Ébrunu 11:1 - Kazambale lé Sebe Sauunu 1979

¹ Fɛnu lé mi bli ke wo lɛ, blipale ɛ wo yé; fɛnu lé mi ’ka wo yé lo, blipale ɛ ke wo nagɔɔnzan nya.

Ébrunu 11:1 ပူးပေါင်းရင်းမြစ်များ

Lɛrɛvɔ Sɛbɛ 27:13

Dé an ’ka é pale a ta léé, maa Gakelebale lé zin yé tɛrɛ la ’ko lo ’naan, ’Té maa kɛla kaa?

Lɛrɛvɔ Sɛbɛ 42:11

Dé nyanépa‐antazannu a an sɔnɔna, ’té wa fé an lɛ yifaama léé: Izé Bale a kyɛɛn? É so an wɔlɛ zi.

Kelewenu 20:21

yé an we fe Juifinu valé Grɛkinu lɛ léé, ’wo bli nɔla Kazambale vazia yé ’wo bli vo Kozan Jézu Krist lɛ.

1 Korent munu 13:13

Sin, fɛ yaa ’ko, woo voo ana: blipale koo, bli kɛlɛle we lɛ koo, sɔlɛle koo, woo lé. Naa, wo faa tagɔné lé ke sɔlɛle nya.

2 Korɛnt Munu 11:17

We lé maa ke a fena, maa ’ka a fena bélé Krétiɛn zo lo, maa a fena tavole nya anbo ze vɔle we gi an bli tadɔle plɛplɛ nya.

2 Korɛnt Munu 4:18

Yé é ziin, fɛnu lé mi éé ’bɛnu yé é yuɛ nya, ko ’ka ko yuɛ vɔa ’bɛnu ta lo, ko yuɛ vɔa fɛnu lé mi ’ka wo yé é yuɛ nya lo, wo ɛ ta; naa, yuɛyefɛnu a giéfɛnu nya yé fɛnu lé mi ’ka wo yé é yuɛ nya lo, wo dan vo lɛ ana lɛɛfaama, a glɛ ’ka lo, azama.

2 Korɛnt Munu 5:17

Dé mi a Krist gi, ’té é a mi dɛrɛ nya; we kyɛnnu faa gié yé wenu faa kinin we dɛrɛnu nya.

2 Korɛnt Munu 5:7

Naa, ko a tawona blipale yɛrama, ko ’ka tawona fɛ lé ko yuɛnu a yé, ’bɛ yɛrama lo.

2 Korɛnt Munu 9:4

Dé ko valé Masédɔane munu bɔ ka va, ’té ka ma ’ka é ’lɛrɛle lo, ’bɛ éé maa gya yara nya, maa ’ka kazé fena lo, yé maa ’ka ’bɛ va lo.

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

Tite 1:1

Maa Pɔl lé an ke Kazambale wuozan valé Jézu Krist lé nwunvɔzan nya, maa ɛ ke sɛbɛ ’ko gyɛna bii Tite lɛ. Bale an kɛlɛ nwunvɔzan nya léé, munu lé Kazambale wo si a va, maa bɔ wo va yé wo bli é vo Bale lɛ tegele yé webozen lé é ke Kazambale lé zi yɛrama, yé wo dɔ gligli ’bɛ gi.

Ébrunu 10:22

Bɛwemalé kaa bié bli do valé blipale bozen nya ma, ’té kaa bli gi a fu, ’té gi kɔun ’ka kaa ma lo, ’té kaa kɔlɛ a é zurule ’yi zima nya.

Ébrunu 10:39

Naa, munu lé wo diéra yé wo san, kaa ’ka wo va mi kenu nya lo, naa, munu lé wo bli ke wo boen sile we gi lɛ, kaa a wo va mi kenu nya.

Ébrunu 11:13

Wo faa ga, ’té wo bli a we lɛ, dɔlé ’té fɛnu lé Bale a ma blivolɛdére fe wo lɛ, wo ’ka a ye lɛ lo, naa, wo wo ye baa mi, yé wo wo sɛɛn vɔ yé wo léé, ’wa bɛnnu valé giézannu nya béera ’ko.

Ébrunu 11:27

Blipale nya lé é si Éjipiti tɛrɛ la, yé é ’ka kana lɛ minwiinzan blɛn lé bliflile lee lo, naa, é dɔ gligli, bélé fɛan zo lé mi lé wo ’ka a yé lo, éé ’bɛ yé, a zo.

Ébrunu 11:7

Kazambale tɛlɛ tɛlama we fe aan wo Noé lɛ, kana zén a gi, yé blipale nya lé é ’yitagoro do kɛlɛ yee valé é kulu sile we gi we ma; alé blipale nya lé é we dɔ tɛrɛlamunu nwiin, yé kɛlɛle tegele lé mi a yé blipale ma, é a ye ézé nya.

Ébrunu 2:3

Dé kaa yara si silewegi blɛn ’ko zo ta, we é dan si lɛ kaa nwiin kaa? Mizan bozen ɛ silewegi ’ko lé we fe é vinin, yé munu lé wo we ’ko ’ma a ta, wo yee duo fe kaa lɛ é ziin,

Ébrunu 3:14

Kaa bli a Kazambale lɛ é vinin fɛan zo, dé kaa bli vo a lɛ ’bɛ zo fɔɔ yé kaa bɔ a ’wuoplana, ’té kaa a Krist gizannu nya.

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

Ébrunu 6:12

É sɔ ko lɛ léé, té ka yuɛ gi é blan lo, naa, munu lé wo ke blivolɛdére lɛsɔɔle yena, blipale valé yarapalale nya, ’ka kɛlɛ bélé wo zo.

2 Piɛri 1:1

’Kaanu lé ka blipale wezan duo ye ko va, kaalé Bale valé Mibélizan Jézu Krist tegele lé we ma bɛ, an we ka va. Maa Simɔn Piɛri lé an ke Jézu Krist lé luugɔnéné valé alé nwunvɔzan nya, maa ɛ ke sɛbɛ ’ko gyɛna ka lɛ.