Ébrunu 11:7 - Kazambale lé Sebe Sauunu 1979

⁷ Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.

Ébrunu 11:7 ပူးပေါင်းရင်းမြစ်များ

Wepélisiananu 19:14

Lɔt bɔra yé é we fe é lu zananu lɛ, yé é lé wo lɛ léé: ’Ka nwa, ’ka fwi fɛkona, naa, Gakelebale a gona fla ’wii lɛ. Naa, é dɔ a lu zananu gi léé, gle lé é a wo.

Wepélisiananu 6:13

Yé Gakelebale lé Noé lɛ léé: Mi faa lé we nyaa; maa ɛ fe; naa, wo glawe kɛlɛle sɔɔla tɛrɛ faa la, amalé maa dan wo guru zana lɛ a gi, tɛrɛ boen koo é ziin.

Wepélisiananu 6:22

Yee lé Noé a kɛlɛ; we faa lé Bale a fe a lɛ, é a kɛlɛ.

Wepélisiananu 6:9

Noé lé nénu lé ke ’ko: Noé a mi zin nya, é a mi tegele nya ézé bléyi va. Noé tawoo Kazambale va.

Wepélisiananu 7:23

Fɛ faa lé ke é yuɛma tɛrɛ la, wo faa ga tata, munu koo, winu koo, tawoplɛlawinu koo, mianénu koo, wo nya. Wo faa si tɛrɛ la tatata. Noé valé fɛnu faa lé wo ke a va ’yitagoro gi, wo saa ɛ vo.

Wepélisiananu 7:5

We faa lé Gakelebale a fe Noé lɛ, é a kɛlɛ.

Wepélisiananu 8:16

Bii koo, i na koo, i benu koo, i benu nanu koo, ’ka si ’yitagoro gi.

2 Minwiinzannu 4:5

É kɔn lɛ tan yeebozen valé élé nénu ta; woo bɔnu no a lɛ, ’té éé nyɔnɔ zén‐é wo gi.

JOB (Job) 35:8

Ilé wenyané éé ’naan i zoɛzan ma, I tegele éé bɔa blami va é wo.

Wegɔnévɔlenu 22:3

Yuɛikinizan éé wenaané yé, yé éé yɔɔan, naa, nékénénémi éé goo é ’lɛ mi, yé woo we lɛdɔa a gi.

Wegɔnévɔlenu 27:12

Yuɛikinizan éé wenaané yé, yé éé yɔɔan, naa, nékénénémi éé goo é ’lɛ mi, yé woo we lɛdɔa a gi.

Ézékiɛl 14:14

yé dé é kɛlɛ léé, Noé koo, Daniɛl koo, Job koo, wana wo méléna kɔɔn, ’té wo mi yaa ’ko saa ɛ dan si lɛ we gi wo kɛlɛwe tegele ma. A zo lé Mizan Gakelebale a fe.

Ézékiɛl 14:20

yé dé Noé koo, Daniɛl koo, Job koo, dé wo mi yaa ana wo méléna, wo ’ka dan ’wo benu valé ’wo lunu si lɛ we gi lo, naa, wo mi yaa saa ɛ dan si lɛ we gi wo kɛlɛwe tegele ma. Maa a é yuɛma. A zo lé Gakelebale a fe.

Ézékiɛl 33:5

É béli dére ’ma yé é tɔné sia a ta, alé we a ébo nwiin. Dé é a tawe kɛlɛ, ’té aboen é dan béli lɛ.

Matio 2:12

’Bɛ zuo, Bale a fe wo lɛ nyɛ fla léé, té wo gié Érɔd vazia é ziin lo. Yé wo gié zi bɛ ’léé, yé wo go ’wolé fla.

Matio 24:15

Amalé mi lé é ke sɛbɛ ’ko ta fena, ’bɛzan ’é yuɛ pa ébozen va ma. Fɛ sɛrɛle tata fɛ naané lé wo ’ka wo yuɛ vɔa a ta lo, ’té balelayezan Daniɛl alé we fe bɛ, dé ka a ye é dɔle fɛna sauun na,

Matio 24:25

Ka ye, maa a fe ka lɛ a bɔle ’lɛ.

Matio 24:38

Bléyian va lé lɛɛ blɛn ’ka tan da lɛ lo, ’bɛ yinu ta munu éé fɛ blé, ’té woo fɛ minian, ’té woo le sié, ’té woo wo lunu no bo lɛ fɔɔ yé é bɔ Noé wɔrayi ma ’yitagoro gi.

Matio 3:7

Juifinu palu do ana, woo wo laama Farizimunu. Wo dɔ bélidɔwe gi plɛplɛ. Juifinu palu do ana é ziin, wo ’bɛnu laama Sadusémunu. Naa, Farizimunu valé Sadusémunu kiɛre da Jan lé mi batizéwona nagini lɛ. É wo ye aan wo, é lé wo lɛ léé: ménénwunnu bɛn, de ɛ we paa ka gi léé, bliflile lé é dan da lɛ bɛ, ka fwi a ’lɛɛ?

WENÉNÉ LÉ LUK A GYE (Évangile selon Luc) 17:26

Wean é bɔ Noé bléyi va, yee duo ɛ dan bɔ lɛ maa blami Be zé yinu ta.

Rom munu 1:17

Kazambale éé mi kɛla tegele fɛan zo, a na a é gɔɔnle Wenéné ’ko nya, kɛlɛle tegele lé mi a yé blipale ma, ’té éé blipale no munu lɛ bɛ, yee lé, fɛan zo lé é a é gyɛle sɛbɛ gi, a zo, léé: Mi lé é kɛlɛ tegele blipale ma, é dan béli lɛ.

Rom munu 10:6

Naa, kɛlɛlɛ tegele lé éé sié blipale va, azé wefele a ’ko zo: Té bé fe i bli gi léé: De ɛ dan go lɛ la gii? lo; ’bɛ gi léé, de ɛ go Krist si lɛ ko lɛ la gii?

Rom munu 4:11

É ganedɔle ye tɔmase nya, kɛlɛ lé é a wo tegele élé blipale ma, ’té a gane ’ka tan é dɔle lo, a tɔmase nya. ’Bɛ zo lé, munu lé wo gane ’ka é dɔle lo, ’té wo bli a é pale, Abraam kɛlɛ wo faa ti nya, wo faa kɛlɛle tegele we ma.

Rom munu 4:13

Bale ’ka blivolɛdére fe lɛ Abraam valé é kulunu lɛ léé, wo dan tɛrɛ ye lɛ ’wozé nya bélidɔwe ma lo, naa, blipale lé éé mi kɛla tegele, ’bɛ ma lé wo dan a ye lɛ.

Rom munu 9:30

Bɛwemalé, mɛ we lé ko féé? Bɛn bɛnu lé, wo ’ka kɛlɛle tegele naginina é vinin lo, wo kɛlɛ tegele; kɛlɛle tegele lé éé sié blipale va, yee lé wa ye;

Galasi munu 5:5

Naa, ko, Kazambale Léli éé bɔa ko va, yé ko a blivolɛdére lɛsɔɔle lɛbɛnna, yee lé ke léé, ’wo ko ye tegele ko blipale ma.

Filip munu 3:9

Yé dé an kɛlɛ Krist gi, maa ’ka a gi kɛlɛle tegele lé éé sié bélidɔwe va, ’bɛ we ma lo, naa, maa a a gi kɛlɛle tegele lé éé sié blivole Jézu Krist lɛ va, a we ma. Kɛlɛle tegele ’ko, Bale a no blipale ma.

Ébrunu 11:1

Fɛnu lé mi bli ke wo lɛ, blipale ɛ wo yé; fɛnu lé mi ’ka wo yé lo, blipale ɛ ke wo nagɔɔnzan nya.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

Ébrunu 5:7

Bléyian va lé Jézu a blami nya, é bazoro yé é zanté vɔ Kazambale lé, éé bɔa a sile lɛ ga lee, a lɛ; é bazoro siaale plɛplɛ valé yuɛyi sole nya. Yé é pla Bale wuo é zima amalé Bale a ’ma.

Ébrunu 8:5

Naa, weboen lé, Balebanmunu ’ko lé balebannyanama a bélé fɛfoto zo, é a bélé we zuosonale zo. Yee fɛ boen a la gi. Ko ’bɛ gi dɔɔ we lé Kazambale a fe Moizi lɛ, ’té ’bɛ a gona sɔkɔn dɔna bɛ, a ma. É lé a lɛ léé: ’I yuɛ pa ibozen va. A dɔbɛ faa lé maa a gɔɔn i lɛ gɔ nwiin ’ko, bé faa kɛlɛ ’bɛ yɛrama ’kyɛ.

1 Piɛri 3:20

Lélinu ’ko, wa é vinin tɔnégiplɛplɛzannu nya, bléyian va lé Kazambale é bli kɛlɛ tiéé munu ma, Noé lé ’yitagoro kɛlɛbléyi va. Mi sɛ lé ’yi wo béli, wa ’yitagoro gi mi sɔraa.

2 Piɛri 1:1

’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.

2 Piɛri 2:5

É ’ka munu vininnu vo lɛ lo, naa, duowo, bléyian va lé é lɛɛ da Bale lé zi ma wenyané fezannu faa ta bɛ, é we tegele fezan Noé béli, é valé mi sɔrafié nya.

2 Piɛri 3:6

yé ’bɛ tɛrɛ vininzan bɛ, ’yi ’bɛ sɛrɛ lɛɛ blɛnblɛn dabléyi va;