Ébrunu 10:10 - Kazambale lé Sebe Sauunu 1979

¹⁰ Kazambale lé blibɔmawe lé é a fe bɛ, a lɛsɔɔle nya lé kaa kɛlɛ sauun; Jézu ébo kɔlɛ nɔ saraka nya gɔnɔ do kpen lɛɛ faa zé nya, azama.

Ébrunu 10:10 ပူးပေါင်းရင်းမြစ်များ

Zakari 13:1

’Bɛ yi la, ’yi’wuo do é dan fɔn lɛ David lé munu valé Jérusalɛm munu zé nya, wenyané valé mi tiridɔwenu lé we ma.

WENÉNÉ LE JAN A GYE (Évangile selon Jean) 17:19

Yé maa anbozen pa é yɛrama wolé we ma, wo é ziin, wo pale é yɛrama webozen yɛrama we gi.

WENÉNÉ LE JAN A GYE (Évangile selon Jean) 19:34

Naa, sunya do a sɛe fɔn din nya. Tɔɔn nyɛ valé ’yi bɔra a gi.

WENÉNÉ LE JAN A GYE (Évangile selon Jean) 6:51

Maa a mibéliburu lé é si la gi, a nya. Dé mi buru ’ko ble, é dan vo lɛ é yuɛma lɛɛfaama, a glɛ ’ka dɔa lo. Yé buru lé maa dan a nɔ lɛ a lɛ, an wi lé, yee lé maa dan a nɔ lɛ tɛrɛlamunu bélifɛ nya.

1 Korent munu 1:30

Naa, Kazambale lé we ma lé ka a Jézu Krist gi, yé Kazambale lé blibɔmawe yɛrama lé Krist kinin kolé wedɔɔle valé kolé we tegele koo, ko kɛlɛle sauun koo, ko tabozan koo, wo nya.

1 Korent munu 6:11

A nya lé ka va mi kenu ke é vinin. Naa, sin ka a é zurule; ka a sauun, ka kɛlɛ tegele Mizan Jézu Krist tɔ gi, é valé kaalé Bale Léli nya.

Éfez munu 5:2

’Ka tawo ka ke va sɔlɛle nya, Krist kɛlɛwe ma. Kaa sɔ a lɛ, yé ébozen nɔ Kazambale lɛ kaalé we ma bélé blan valé saraka gin néné zo.

Éfez munu 5:26

a kɛlɛle sauun we gi, yé é a gi bɔ ’yi valé é dére nya.

Ébrunu 10:12

Naa, Balebanzan ’ko zé a é yɛrama. É wenyané ma saraka bo gɔnɔ do ’té, ’bɛ zuo, é nyana Kazambale bɛyila yé é a yifaama é nyanale ’bɛna,

Ébrunu 10:14

Naa, munu lé é wo kɛlɛ sauun é gun si wo ma lɛɛ faa zé nya saraka do kpen bole nya.

Ébrunu 10:20

Jézu ɛ zi ’ko pla kaa lɛ; zi dɛrɛ lé, mibélizi lé, yé éé goo Bale lé kɔn gi sɔ lé wa kɛlɛ kɔnmi nya, a zi. Sɔ ’ko ɛ ke a kɔlɛ nya.

Ébrunu 10:29

’té é dɔ ka gi kaa? Dé mian é Kazambale Be kɛlɛ naanaazan nya, yé gipawe dɔ plɛplɛ nyɛ lé ’bɛ a kɛlɛ sauun bɛ, é ’bɛ ye boawe nya, yé é zin Léli sɔnɔ, a yara ’ka lé Bale é we lɛdɔ ’bɛzan gi welɛdɔle mi gi tɔntɔn bozen nya loo?

Ébrunu 10:5

Bɛwemalé, bléyian va lé Krist da tɛrɛ la, é léé: Saraka koo, blan koo, bii Bale léé, ’é ’ka wo do va lo, Naa, i kɔlɛ do kɛlɛ anzé nya,

Ébrunu 13:12

Bɛwemalé Jézu é ziin, munu kɛlɛle sauun abozen nyɛ nya we gi lé é nyané ble flan nwun zi.

Ébrunu 2:11

Naa, mi lé éé munu kɛla sauun, é valé munu lé é wo kɛlɛ sauun, wo faa si gɔnɔ do kpen gi. Bɛwemalé, é ’ka yara gya wo laale ma é zuanénu lo.

Ébrunu 2:14

Naa, kɔlɛ lé nénu éé sié a nya wo ti valé wo bu va, yee kɔlɛ duo nya lé Jézu da. Yé a gale nya lé, mi lé gale lé plɛplɛ ke a lee, ’bɛ gi léé, yonufaatagɔné, yé é ’bɛzan kulu ga,

Ébrunu 5:7

Bléyian va lé Jézu a blami nya, é bazoro yé é zanté vɔ Kazambale lé, éé bɔa a sile lɛ ga lee, a lɛ; é bazoro siaale plɛplɛ valé yuɛyi sole nya. Yé é pla Bale wuo é zima amalé Bale a ’ma.

Ébrunu 7:27

Alé we ’ka bélé Balebanmunu ’lɛzan bɛnu zé zo lo. Yi faa do do ma woo Bale baan é vinin wobo lé wenyané ma, ’bɛ zuo yé wa baan munu lé wenyanénu ma. Naa, Jézu zé ’ka ’bɛ zo lo. É ébo nɔ Balebanfɛ nya gɔnɔ do kpen lɛɛ faa zé nya.

Ébrunu 9:12

Krist go fɛna sauun tinle na gɔnɔ do bléyi faa zé nya; é ’ka go lɛ ana boligɔné valé diriné nyɛ nya lo; naa, é go ébo nyɛ nya é lee. É kaa tabo ’bɛ zo ’té. We bɛ ’ka ’bɛ zuo monomono lo.

Ébrunu 9:14

’té Krist nyɛ nii? ’Bɛzé ’ka minié loo? Léli lé é ’ka gaan lo, ’bɛ nya lé ébo nɔ Kazambale lɛ saraka lé gun ’ka a ma lo, a nya. Kaa kɛlɛwenu lé wo tɔnɔ ’ka lo, a nyɛ ’ka dan wo si lɛ kaalé wevasibli gi yé kaa kɛlɛ Bale yuɛmale bɔzannu nya loo?

Ébrunu 9:26

dé é a a zo, é sia tɛrɛ bɔrale ma ’té é a kɔɔn léé, Krist é nyané ble gɔnɔ kiɛre nya, naa, lao, lɛɛnu nyaana, é bɔra gɔnɔ do kpen nya, yé ébo nɔ saraka nya wenyané nyaale we gi.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

1 Piɛri 2:24

é dɔ kaalé wenyané gi ébozen kɔlɛ nya yili la, kaa gale kaalé wenyanénu vazia we gi yé kaa vo é yuɛma we tegele kɛlɛle we gi; a tuolenu ma lé kaa béli.

1 Piɛri 3:18

Krist é ziin, é nyané ble wenyané ma gɔnɔ do; yee, Mi Tegele, é nyané ble mi plenu lé we gi, gole ka nya Kazambale va we ma; dé é a a kɔlɛ nya, ’bɛ ga, yé dé é a a léli nya, ’bɛ béli;

1 Jan 5:6

Jézu Krist ’ko, yee ɛ da ’yi valé nyɛ nya. ’Yi saa kaan lo, naa, ’yi valé nyɛ lé. Kazambale Léli a webozen nya, amalé a Léli ɛ a ma we fé.