Ébrunu 1:3 - Kazambale lé Sebe Sauunu 1979

³ Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 1:3 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:11

Gakelebale, fɛnu faa lé ke la gi valé fɛnu faa lé ke tɛrɛ la, wa izé nya, amalé kɛlɛle blɛn koo, plɛplɛ valé tɔ blɛn koo, vole é yuɛma lɛɛfaama valé fuasan koo, wo faa a bii ɛ zé nya; Gakelebale, bii a é nwale fɛnu faa ta loru i boan, amalé i plale mi nwiin yara lé.

JOB (Job) 37:22

Fɛnafu éé sié yirinwana bɛbolazia yé é a bi bélé kyan zo. Yiba! Kazambale blɛɛn éé di kinié mi gi.

Lɛrɛvɔ Sɛbɛ 110:1

David zé lé. Lɛrɛ do lé. Gakelebale lé anzan lɛ léé: ’I nyana an bɛyila, Fɔɔ yé maa i nyanézannu pla i wuo.

Lɛrɛvɔ Sɛbɛ 75:3

Bale léé: Yi lé maa a dɔ, dé a yi bɔ Maa dan we ble lɛ tegele.

Bale Lé We Gifezan 8:4

Minwiinzan blɛn dére a plɛplɛ, yé de ɛ dan a fe lɛ a lɛ léé, i a mɛ kɛlɛnaa?

Lévinu 15:15

Balebanzan é dan Bale ban lɛ wo nya; a do é dan kɛlɛ lɛ wenyané ’yibo saraka nya, yé a koɛzan é dan kɛlɛ lɛ balebanwi lé wa kyɛ blé, a nya; yé Balebanzan é dan gɔnézan lé wenyané ’yi bo lɛ Gakelebale ’lɛ, a ’yi bɔrale we ma.

Misé 5:4

Yee ɛ dan munu vo lɛ drɔɔ. Dé Asirinu da kolé tɛrɛ la, dé wo wɔra kolé fuakɔnnu gi gla nya, ko dan munu pazannu sɔrafié valé mi blɛnblɛnnu sɔraa nwa lɛ wo ma.

Matio 22:24

Kozan, Moizi léé, dé mi do ga yé alé né ’ka lo, a zuané a zarale si ma, yé ’é ’é bwe kulu bɔra.

Maak 16:19

Mizan we fe aan wo wo lɛ faa, yé Bale a sia yé é goan la gi, yé é nyana Kazambale bɛyila.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 1:29

’Bɛ é tu kini, Jan Jézu ye dana ’é va, yé é léé: Kazambale lé ’Blané lé éé munu lé wenyané sié wo lee, yee lé é dan bɛ.

WENÉNÉ LE JAN A GYE (Évangile selon Jean) 1:4

A gi lé vole é yuɛma ke, yé yee vole é yuɛma a munu lé san nya.

Kelewenu 2:33

Kazambale a nwa aan wo é bɛyi nya, yé Léli Sauun lé a Ti a nɔle lé we fe a lɛ é kyɛn, é a ye a va, yé é a zén ko ta, fɛan zo lé ka a ye yé ka a ’ma, a zo.

Kelewenu 7:56

Yé é léé: Ka yua, la lɛ a é sole, yé maa blami Be yé é dɔle Kazambale bɛyila.

Rom munu 1:16

Naa, yara ’ka an gya Wenéné ma lo. É a Kazambale lé plɛplɛ do nya blipaalɛmunu faa bélifɛ nya, Juifinu zé lé é vinin, ’bɛ zuo é a Grɛkinu zé nya.

Rom munu 8:34

De ɛ dan wo gyɛ lɛ we nyaa? Jézu Krist ga, ’bɛ ta loru yé é nwa é ziin; é a Kazambale bɛyila, ’té éé goo kaalé muun nya Kazambale va.

2 Korɛnt Munu 4:4

Wo bli ’ka we lɛ lo, bléyi ’ko vamunu lé bale wolé wedɔɔle san wo lee, amale Krist lé ke Kazambale bɔmazan nya, alé fua tɔbɔle lé Wenéné lé ke bélé kyɛsan zo, wo ’ka a dɔɔa lo.

Kolɔs munu 3:1

Bɛwemalé, dé Bale ka nwa ékeva Jézunu nya gamunu va, ’ka lagi loru fɛnu nagini, fɛana lé Krist ke é nyanale Kazambale bɛyila, ana.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Ébrunu 1:13

Yé lanjenu va lanje kyɛn lɛ lé Bale léé: ’I nyana ’é bɛyila Fɔɔ yé ’é i nyanézannu faa pla i wuoo?

Ébrunu 10:12

Naa, Balebanzan ’ko zé a é yɛrama. É wenyané ma saraka bo gɔnɔ do ’té, ’bɛ zuo, é nyana Kazambale bɛyila yé é a yifaama é nyanale ’bɛna,

Ébrunu 12:2

’té kaa yuɛ a Jézu lɛ téiin, yee ɛ ke kaalé blipale ti valé a lɛsɔɔzan nya. Ginanale lé ke a ’lɛ mi bɛ, a yele we ma lé é nyané ble yiliblan ta, yé é yaragyɛwe ye we pla nya, yé é nyana Kazambale lé fuablin bɛyilazia.

Ébrunu 4:14

Kazambale be Jézu a kaalé Balebanmunu ’lɛzan lé é go lanu gi, a nya, amalé kaa vo gligli blipale lé kaa fe léé, é a kaazé nya bɛ, a gi.

Ébrunu 7:27

Alé we ’ka bélé Balebanmunu ’lɛzan bɛnu zé zo lo. Yi faa do do ma woo Bale baan é vinin wobo lé wenyané ma, ’bɛ zuo yé wa baan munu lé wenyanénu ma. Naa, Jézu zé ’ka ’bɛ zo lo. É ébo nɔ Balebanfɛ nya gɔnɔ do kpen lɛɛ faa zé nya.

Ébrunu 8:1

Wenu lé ko wo fe lao, wo va we blɛn lé é ke ’ko: Balebanmunu ’lɛzan ’ko zo ɛ ke kaazé nya; é a é nyanale Kazambale nyanana fuablin bɛyila la gi.

Ébrunu 9:16

Dé mi do ’é zaragulisɛbɛ gyɛ, é a lé é ga faa yé wo sɛbɛ tawe kɛlɛ.

Ébrunu 9:26

dé é a a zo, é sia tɛrɛ bɔrale ma ’té é a kɔɔn léé, Krist é nyané ble gɔnɔ kiɛre nya, naa, lao, lɛɛnu nyaana, é bɔra gɔnɔ do kpen nya, yé ébo nɔ saraka nya wenyané nyaale we gi.

1 Piɛri 1:21

Yee ɛ ma lé é ziin ka bli vo Kazambale lé, ’bɛ a si gale va yé ’bɛ fua nɔ a lɛ bɛ, ’bɛ lɛ, ka pale Kazambale ta valé ka bli vole Kazambale lɛ we gi.

1 Piɛri 3:22

Jézu go la gi yé é nyana Kazambale bɛyila, yé lanjenu koo, fɛnu lé woo wo lɛdɔama koo, plɛplɛnu koo, wo pla a wuo.

2 Piɛri 1:16

Ko ’ka Kaazan Jézu Krist lé plɛplɛ valé a dale lé we fe lɛ ka lɛ dabli fiinnu vɔle nya lo, naa, ko alé fuasan blɛn ye kobo yuɛ nya.

2 Piɛri 1:17

Naa, é tɔbɔle valé fuasan ye Tibale va, bléyian va lé dére do si fuasan blɛn va, a bléyi va, yé é léé: Mi ’ko a an Be lé, é sɔ an lɛ é baba, a nya; anlé sɔlɛle faa a yee ɛ ta.

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.

1 Jan 3:5

Naa, ka a gi dɔɔ léé, Jézu da wenyané sile munu lee we gi, yé wenyané do ’ka yeebozen gi lo.

SEBE LÉ JUD A GYE (Épitre de Jude) 1:25

Bale lé é ke Bale do kpen nya, ’té é ke kaa Bélizan nya Kaazan Jézu Krist lé we ma, yee Bale bɛ, tɔbɔle valé fuasan koo, gla valé plɛplɛ koo, wa yee ɛ lee, bléyi faa lé ke é kyɛn koo, lao bléyi koo, bléyi faa lé wo dan da lɛ bɛ, ’bɛ koo, wo gi. Amɛɛn.

Wegɔɔnle 3:21

Mian we ’ko ’wuo vo a lɛ, ko dan nyana lɛ a nya anlé webleblin ta, bélé fɛan zo lé a ’wuo vo an lɛ yé an Ti an nyana ’é va élé webleblin ta, a zo.

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.