Ébrunu 10:11 - Kazambale lé Sebe Sauunu 1979

¹¹ Balebanmunu koɛnu éé dɔa yi faa do do ma balebanna, ’té saraka duonu lé wo ’ka bɔa wenyané sile lɛ mi lee monomono lo, ’té wa boo yifaama.

Ébrunu 10:11 ပူးပေါင်းရင်းမြစ်များ

Ébrunu 10:4

dirigɔné valé boligɔné nyɛ ’ka bɔa wenyané sile lɛ munu lee lo, azama.

Ébrunu 5:1

Naa, Balebanmunu ’lɛzan faa lé wo wo si munu méléna, woo wo dɔa Kazambale lé nyanamapazannu nya munu lé we ma, blan nɔle valé wenyanénu ma saraka bole Kazambale lɛ we gi.

Mi Nɔnɔle 28:3

Bé fe wo lɛ léé: Fɛ lé wo dan a nɔ lɛ maa, Gakelebale lɛ sarakabofɛ lé wa kyɛ blé, a nya, yee lé ke ’ko: yi faa do do ma, ’blané fié lé wo lɛɛ ke do, ’té we do ’ka wo ma lo, ’wo ’bɛ nɔ balebanwi lé wa kyɛ blé, ’té a nɔle ’ka nyaan lo, a nya.

Ébrunu 7:27

Alé we ’ka bélé Balebanmunu ’lɛzan bɛnu zé zo lo. Yi faa do do ma woo Bale baan é vinin wobo lé wenyané ma, ’bɛ zuo yé wa baan munu lé wenyanénu ma. Naa, Jézu zé ’ka ’bɛ zo lo. É ébo nɔ Balebanfɛ nya gɔnɔ do kpen lɛɛ faa zé nya.

Ézai 1:11

Gakelebale léma: Maa mɛ ɛ kɛla kalé saraka kiɛre nyaa? An kan kalé ’blagɔnénu lé wa kyɛ blé, é valé diriné nyɔnɔnu nya. Dirigɔnénu koo, ’blanu koo, boligɔnénu koo, wo nyɛ ’ka an gi nanaan lo.

Ébrunu 10:1

Bélidɔwe a bélé fɛfoto zo. Mi ’ka tɛlɛ tɛlama wezin boen yé a gi lo. Bélidɔwe ɛ fe léé, ’wo sarakanu duo bo lɛɛ do do faa ma, naa, munu lé woo Kazambale bɔa ’bɛ zo, bélidɔwe ’ka gun sié wo ma lo.

Daniɛl 12:11

É sia bléyian va lé balebanwi lé wa kyɛ blé yifaama, wa nɔle yi ga, fɔɔ yé fɛ naané lé mi ’ka é yuɛ vɔa a ta lo, yé wa dɔ fɔɔ bléyi ’ko va, yi wuru suiɛdo yi yɔ ziɛn wɔlɛ vu é dan gié lɛ.

Daniɛl 11:31

A dére ta lé sunyanu é dan da lɛ, wo dan fɛna sauun, kɔn plɛplɛ sɔnné sɛrɛ lɛ, yé balebanwi lé wa kyɛ blé, ’té wa no yifaama, wo dan a nɔle yi ga lɛ, yé fɛ sɛrɛle tata fɛ naané lé mi ’ka é yuɛ vɔa a ta lo, wo dan a dɔ lɛ fɛna sauun na.

Daniɛl 9:27

Minwiinzan ’ko é dan gipawe gligli do kɛlɛ lɛ mi kiɛre va flɛyi do wuo. Yé flɛyi ’ko méléna, é dan saraka bole valé blɛ kɛlɛle yi ga lɛ. Fɛsɛrɛzan é dan bozowenu kɛlɛ lɛ fɔɔ yé a sɛrɛle valé wean wa ma’lɛrɛ azé nya, yé é bɔ a ma.

Daniɛl 9:21

Maa a tan anlé bazoro dére fena tɔɔn, mi lé wa laama Gabriɛl, ’té maa a ye é vinin yuɛzi gi, é da sile plɛplɛ nya yé é bié an sɔnɔ nyanadi balebanbléyi va.

Daniɛl 8:11

É nwa fɔɔ lai sunyanu nwiinzan va, yé balebanwi lé wa kyɛ blé, ’té wa no lɛɛfaama, é a nɔle yi ga, yé é alé fɛna plɛplɛ zana a gi.

Ézékiɛl 45:4

Tɛrɛ ’ko la fɛna tinle lé ke bɛ; é dan kɛlɛ lɛ Balebanmunu lé woo nyanama paan fɛna sauun na, ’té woo biéan Gakelebale sɔnɔ a banle we gi bɛ, wozé nya. Ana lé wolé kɔnnu é dan kɛlɛ lɛ, yé é dan kɛlɛ lɛ fɛna sauun tegele nya.

Mi Nɔnɔle 29:6

’Ka saraka ’konu bo, ’té balebanwi lé wa kyɛ blé, ’bɛ valé moné do do balebanfɛ koo, balebanwi lé wa kyɛ blé, ’té a nɔle ’ka nyaan lo bɛ, ’bɛ koo, balebanfɛ koo, baleban’yi lé wa pa a va koo, ’té ’ka ’bɛnu é no duowo, é nɔbɛ gi. Wa sarakanu lé kyɛ a blé, ’té Gakelebale éé wo gin sié néné, wo nya.

Mi Nɔnɔle 28:24

’Ka wo nɔ yi faa do do ma, yi sɔrafié wuo; é a sarakafɛ lé wa kyɛ blé, ’té Gakelebale a gin sié néné, a nya. É a lé wa nɔ, balebanwi lé wa kyɛ blé, ’té a nɔle ’ka nyaan lo bɛ, ’é valé baleban’yi, ’té ’ka ’bɛ é no duowo.

Fwile 29:36

’I saraka bo dirigɔné nya yi do do ma, wenyané lé we ma, wenyané ’yibofɛ nya; wenyané ’yibofɛ ’ko ɛ balebanna ’lɛ dɔa, yé i dan nyɔnɔ zén lɛ a ta, a pale é yɛrama we gi.

Misé 6:6

An dan go lɛ Gakelebale va mɛ zantévɔfɛ nya an lee, yé an ’wuo wɔra Loruzan Bale gane wuoo? An dan go lɛ balebanwi lé wa kyɛ blé, a nya, taa, lɛɛ do dirigɔné léé?

Ébrunu 8:2

Sɔkɔn bozen lé Mizambale a dɔ, ’té mi do kpen ’ka a dɔ lɛ bɛ lo, yee fɛna sauun ’kona lé é ke nyanama pana.

Ébrunu 8:4

Dé é a kɔɔn tɛrɛ la, ’té é ’ka boenwo kɛla Balebanzan nya lo, naa, munu lé Balebanmunu lé woo Balebanfɛ no bélidɔwe yɛrama, wo ana.