Bélidɔwesɛbɛ Fiézan 9:5 - Kazambale lé Sebe Sauunu 1979

⁵ É ’ka kɛlɛ lɛ léé, kalé tawobɛ tegele valé ka bli tegele ma lé tɛrɛ ’ko kɛlɛ kazé nya lo; naa, bɛn ’konu bli nyané lé we ma lé Gakelebale, kalé Bale wo bin ka ’lɛ, yé é ziin, dére lé é a fe ébo ’nyɔɔnle nya ka tranu, Abraam koo, Izak koo, Jakɔb koo, wo lɛ, a dɔle gligli lé we ma lé é dan wo bin lɛ.

Bélidɔwesɛbɛ Fiézan 9:5 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 13:15

Yé tɛrɛ faa lé bé ye, maa dan a nɔ lɛ bii koo, ilé nénu koo, ka lɛ, lɛɛfaama zé nya.

Wepélisiananu 15:16

Wo néné zi néné ziɛnzan nya wo dan nyana lɛ ’ko é ziin. Naa, Amoré munu lé wenyané ’ka tan fan lɛ lo.

Wepélisiananu 15:7

Gakelebale lé a lɛ é ziin léé: Maa a Gakelebale nya. Maa i si Uu, Kaldé tɛrɛ la, tɛrɛ ’ko nɔle i lɛ izé nya we gi.

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Wepélisiananu 19:29

Dé Kazambale fɛna pɛblɛɛ flanu sɛrɛ Abraam sele dɔ a gi; yé dunuzén?-?milawe lé é bɔ Lɔt nyanala flanu ma yé é wo guru zana a gi bɛ, é Lɔt si ’bɛ we ’konu gi.

Wepélisiananu 26:4

Maa dan i kulu kɛlɛ lɛ di bélé lagi monénénu zo; maa dan tɛrɛ ’konu faa nɔ lɛ i kulunu lɛ; yé tɛrɛ la bɛnnu faa drɔɔ é dan vo lɛ i kulu lé we ma;

Wepélisiananu 28:13

Yé Gakelebale dɔ a nwiin loru yé é léé: Maa a Gakelebale nya, i tra Abraam lé Bale nya, Izak lé Bale nya, Tɛrɛ lé i ke é yiale a ta ’ko, maa dan a nɔ lɛ bii valé i kulunu lɛ.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Ézékiɛl 20:14

Naa, duowo, an we kɛlɛ an tɔ lé we ma, léé, bɛnnu lé maa Izraɛl si Éjipiti tɛrɛ la wo yuɛ va bɛ, té an tɔ é sɛrɛ ’bɛnu va lo.

Ézékiɛl 36:22

Amalé, bé fe Izraɛl munu lɛ léma: Gakelebale léma: Izraɛl munu, maa ’ka we ’ko kɛlɛna ka plizi lo; an tɔ sauun lé ka a sɛrɛ bɛntɛrɛnu lé ka go wona bɛ, alé we ma lé maa a kɛlɛ.

Ézékiɛl 36:32

Mizan Gakelebale léma: Maa ’ka we ’ko kɛlɛna kalé we ma lo; ka we ’ko dɔɔ ma. Izraɛl munu, yara ’é ka gyɛ ma, yé ka yuɛ ’é tana kalé tawobɛ lé we ma ma.

Lévinu 18:24

Bɛnnu lé maa dan wo bin lɛ ka ’lɛ, we ’konu faa nya lé wobo tiri dɔa; amalé té ka kabo tiri dɔ we ’konu do nya lo.

Lévinu 18:25

Tɛrɛ boen tiri dɔ wo nya; maa dan we lɛdɔ lɛ a gi alé weplenu ma, yé tɛrɛ é dan féé lɛ é ta nyanazannu nya.

Misé 7:20

I dan a gɔɔn lɛ Jakɔb lɛ léé, i a yarapawelazan nya, yé i dan a gɔɔn lɛ Abraam lɛ léé, i a é zin, fɛan zo lé bé fe ko tranu lɛ ibo ’nyɔɔnle nya é vinin, a zo.

Kelewenu 3:25

Ka a balelayemunu kululazannu nya, é valé gipawe lé Kazambale a kɛlɛ kaa tranu va, a vamunu nya, ’té Kazambale a fe Abraam lɛ léé: Tɛrɛ la bɛnnu faa drɔɔ é dan vo lɛ i kulu gi bɛ.

Rom munu 11:28

Dé é a Wenéné lé we nya, wa Kazambale nyanézannu nya kalé we ma; naa, dé é a munu vabole lé we nya, wo sɔ Kazambale lɛ wo tranu lé we ma.

Rom munu 15:8

’Bɛ gi léé, Krist kɛlɛ ganedɔmunu wuozan nya, yé blivolɛdére lé Bale a fe ko tranu lɛ, é ’bɛ lɛ sɔɔ yé ’bɛ nya lé é a gɔɔn léé, Kazambale a wezen fezan nya, é ’ka viéwoo lo.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 12:31

Té ka kɛlɛ ’bɛ zo Gakelebale, kalé Bale vazia lo; naa, wo ’wozé balenu bɔa, bozowe lé a gin éé dɔa Gakelebale nyé gi, a kɛlɛle nya; dé é a wo benu valé wo lunu kyɛblele nya wolé balenu bɔle we gioo, wa kɛla.

Bélidɔwesɛbɛ Fiézan 18:12

Mi lé é ’bɛ zo wenu kɛla, é a bélé bo zo Gakelebale yuɛ gi; bozowenu ’ko lé we ma lé Gakelebale, kalé Bale é dan bɛn ’konu bin lɛ ka ’lɛ.

Bélidɔwesɛbɛ Fiézan 18:9

Dé ka bɔ tɛrɛ lé Gakelebale, kalé Bale a nɔ ka lɛ, a ta, té ka ’bɛna bɛnnu lé bozowenu zuosona lo.

Bélidɔwesɛbɛ Fiézan 20:18

Dé ka kɛlɛ a zo, wolé bozowenu lé wa kɛlɛna wolé balebɔwenu nya bɛ, ka ’ka dan wo zuosona lɛ lo, yé ka ’ka dan wenyané kɛlɛ lɛ Gakelebale, kalé Bale ma lo.

Tite 3:5

É ’ka ko si lɛ we gi we tegelenu lé ko a kɛlɛ, wo ma lo; naa, a nyanai zén ko ta, amalé é ko si we gi; é ko yaa é dɛrɛ, yé ’bɛ a bélé ko zurule zo, yé é ko kɛlɛ mi dɛrɛ nya Léli Sauun lé plɛplɛ nya, amalé ko si we gi.