Bélidɔwesɛbɛ Fiézan 9:6 - Kazambale lé Sebe Sauunu 1979

⁶ Amalé é a lé ka gi dɔɔ léé, Gakelebale, kalé Bale ’ka tɛrɛ zin ’ko nɔ lɛ ka lɛ, ka tegele lé we ma lo; naa, ka a wemaplɛplɛzannu nya.

Bélidɔwesɛbɛ Fiézan 9:6 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 30:8

Té ka kɛlɛ wemaplɛplɛzannu nya bélé ka tranu zo lo; ’ka ka ’wuo dɔ Gakelebale wuo. Alé fɛna sauun lé é a pa é yɛrama lɛɛ faa zé nya bɛ, ’ka da ana, yé ’ka Gakelebale kalé Bale bɔ, léé, alé bliflile plɛplɛ ’é si ka ma.

2 Minwiinmunu lé Wezuofe Sɛbɛ 36:13

Minwiinzan blɛn Nébukanɛsaa lé, é lé Sédésias lɛ léé, ’i bale ’nyɔɔn, Sédésias nwa ’bɛ ma é ziin. É tɔné gi dɔ plɛplɛ yé é bli ta dɔ plɛplɛ léé, ’é ’ka nɔlana ’é pa gi Gakelebale, Izraɛl lé Bale va lo.

Lɛrɛvɔ Sɛbɛ 78:8

Léé, té wo kɛlɛ bɛn lé woo mi lɛgaan a ma, yé wo tɔné gi ke plɛplɛ bélé wo tinu zé zo, wo nya lo, Bɛn lé wo bli ta ’ka é dɔle plɛplɛ lo, Yé wo léli fuu ’ka é ta Bale lé we gi lo, té wo kɛlɛ ’bɛ nya lo.

Fwile 32:9

Gakelebale lé Moizi lɛ léé: Maa ye léé, munu ’ko, wa wemaplɛplɛzannu nya.

Fwile 33:3

’I go tɛrɛnyɔnɔzan na zia. Naa, maa ’ka dan go lɛ ka va lo, dé maa da ka guru zana a gi zia, ka a wemaplɛplɛzannu nya, azama.

Fwile 34:9

É léé: Mizan, dé maa i yuɛi bɔ, Mizan ’é tawo ko va ma, naa, munu ’ko a wemaplɛplɛzannu nya; weplenu valé wenyanénu lé ko kɛlɛ, ’i ko ma we vo yé ’i ko si izé nya.

Ézékiɛl 2:4

Munu ’ko yuɛma a plɛplɛ yé wo bli a plɛplɛ; maa i pa wo lɛ zia, bé fe wo lɛ léma: Mizan Gakelebale léma:

Ézékiɛl 20:44

Oo Izraɛl munu, an ’ka dan we kɛlɛ lɛ ka giébɛ naané valé ka kɛlɛwe vɔnlenu lé we ma lo, an dan we kɛlɛ lɛ ka lɛ an tɔ lé we ma, ’bɛna lé ka dan a gi dɔɔ lɛ léé, maa ɛ ke Gakelebale nya. A zo lé maa, Mizan Gakelebale a fe.

Ézékiɛl 36:22

Amalé, bé fe Izraɛl munu lɛ léma: Gakelebale léma: Izraɛl munu, maa ’ka we ’ko kɛlɛna ka plizi lo; an tɔ sauun lé ka a sɛrɛ bɛntɛrɛnu lé ka go wona bɛ, alé we ma lé maa a kɛlɛ.

Kelewenu 7:51

’Kaa wemaplɛplɛzannu, ka lé ka bli ’ka sié ka kɛlɛwe kyɛn lɛ lo yé ka tɔnénu ’ka voo we lɛ lo, ka a é dɔle Léli Sauun ma plɛplɛ yifaama. Ka tranu a fɛan zo, a bɛ duo gi lé ka ke é ziin.

Bélidɔwesɛbɛ Fiézan 10:16

Amalé ’ka bli si wenyané lɛ é ziin, yé té ’ka kɛlɛ wemaplɛplɛzannu nya é dɛrɛ lo.

Bélidɔwesɛbɛ Fiézan 3:18

Maa ka béli dɔ yi la léé, Gakelebale, kalé Bale, é tɛrɛ ’ko nɔ ka lɛ léé, ’ka a kɛlɛ kazé nya. ’Kaa sunyanu faa, ’ka tawo Izraɛl lé nénu ’lɛ, ’té gulidanfɛnu a ka lee.

Bélidɔwesɛbɛ Fiézan 31:27

Naa, maa kalé nwamimabli valé ka tɔnégiyuyu dɔɔ. Dé ka nwa Gakelebale ma bléyian va lé maa a é yuɛma ka méléna, an gale zuo zé ’ka dan mini lɛ loo?

Bélidɔwesɛbɛ Fiézan 9:13

Gakelebale lé an lɛ léé, ’é a ye léé, munu ’ko a wemaplɛplɛzannu nya.

Bélidɔwesɛbɛ Fiézan 9:24

Maa ka dɔɔ a pélisia bléyi va fɔɔ kyɔ, ka a tɔnégiplɛplɛzannu nya Gakelebale ma.