Bélidɔwesɛbɛ Fiézan 9:3 - Kazambale lé Sebe Sauunu 1979

³ Amalé kyɔ, Gakelebale, kalé Bale é dan tawo lɛ ka ’lɛ bélé kyɛ lé éé fɛ faa blé, a zo, ’ka ’bɛ gi dɔɔ ma; yee ɛ dan wo kɛlɛ lɛ kiéné ka ’lɛ, yee ɛ dan wo kulu ga lɛ; ka dan wo bin lɛ, ka dan wo gyɛ lɛ do ’té, Gakelebale a fe ka lɛ fɛan zo, a zo.

Bélidɔwesɛbɛ Fiézan 9:3 ပူးပေါင်းရင်းမြစ်များ

Fwile 23:23

Anlé lanje é dan tawo lɛ i ’lɛ, yé é dan go lɛ i nya, Amorénu koo, Étinu koo, Férézinu koo, Kanaannu koo, Éévinu koo, Jébusinu koo, wo va, yé maa dan wo si lɛ tɛrɛ la tata.

Fwile 24:17

Gakelebale lé fuasan lé ke gɔ nwiin, é a Izraɛl lé nénu yuɛ gi bélé kyɛ lé, éé fɛnu blé, a zo.

Ézai 27:4

’Bɛ ’ka ’nana an ma lo, naa, dé maa ka ye danan valé léliyilinu nya, maa dan guli dan lɛ ka va; maa dan nwa lɛ ka ma, yé maa dan ka faa kyɛ ble lɛ ékeva,

Ézai 30:27

Mi lé wa laan Gakelebale, yee lé é dan bɛ; é si baa, a bli a flina é baba, é a bélé kyɛ blɛn zo. A wɛwɛ a é baba; a nɛnɛ a bélé kyɛ lé éé fɛnu blé, a zo.

Ézai 30:30

Yé Gakelebale é dan élé tun dɔ mi gi dére we lɛ, a bli flile baba zama; a bɛ lé ke é nwale migyɛfɛ nya, é dan a nagɔɔn lɛ kyɛnɛnɛ lé éé fɛ blé, a méléna, yuu bɔrale é gɔ la koo, fu plɛplɛ giéle koo, goowɔlɛlɛɛ koo, wo méléna.

Ézai 30:33

Maa miyilibanna ma’lɛrɛ ana mɔn Tofɛt; a ma a é ’lɛrɛle Asirinu nwiinzan lé we ma. A guru a, yé a laala a blɛn yé maa kyɛ zén yee miyilibanna ta di; maa, Gakelebale, maa dan kyɛ vɔ lɛ a ’léé an flin fu nya bélé povun kyɛ blɛn zo.

Ézai 33:14

Kana zén wenyanékɛlɛzannu gi Siɔn; Bale lé zi ma wenyanéfezannu ma a nyɔɔnna; ko va mi kyɛn ɛ bɔalɛ léé, é vo kyɛ lé é ke fɛ blena, a sɔnɔɔ? Ko va mi kyɛn ɛ bɔalɛ léé, é vo kyɛnɛnɛ lé é ’ka dirian lo, a sɔnɔɔ?

Misé 2:13

Gɔrɔfɔnzan éé giéan wo ’lɛ; wo dan gɔrɔ fɔn lɛ yé wo bɔ gɔrɔ ’léé, yé wo dan bɔra lɛ ana. Wo nwiinzan blɛn é dan tawo lɛ wo ’lɛ zia, yé Gakelebale é dan kɛlɛ lɛ wo zilɛzan nya.

Matio 15:10

’Bɛ zuo é mi gu laa yé é lé wo lɛ léma: ’Ka tɔné dɔ yé ’ka we ’ma ma.

Maak 7:14

’Bɛ zuo, é mi gu laa é ziin léé, ’wo go ’é va yé é lé wo lɛ léma: ’Ka faa tɔné dɔ an lɛ yé ’ka we ’ma ma.

Rom munu 8:31

Kaa fé we ’konu ma nɔɔ? Dé Kazambale a kaa va, de ɛ kɛla kaa maa?

Éfez munu 5:17

Bɛwemalé, té ka kɛlɛ ’tugyɛzannu nya lo, naa, Mizan lé blibɔmawe a fɛan zo, ’ka a dɔɔ ma.

Bélidɔwesɛbɛ Fiézan 1:30

Gakelebale, kalé Bale lé éé tawoo ka ’lɛ, yeebozen é dan ka ta guli dan lɛ, we faa lé é a kɛlɛ ka yuɛ va Éjipiti tɛrɛ la, a yɛrama;

Bélidɔwesɛbɛ Fiézan 20:1

Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.

Bélidɔwesɛbɛ Fiézan 20:4

Naa, Gakelebale, kalé Bale a tawona ka va, gulidanle we gi ka nyanézannu va, ’bɛ valé ka bélile we gi.

Bélidɔwesɛbɛ Fiézan 4:24

Naa, Gakelebale, kalé Bale a kyɛ lé éé fɛ faa blé, a nya, é a maawo Bale nya.

Bélidɔwesɛbɛ Fiézan 7:16

Bɛnnu faa lé Gakelebale, kalé Bale é dan wo pa lɛ ka lee, ’ka wo gyɛ; té ka nyanai zén wo ta lo, té ka wolé balenu bɔ lo, naa, é dan kɛlɛ lɛ ka kunsan nya, ’bɛzama.

Bélidɔwesɛbɛ Fiézan 7:22

Gakelebale, kalé Bale é dan bɛn ’konu bin lɛ ka ’lɛ sɛné sɛné; ka ’ka bɔalɛ léé, ka wo faa gyɛ é nya do lo, dé bwi gi winu ’léé gi é da gyɛ yé wo wenyané kɛlɛ ka lɛ.

Bélidɔwesɛbɛ Fiézan 9:6

Amalé é a lé ka gi dɔɔ léé, Gakelebale, kalé Bale ’ka tɛrɛ zin ’ko nɔ lɛ ka lɛ, ka tegele lé we ma lo; naa, ka a wemaplɛplɛzannu nya.

2 Tɛsalɔnik munu 1:8

É dan da lɛ kyɛnɛnɛ méléna, munu lé wo ’ka Kazambale dɔɔa lo, é valé munu lé wo ’ka Kaazan Jézu lé Wenéné lɛdɔama lo, we lɛdɔle wo gi we ma.

Ébrunu 12:29

Naa, kaalé Bale a é ziin kyɛ lé éé fɛ faa blé, a nya.

Jozué 11:12

Jozué minwiinzannu ’konu valé wolé flanu si, yé é wo gyɛ gwɔun nya yé é wo nɔ bale pale wo ma nya, fɛan zo lé Gakelebale wuozan Moizi a béli dɔ, a zo.

Jozué 11:8

Gakelebale wo pa Izraɛl lee; wo wo gyɛ yé wo wo zuo bin fɔɔ yé wo bɔ Sidɔn blɛn ma, fɔɔ yé wo bɔ Misréfɔt‐Maim ma, fɔɔ yé wo bɔ Misipa pɛnguru gi yirinwanazia. Wo wo gyɛ fɔɔ wo do kpen ’ka vo lɛ lo.

Jozué 14:12

Amalé gɔ ’ko lé Gakelebale alé we fe ’bɛ yi la, bé nɔ an lɛ; naa, bé ’ma lé Anak munu ana, yé ana flanu a blɛn yé wa plɛplɛ. Dé Gakelebale é dan kɛlɛ lɛ an vaa? yé an dan wo bin lɛ, Gakelebale a fe fɛan zo, a zo.

Jozué 3:11

Ka ye, Tɛrɛfaazan lé gipawe pagikɛsu é dan gié lɛ ka ’lɛ Juudɛn va.

Jozué 3:14

Yé munu faa fwi ’wolé sɔkɔnnu nya Juudɛn kinile we ma, yé Balebanzannu lé woo goo gipawe pagikɛsu nya, wo tawo munu ’lɛ.

Weblezannu 4:14

Yé Débora lé Barak lɛ léé: ’I nwa, Gakelebale Sizéra pa i lée kyɔ. Gakelebale ’ka tawona i ’lɛ loo? Yé Barak Tabɔɔ gɔ zun mi baa soru nya ’é zuo.