilinu méléna, ’té é ke Ébrɔn sɔnɔ bɛ. É Gakelebale banna do kɛlɛ ’bɛna.

Wepélisiananu 13:3

Yé é si yirinwana bɛyilazia, yé é gié Bétɛl, yé é bɔ fɛana lé alé sɔkɔn ke é vinin, Bétɛl valé Ai worona, ana,

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Wepélisiananu 18:6

Abraam go é nya do élé sɔkɔn gi Sara va yé é lé a lɛ léé: ’I burupun zima si suo nya yaa, bé yɔɔ dɔ. Bé kɛlɛ buru nya é kele.

Wepélisiananu 18:9

Yé wo lé a lɛ léé: I na Sara a kyɛɛn? É léé: É a sɔkɔn gi bɛ.

Wepélisiananu 21:34

Abraam mɔn Filisiti munu lé tɛrɛ la.

Wepélisiananu 23:4

Maa a bɛn nya yé an nyanaan ka va; ’ka mipana nɔ an lɛ ka va, yé maa anlé migale pa yé é si an yuɛ gi.

Wepélisiananu 25:27

Nénu ’ko tin; Ézau kɛlɛ lupazan zin nya, bwiizan nya. Jakɔb a mi drɔɔ nya, yé é vo sɔkɔnnu wuo.

Wepélisiananu 28:4

’Wo i drɔɔ vo Abraam drɔɔvobɛ gi, bii valé ilé nénu nya i va ma, tɛrɛ lé i nyanaan a ta bɛn nya ’ko, ’té é a nɔ Abraam lɛ bɛ, a kɛlɛle izé nya we ma.

Wepélisiananu 31:25

Laban bɔ Jakɔb ma, ’té Jakɔb élé sɔkɔn dɔ gɔ nwiin. Laban ézé dɔ é ziin é zuanénu va, Galaad gɔ nwiin.

Wepélisiananu 35:27

Jakɔb bɔ é ti Izak va Mamré, Kiijat‐Aaba, yee lé ke Ébrɔn nya. Ana lé Abraam valé Izak nyana.

Wepélisiananu 36:7

Wo fua kiɛre ble, bɛwemalé wo ’ka bɔa nyanale lɛ ékeva lo. Wolé trubɛnu a di, bɛwemalé tɛrɛ lé wo ke é nyanale a ta, é ’ka wolé trubɛnu lé fɛblele bɔa lo.

Wepélisiananu 47:9

Jakɔb lé Faraɔn lɛ léé: An giélɛɛ faa a lɛɛ yɔ suiɛdo wɔlɛ vu. Anlé tɛrɛlalɛɛnu ’ka di lo yé wa lɛɛ lɛrɛlɛrɛnu nya. Wo ’ka bɔ lɛ an tranu gié tɛrɛlalɛɛ nya ékema lo.

Lɛrɛvɔ Sɛbɛ 105:12

Bléyian va lé é we ’ko fe, ’té wo ’ka di lo, ’Té wo ’léé a kiéné, ’té wa bɛn nya ana tɛrɛ la,

Jérémi 35:7

té ko kɔn dɔ monomono lo, té ko fɛwɔlɛ do kpen vɔ lo, té ko dɔrɔféi pa lo, té dɔrɔféi é kɛlɛ ko lee lo, naa, ’ko nyana sɔkɔnnu gi kolé tɛrɛla faa gi, léé, tɛrɛ lé ko ke a ta bɛn nya, yé ko mɔn ana.

Ébrunu 6:17

We ’ko ma lé Kazambale ébo ’nyɔɔn. Munu lé Kazambale blivolɛdére fe wo lɛ bɛ, Kazambale a a va léé, é a gɔɔn wo lɛ léé, we lé é a ma kunna ye, é ’ka nɔlaan lo, amalé é blivolɛdére kɛlɛ sɔbɛlawe nya ébo ’nyɔɔnle nya.