Ébrunu 1:14 - Kazambale lé Sebe Sauunu 1979

¹⁴ Lanjenu faa ’ka bélé funu zo Kazambale lé nyanama gi loo? Bale ’ka wo pa lɛ zia munu lé wo dan si lɛ we gi, bɔle wo va we gi loo?

Ébrunu 1:14 ပူးပေါင်းရင်းမြစ်များ

Wepélisiananu 32:24

Jakɔb vo é do. Yé mi do vo buo sina a va fɔɔ yé tu kini.

1 Minwiinzannu 22:19

Yé Misé léé: ’I Gakelebale dére ’ma ma. Maa Gakelebale ye é nyanale élé fuablin ta, yé lai sunyanu faa a é dɔle a sɔnɔ, a bɛyila valé a bɛbola.

JOB (Job) 1:6

Yi do nya Kazambale benu da wolé we zuo fe lɛ Gakelebale lɛ, yé Satan da wo va.

Lɛrɛvɔ Sɛbɛ 104:4

Éé funu kɛla élé nwunvɔzannu nya, Éé kyɛnɛnɛnu kɛla élé nyanamapazannu nya.

Lɛrɛvɔ Sɛbɛ 34:7

Dé wenaanébɔmazan siaa, Gakelebale a dére maan, Yé éé a sié alé kleblelenu faa gi.

Daniɛl 3:28

Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

Daniɛl 6:22

Anlé Bale élé lanje pa zia yé é golizranu lɔlu lɛ tan, yé wo ’ka we tɔntɔn do kpen kɛlɛ lɛ an lɛ lo. Bale an ye nwiinplazan nya, azama. Yé bii é ziin, minwiinzan blɛn, an ’ka wenaané do kpen kɛlɛ lɛ i ma lo.

Daniɛl 7:10

Kyɛ éé bɔraan a ’lɛ, ’té éé yoroan bélé yuu zo. Mi wuru é wuru a bɔa, yé mi baa é wuru é wuru a é dɔle a ’lɛ. Weblezannu nyana, yé wo sɛbɛnu fuo.

Matio 1:20

É a é gi bɔrɔna we ’ko ma aan wo, Mizambale lé lanje do bɔra a va nyɛ fla yé é léé: David gɔnɔlazan Jozɛfu, té i kana i bwɛ Mari sile ma lo, naa, né lé é a bɔn si bɛ, é si Léli Sauun va.

Matio 13:41

Maa blami Be, an dan anlé lanjenu pa lɛ zia yé wo dan misaanwenu valé weplekɛlɛmunu faa si lɛ anlé munu méléna;

Matio 18:10

’Ka yuɛ pa kabozen va léé, té ka nénu ’ko va né do kpen ye boané nya lo; maa lé ka lɛ léé, wolé lanjenu a la gi mi, ’té an Ti lé é ke la gi, ’té wa yé yifaama.

Matio 2:13

Wo go aan wo, bé ye, Mizambale lé lanje do bɔra Jozɛfu va nyɛ fla, yé é léé: ’I nwa. ’I né kiéné valé é bu si, yé ’i go vlan nya Éjipiti tɛrɛ la. ’I vo ana mi fɔɔ yé maa i laa. Érɔd é dan né kiéné gini lɛ, a gyɛle we gi.

Matio 24:31

Yé maa dan anlé lanjenu nwunvɔ lɛ béli fɛnle nya, yé munu lé maa wo si a va anzé nya, lanjenu é dan wo si lɛ tɛrɛ sun ziɛn ta, é sia la glɛ sina fɔɔ yé é bɔ la glɛ koɛ ma.

Matio 25:34

Yé maa minwiinzan ’é dan a fe lɛ an bɛyilazannu lɛ léé: Ka lé an Ti ka drɔɔ vo, ’ka da; tɔnɔtɛrɛ lé é a kɛlɛ kazé nya tɛrɛ pélisia bléyi va, ’ka nyana ana.

Matio 4:11

Yé yonufaatagɔné daan a ma. Yé bé ye, lanjenu da Jézu va, yé wa mawe kɛlɛ.

Maak 10:17

Dé Jézu a zi siana, gɔné do da vlan nya a va, yé é zun é powuo la a ’lɛ, yé é we laa a lee léé: Anzan zin, maa kɛla kaa yé an vo é yuɛma lɛɛfaama yé a glɛ ’ka dɔa loo?

WENÉNÉ LÉ LUK A GYE (Évangile selon Luc) 1:19

Lanje lé a lɛ léé: Maa ɛ ke Gabriɛl nya. Maa dɔa Kazambale ’lɛ; Bale an pa zia wefele i lɛ we gi, é valé wenéné ’ko fele i lɛ we ma.

WENÉNÉ LÉ LUK A GYE (Évangile selon Luc) 1:23

Dé azé nyanama pa yi nyaa, é go ’é va.

WENÉNÉ LÉ LUK A GYE (Évangile selon Luc) 16:22

Yé yee nyanégyɛzan ga, yé lanjenu a sia yé wo goan yé wa vɔ Abraam bɛ gi. ’Bɛ zuo yé fuablezan ga yé wo ’bɛ pa.

WENÉNÉ LÉ LUK A GYE (Évangile selon Luc) 2:13

Tɔɔn, lai sunya gu da lanje va Kazambale tɔ zin fele nya, yé wo léé:

WENÉNÉ LÉ LUK A GYE (Évangile selon Luc) 2:9

Yé Mizambale lé lanje do da wo va yé Mizambale lé fuasan diri wo zi. Wo gi nyɛ blɛn kini.

Kelewenu 11:22

Jérusalɛm léglizigimunu we ’ko ’ma yé wo Banabas nwunvɔ Antiɔs.

Kelewenu 12:23

É ’ka Kazambale tɔ bɔ lɛ we ’ko gi lo, amalé a bléyi duo nya Mizambale lé lanje do a gyɛ. Yé klé a ble yé é ga.

Kelewenu 12:7

Tɔɔn Mizambale lé lanje do da yé san bi bwati gi. Lanje Piɛri vuo é bɛ diale nya a sɛe gi yé é léé: ’I nwa é nya do. Gɔgɔbalenu si Piɛri bɛ ma yé wo dia.

Kelewenu 13:2

Wa Mizambale bɔna bléyian va, ’té woo lɔrɔ sɔn‐o, Léli Sauun léma: ’Ka Banabas valé Sɔl pa é yɛrama, nyanama lé maa wo laa a ma, wolé a pale we gi.

Kelewenu 16:26

Tɔɔn yé tɛrɛ manyɔɔn plɛplɛ fɔɔ yé bokɔn gane manyɔɔn. A bléyi duo nya, kɔn lɛ faa so yé bokɔngimunu faa ma gɔgɔbalenu kini.

Kelewenu 27:23

Bale lé, maa ke azé nya, ’té maa a bɔa bɛ, alé lanje do bɔra an va kyɔ é béli,

Kelewenu 5:19

Naa, Mizambale lé lanje do bokɔn lɛ so é béli, yé é ’bɛnu bɔra yé é lé wo lɛ léé:

Rom munu 11:14

yé dé an bɔa lɛ, yé maa an bɛnnu lé maawole nwa, wo va mi kenu sile we gi we ma.

Rom munu 13:6

We ’ko duo ma lé ka lɛnpo banwoo. Minwiinmunu a Kazambale wuozannu lé wo yara ke é pale nyanama ’ko ta, wo nya.

Rom munu 15:16

Bale va nyanama lé ke Kazambale lé Wenéné fele nya, yee lé maa ke a pana bɛn bɛnu va léé, Léli Sauun lé we ma bɛnnu ’é kɛlɛ saraka lé é sɔ Kazambale lɛ, a nya.

Rom munu 15:27

A kɛlɛle sɔ wo lɛ é zima; yé é a lé wa kɛlɛ. Naa, dé bɛnnu wozé lélifɛ zin kenu ye Juifinu va, é a lé bɛnnu ’é bɔ Juifinu va tɛrɛlawenu gi.

Rom munu 8:17

Dé kaa a alé nénu nya, ’té kaa a é ziin tɔnɔblezannu nya, Kazambale lé tɔnɔblezannu nya, tɔnɔblezannu nya Krist va, ’té dé kaa nyané ble a va, lagifua blele a va we gi.

1 Korent munu 1:21

Kazambale lé wedɔɔle gi, é a kɛlɛ léé, té tɛrɛlamunu ’é dɔɔ ’wolé wedɔɔle nya lo; é sɔ Kazambale lɛ léé, munu lé wo bli vo ’é lɛ, ’é wo si we gi wenéné lé ke ’tugyɛwe nya, alé we fele nya.

2 Korɛnt Munu 9:12

Blɛ ’ko zo kɛlɛle éé we sié ka bɔlu Krétiɛnnu ma weboen nya, naa, ’bɛ saa kaan lo, é kɛlɛ mi kiɛre lé Kazambale bɔvɔwe nya é ziin.

Galasi munu 3:29

Yé dé ka a Krist zé nya, ’té ka a Abraam kulu nya, tɔnɔblezannu nya, blivolɛdére yɛrama.

Galasi munu 3:7

Amalé ’ka we ’ko nyi si ma: munu lé wo bli ke é pale, wo ɛ ke Abraam benu nya.

Galasi munu 3:9

’Ko zo lé munu lé woo bli paan, wo drɔɔ a é vole blipazan Abraam zé va.

Éfez munu 3:6

Yee we yɔɔle lé ke ’ko: Wenéné lé we ma bɛn bɛnu a tɔnɔblezannu nya ko Juifinu va, ko valé wo a kɔlɛ do nya, yé blivolɛdére lé Bale a fe Jézu Krist lé we ma, é a ko valé wo dɔlafɛ nya.

Filip munu 2:17

Dé wo kalé blipale nɔ Kazambale lɛ bélé saraka zo, dé a ta’yi kɛlɛ an nyɛ nyaoo, ’bɛ an gi nanaan, yé kaa faa gi ’é nana ékeva.

Filip munu 2:25

É dɔ an gi léé, é a lé maa an zuané Épafrodi pa ka lɛ zia. É a anlé nyanama pa béé nya, anlé gulidan béé nya; mian ka a pa an lɛ zia, fɛnu lé an mawe ke wo gi, wo nya é lee bɛ, yee lé.

2 Tɛsalɔnik munu 1:7

Yé ka lé wa kle pana ka ta bɛ, é dan flinle nɔ lɛ kaa lɛ, bléyian va lé Mizan Jézu é dan si lɛ la gi yé é zun, yee valé élé lanje plɛplɛnu nya, ’bɛ bléyi va.

Tite 3:7

dé é ko kɛlɛ tegele élé zin ma faa yé ko bli ’é kɛlɛ vole é yuɛma lé a glɛ ’ka lo, a yele lɛ.

Ébrunu 10:11

Balebanmunu koɛnu éé dɔa yi faa do do ma balebanna, ’té saraka duonu lé wo ’ka bɔa wenyané sile lɛ mi lee monomono lo, ’té wa boo yifaama.

Ébrunu 2:3

Dé kaa yara si silewegi blɛn ’ko zo ta, we é dan si lɛ kaa nwiin kaa? Mizan bozen ɛ silewegi ’ko lé we fe é vinin, yé munu lé wo we ’ko ’ma a ta, wo yee duo fe kaa lɛ é ziin,

Ébrunu 5:9

Gun si Bale Be ma aan wo, é kɛlɛ bélile lé a glɛ ’ka lo, a bɔrazan nya, munu lé wa lɛdɔama, wo lɛ.

Ébrunu 6:12

É sɔ ko lɛ léé, té ka yuɛ gi é blan lo, naa, munu lé wo ke blivolɛdére lɛsɔɔle yena, blipale valé yarapalale nya, ’ka kɛlɛ bélé wo zo.

Ébrunu 6:17

We ’ko ma lé Kazambale ébo ’nyɔɔn. Munu lé Kazambale blivolɛdére fe wo lɛ bɛ, Kazambale a a va léé, é a gɔɔn wo lɛ léé, we lé é a ma kunna ye, é ’ka nɔlaan lo, amalé é blivolɛdére kɛlɛ sɔbɛlawe nya ébo ’nyɔɔnle nya.

Ébrunu 8:6

Naa, sin, Jézu lé balebannyanama tɔ a é bɔle é mini Balebanzannu faa zé ta; yé é ziin, gipawe dɛrɛ lé Jézu ke a gizan nya, é a é zima é mini gipawe vininzan ta. Blivolɛdére lé wa fe gipawe dɛrɛ ma, ’bɛ a néné é mini blivolɛdére lé wa fe gipawe vininzan ma, a ta, amalé gipawe dɛrɛ mini.

Ébrunu 9:28

A zo lé Krist é ziin, é ébo nɔ gɔnɔ do kpen mi kiɛre lé wenyané nyaale we gi, yé é dan da lɛ a gɔnɔ fiézan nya; é ’ka dan da lɛ wenyané nyaale we ma lo, é dan da lɛ munu lé wo ke a lɛbɛnna, wo sile we gi we ma.

SEBE LÉ JAK A GYE (Épitre de Jacques) 2:5

’Kaa an bwenu lé ka sɔ an lɛ, ’ka tɔné dɔ. Munu lé wo ke nyanégyɛzannu nya tɛrɛlamunu yuɛ gi, Kazambale ’ka wo si lɛ léé, ’wo kɛlɛ fua nya blipale gi loo? yé wo kɛlɛ tɔnɔblezannu nya fuatɛrɛ lé é a ma blivolɛdére fe munu lé é sɔ wo lɛ, wo lɛ bɛ, a ta loo?

1 Piɛri 1:12

Yé Bale a gɔɔn wo lɛ léé, wo ’ka we ’konu fena wobozen lé we ma lo, naa, ka ɛ lé we ma lé wo ke wo fena. Yé sin, Bale Léli Sauun pa zia yé alé plɛplɛ nya lé munu we ’konu fe ka lɛ sin. Lanjenu bozen, wo bli a é bɔle a ma léé, ’wo we ’konu gi maan.

1 Piɛri 1:4

É ziin, é kaa yaa é dɛrɛ kaalé tɔnɔ blele we gi. Tɔnɔ ’ko ’ka sɛra lo, a tiri ’ka dɔa lo, a ma ’ka yuruan lo yé a ta a é dɔle la gi kazé nya.

1 Piɛri 3:7

’Kaa gɔnénu, le ’ka plɛplɛ bélé gɔné zo lo, amalé ’ka nyana ka nanu va wedɔɔle nya. Fɛan zo lé kabozen vole é yuɛma ye zin nya, a zo duo lé wa ye é ziin, amalé ’ka wo kun é zima, té kalé bazorole é sɛrɛ lo we gi.

SEBE LÉ JUD A GYE (Épitre de Jude) 1:14

Wolé we ma lé Énɔk lé é ke Adam kulu sɔrafiézan nya, é balelawe fe léé: Ka yua bɛ, Mizambale da, ’é zuo lé élé munu ’léé kiɛre kiɛre nya,

Wegɔɔnle 5:6

Webleblin koo, fɛ yuɛmale ziɛn koo, mi segelenu koo, maa ’Blané ye é dɔle wo méléna; é a bélé fɛan zo lé a bɔrɔ a é bole, a zo. A béli a sɔrafié, yé a yuɛ a sɔrafié, wo lé ke Kazambale léli sɔrafié lé é wo nwunvɔ tɛrɛ faa la, wo nya.