Ébrunu 1:2 - Kazambale lé Sebe Sauunu 1979

² Naa, sin, bléyi voéla ’ko gi, é we fe kaa lɛ é Be Jézu lɔlu nya. É fɛnu faa nɔ é Be Jézu lɛ ’bɛzé nya yé Jézu nya lé é fɛnu faa kɛlɛ.

Ébrunu 1:2 ပူးပေါင်းရင်းမြစ်များ

Wepélisiananu 49:1

Jakɔb é benu laa yé é léé: ’Ka zén ékeva, yé we lé é dan bɔ lɛ ka ma é voéla, maa dan a fe lɛ ka lɛ.

Ézai 2:2

Dé bléyi voéla bɔ, Gɔ lé Gakelebale lé kɔn ke a nwiin, Alé we é dan mini lɛ gɔblɛnnu ta, Yé a tɔ é dan mini lɛ gɔpanénu lɛ, Yé bɛnnu faa é dan yoro lɛ a vazia.

Ézai 44:24

I tabozan Gakelebale lé É i ma’lɛrɛle sia i yaabléyi va, é léma: Maa Gakelebale, maa fɛ faa kɛlɛ; Maa lanu fwila an do kpen, An tɛrɛ pla an do kpen.

Ézai 45:12

Maa ɛ tɛrɛ kɛlɛ, Yé maa ɛ mi bɔra a ta; Maa lé, an bɛnu ɛ lanu fwila, Maa ɛ wo gifɛnu dɔ ’wo dɔna.

Ézai 45:18

Gakelebale, Lanu kɛlɛzan, Bale do kpen lé É tɛrɛ kɛlɛ yé é a dɔ gligli, ’Té é a kɛlɛ léé, té ana é vo é pla bɛ lo, ’Té é a kɛlɛ léé, munu éé nyanaan a ta bɛ, yee Gakelebale léma: Maa ɛ ke Gakelebale nya, Bale bɛ do kpen ’ka ana lo.

Jérémi 30:24

Gakelebale bli ’ka dan dɔrala lɛ lo, fɔɔ yé a bligiwe lɛ é sɔɔ yé a ’wuo é pla. Ka dan we ’ko gi ’ma lɛ é voéla.

Jérémi 48:47

Naa, bléyi voéla gi, maa dan Moab munu si lɛ luu gi, maa Gakelebale ɛ ke a fena. A zo lé maa dan Moab zé we ’wuo dɔ lɛ.

Ézékiɛl 38:16

Gɔg‐oo, Gɔg, i dan go lɛ i ’lɛzia anlé munu ma, bélé lati lé é tua tɛrɛ sɔnɔ, a zo. Yi voélanu gi, maa dan ka nwa lɛ anlé tɛrɛ ma, léé, bɛnnu an dɔɔ. Bii ɛ nya lé wo dan a gi dɔɔ lɛ léé, maa a blɛn.

Daniɛl 10:14

Wean é dan bɔ lɛ ilé munu ma é voéla, an dan a zuo fe lɛ i lɛ sin, naa, yuɛziwe ’ko a ’bɛ bléyi zé nya.

Daniɛl 2:28

Naa, minwiinzan blɛn Nébukanɛsaa, Bale do ana lanu gi; yee ɛ we yɔɔlenu bɔraan, yé wean é dan bɔ lɛ bléyi voélanu gi, é a nagɔɔn minwiinzan blɛn lɛ. Nyɛ lé bé gyɛ, é valé yuɛzi wenu lé bé ye, ’té i a é yiale, yee lé ke ’ko.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Misé 4:1

Bléyi voéla gi, é dan kɛlɛ lɛ léé, Gɔ lé Gakelebale lé kɔn ke a nwiin, É dan mini lɛ gɔ blɛnnu ta, É dan nwa lɛ gɔpanénu ta loru, Yé munu é dan yoro lɛ a vazia.

Mi Nɔnɔle 24:14

Yé bé ye, sin, maa dan go lɛ anlé munu va. ’I da, yé wean migɔnɔ ’ko é dan a kɛlɛ lɛ ilé munu lɛ é voéla, maa a zuo fe i lɛ.

Matio 13:39

nyanézan lé é a vɔ, é a yonufaatagɔné nya; a gyɛbléyi a tɛrɛla nyaabléyi nya; a gyɛmunu lé ke lanjenu nya.

Matio 17:5

É ke aan wo we fena, yé la fu tata do tua wo nwiin. Tɔɔn, Bale we fe la fu gi, yé é léé: Mi ’ko a an be lé é sɔ an lɛ é baba, a nya; a va sɔlɛle a an gi blɛn. ’Ka tɔné dɔ a lɛ.

Matio 21:38

Féinwiinzannu a be ye aan wo, wo lé ’wo ke lɛ léé: A zarablezan lé é ke ’ko. ’Ka da, kaa a gyɛ, yé a zara ’é vo kaa lɛ.

Matio 26:63

Naa, Jézu vo é tadɔle. Balebanmunu ’lɛzan lé a lɛ léé: Maa lé i lɛ Bale yuɛmalé tɔ gi léé, dé bii ɛ ke Kazambale Be Krist nya, ’bé fe ko lɛ.

Matio 28:18

Jézu bié aan wo yé é lé wo lɛ léé: Wo plɛplɛ faa nɔ an lɛ tɛrɛ la valé la gi.

Matio 3:17

Yé bé ye, dére do we la gi yé é léé: Mi ’ko, é a an be lé é sɔ an lɛ é baba, a nya. A va sɔlɛle a an gi blɛn.

Maak 1:1

Kazambale Be Jézu Krist lé Wenéné pélisiana lé ke ’ko.

Maak 12:6

Abozen be do vo a lee é ziin; ’bɛ sɔ a lɛ é baba. É a nwunvɔ wo va é voéla yé é léé: Wo dan an be lɛdɔ lɛ a ma.

Maak 12:7

Naa, féinwiinzannu lé ’wo ke lɛ léé: A zarablezan lé ke ’ko; ’ka da, kaa a gyɛ, yé a zara ’é vo kaazé nya.

WENÉNÉ LE JAN A GYE (Évangile selon Jean) 1:10

Dére a tɛrɛ la yé é tɛrɛ kɛlɛ, yé tɛrɛlamunu ’ka a dɔɔ lɛ lo.

WENÉNÉ LE JAN A GYE (Évangile selon Jean) 1:14

Yé Dére kinin mi nya, yé é nyana ko va; ’té zin valé webozen saa ɛ ke a gi; yé ko alé fuasan nagini, mi lé é ke é Ti Be wɔlɛ do kpen lé, a zoɛ bɛ ’ka lo, a nya, ’té é si é Ti va, yee ɛ lé fuasan lé ko a nagini.

WENÉNÉ LE JAN A GYE (Évangile selon Jean) 1:3

É fɛnu faa kɛlɛ, yé fɛofɛan wo ’bɛ kɛlɛ, ’té yee ’ka ’bɛ kɛlɛ lɛ lo, ’bɛ fɛ ’ka lo.

WENÉNÉ LE JAN A GYE (Évangile selon Jean) 13:3

Yé Jézu a gi dɔɔ léé, é Ti fɛ faa bɛ pa é lee; é a gi dɔɔ léé, é si Kazambale va yé é dan go lɛ Kazambale va é ziin.

WENÉNÉ LE JAN A GYE (Évangile selon Jean) 13:32

Dé Kazambale tɔ kɛlɛ an gi blɛn, Kazambale é dan an tɔ kɛlɛ lɛ blɛn ébozen gi é ziin, yé é dan a kɛlɛ lɛ blɛn é kele.

WENÉNÉ LE JAN A GYE (Évangile selon Jean) 15:15

We lé mi a kɛla, a wuozan ’ka a dɔɔa lo, bɛwemalé maa ’ka ka laan an wuomunu é dɛrɛ lo; we faa lé maa a ’ma an Ti va, maa ka bɔn‐in kini a nya, bɛwemalé maa ka laa an béénu.

WENÉNÉ LE JAN A GYE (Évangile selon Jean) 16:15

Fɛ faa lé é ke an Ti lee, é a anzé nya, bɛwemalé maa léé, we lé é dan a fe lɛ ka lɛ, anlé we lé.

WENÉNÉ LE JAN A GYE (Évangile selon Jean) 17:2

fɛan zo lé bé se kɛlɛ an lɛ léé, an pla mi faa nwiin, munu lé i wo nɔ an lɛ, vole é yuɛma lé a glɛ ’ka lo, anlé a nɔle wo lɛ we ma.

WENÉNÉ LE JAN A GYE (Évangile selon Jean) 3:16

Naa, Kazambale bli bɔ tɛrɛlamunu ma é baba, amalé é ’é Be wɔlɛ do kpen nɔ wolé we gi, léé, dé miomian bli vo a lɛ, é ’ka zamaga woo monomono lo, naa, é dan vo lɛ é yuɛma lɛɛfaama, ’bɛ glɛ ’ka lo.

WENÉNÉ LE JAN A GYE (Évangile selon Jean) 3:25

Yé zavɔle nwa Jan zuomunu valé Juifi mi do méléna, mi kɛlɛle é zima lé we ma.

WENÉNÉ LE JAN A GYE (Évangile selon Jean) 5:26

Fɛan zo lé an Ti bozen ke vole é yuɛma ’wuo nya, a zo duo lé é a se kɛlɛ maa é Be lɛ léé, an kɛlɛ vole é yuɛma ’wuo nya é ziin.

WENÉNÉ LE JAN A GYE (Évangile selon Jean) 5:27

Yé maa a blami Be nya; bɛwemalé é a se kɛlɛ an lɛ léé, an munu lé we ble.

WENÉNÉ LE JAN A GYE (Évangile selon Jean) 9:29

Ko a gi dɔɔ léé, Kazambale we fe Moizi lɛ. Naa, mi ’ko, ko ’ka a sina dɔɔa lo.

Kelewenu 10:36

É dére pa Izraɛl munu lɛ zia yé é wenéné ’ko fe wo lɛ léé, mi é vo drɔɔ Jézu Krist lé we ma. Yee ɛ ke mi faa zan nya.

Kelewenu 2:17

Kazambale léé: Yi voélazannu nya an Léli é dan mi faa kun lɛ; Ka benu valé ka lunu é dan balelawe fe lɛ, Yé kalé pɛniɛnu é dan fɛnu ye lɛ yuɛ zi gi, Yé kalé mi kwanu é dan nyɛ gyɛ lɛ.

Rom munu 1:4

naa, dé é a a léli sauun nya, é a Kazambale Be nya; plɛplɛ lé é nwa a nya gamunu va, ’bɛ a nagɔɔn.

Rom munu 8:17

Dé kaa a alé nénu nya, ’té kaa a é ziin tɔnɔblezannu nya, Kazambale lé tɔnɔblezannu nya, tɔnɔblezannu nya Krist va, ’té dé kaa nyané ble a va, lagifua blele a va we gi.

1 Korent munu 2:7

Kazambale lé wedɔɔle lé ke givuruwe yɔɔle nya, ’té Kazambale a ma’lɛrɛ tɛrɛ bɔrale ’lɛ, ko tɔbɔle we ma, yee lé ko fé.

1 Korent munu 8:6

Naa, duowo, dé é a kozé nya, Bale a do kpen, yee lé ke Tibale nya. A va lé fɛnu faa éé sié; yé kaa a azé nya. Mizan a do kpen, Jézu Krist lé. Alé we ma lé fɛnu faa ke; alé we ma lé kaa ke.

Galasi munu 4:4

Naa, a bléyi lɛ sɔɔ aan wo, Kazambale é Be pa zia; le do a yaa bélidɔwe wuozan nya;

Éfez munu 3:9

yé we lé é ke é yɔɔle yifaama Kazambale lé, é fɛ faa bɔra, a bli gi, Kazambale é dan we ’ko kɛlɛle lɛ sɔɔ lɛ fɛan zo, yé maa wo bɔn‐in kini a nya;

Bélidɔwesɛbɛ Fiézan 18:15

Gakelebale, kalé Bale é dan balelayezan do nwa lɛ ka bwenu méléna bélé maa zo; ’ka tɔné dɔ ’bɛ lɛ.

Bélidɔwesɛbɛ Fiézan 31:29

Naa, maa a gi dɔɔ léé, an gale zuo, ka dan kabo sɛrɛ lɛ; yé tawobɛ lé maa a gɔɔn ka lɛ, ka dan si lɛ ’bɛ zuo; we lé ke naané Gakelebale yuɛ gi, dé ka ’bɛ kɛlɛ fɔɔ yé ka Bale bli fli ka bɛ kɛlɛfɛnu nya, é dan nyaa lɛ wenaané bɔle nya ka ma.

Bélidɔwesɛbɛ Fiézan 4:30

Dé ka a nyané blena, dé we tɔntɔn ’konu faa bɔ ka ma, yi voélanu gi ka dan nɔla lɛ Gakelebale kalé Bale va, yé ka dan ka tɔné dɔ lɛ a dére lɛ;

Ébrunu 1:5

Lanjenu va lanje kyɛn lɛ lé Kazambale léé: An be lé ke i nya, Maa i yaa kyɔɔ? Yé é ziin, lanje kyɛn ma lé é a fe léé: Maa dan kɛlɛ lɛ a Ti nya, Yé é dan kɛlɛ lɛ an be nyaa?

Ébrunu 1:8

Naa, é lé é Be lɛ léé: Bale, wo ’ka dan ilé webleblin si lɛ i lee monomono lo. Ilé plaminwiin soowoli vwii a we tegele vwii nya;

Ébrunu 11:3

Blipale nya lé kaa a gi dɔɔ léé, Kazambale tɛrɛ kɛlɛ é dére nya, amalé fɛnu faa lé kaa yé kaa yuɛ nya ’ko, wo ’ka é kyɛn lo, naa, Bale dére ɛ wo bɔra.

Ébrunu 2:3

Dé kaa yara si silewegi blɛn ’ko zo ta, we é dan si lɛ kaa nwiin kaa? Mizan bozen ɛ silewegi ’ko lé we fe é vinin, yé munu lé wo we ’ko ’ma a ta, wo yee duo fe kaa lɛ é ziin,

Ébrunu 3:6

naa, Krist kɛlɛ yarapawelazan nya bélé mi be lé ke é plale ébo lé kɔn nwiin, a zo. Yé kaa a alé kɔn nya, ’té dé kaa bli vo é pale gligli, yé kaa bli vo we lé éé kaa gi nanaan, a lɛ, fɔɔ yé kaa bɔ a ’wuoplana.

Ébrunu 4:14

Kazambale be Jézu a kaalé Balebanmunu ’lɛzan lé é go lanu gi, a nya, amalé kaa vo gligli blipale lé kaa fe léé, é a kaazé nya bɛ, a gi.

Ébrunu 5:8

Webozen nya, é a Bale Be nya, naa, duowo, alé nyanéblele ɛ lɛdɔmale paa a gi.

Ébrunu 7:28

Naa, bélidɔwe ɛ mi tɔɔtɔɔnu dɔ munu lé Balebanzannu nya; naa, bélidɔwe nɔle zuo Bale ébo ’nyɔɔn yé ’bɛ nya lé é Bale Be Jézu dɔ Balebanmunu ’lɛzan lé gun ’ka a ma lo, a nya, lɛɛfaama.

Ébrunu 7:3

A ti ’ka lo, a bu ’ka lo, a kulu ’ka lo, a pélisiana ’ka lo, yé é ’ka gaan lo, naa, é a Kazambale Be zo, yé éé voo Balebanzan nya lɛɛfaama, a glɛ ’ka lo.

Ébrunu 9:26

dé é a a zo, é sia tɛrɛ bɔrale ma ’té é a kɔɔn léé, Krist é nyané ble gɔnɔ kiɛre nya, naa, lao, lɛɛnu nyaana, é bɔra gɔnɔ do kpen nya, yé ébo nɔ saraka nya wenyané nyaale we gi.

1 Piɛri 1:20

Bale Krist kɛlɛ ’blané nya é kyɛn tɛrɛ bɔrale ’lɛ, yé é a nagɔɔn bléyi voélanu nya kalé we ma.

2 Piɛri 3:3

We faa ’lɛ, we lé é a lé ka gi dɔɔ, yee lé é ke léé, yi voélanu nya, mi ma we?-?nanamunu é dan bɔra lɛ ’wolé mi ma wenanalenu nya, ’té woo tawoo wobozen lé blibɔmale yɛrama. Yé wo dan a fe lɛ léé:

SEBE LÉ JUD A GYE (Épitre de Jude) 1:18

Wo lé ka lɛ léé, bléyi voéla gi, mi ma we nana munu lé, woo tawoo ’wobo lé sɔlɛwe yɛrama, ’té woo Bale lé zi ma wenyané fé, wo dan kɛlɛ lɛ ana.