Bélidɔwesɛbɛ Fiézan 9:27 - Kazambale lé Sebe Sauunu 1979

²⁷ I wuozannu Abraam koo, Izak koo, Jakɔb koo, wo sele ’é dɔ i gi ma. Munu ’ko lé tɔnégiplɛplɛ koo, wolé weple koo, wolé wenyané koo, té bé pa i bli gi lo;

Bélidɔwesɛbɛ Fiézan 9:27 ပူးပေါင်းရင်းမြစ်များ

Wepélisiananu 19:29

Dé Kazambale fɛna pɛblɛɛ flanu sɛrɛ Abraam sele dɔ a gi; yé dunuzén?-?milawe lé é bɔ Lɔt nyanala flanu ma yé é wo guru zana a gi bɛ, é Lɔt si ’bɛ we ’konu gi.

Lɛrɛvɔ Sɛbɛ 130:3

Gakelebale, dé weplenu sele dɔ i gi, Mizan, de ɛ vonaa?

Lɛrɛvɔ Sɛbɛ 78:8

Léé, té wo kɛlɛ bɛn lé woo mi lɛgaan a ma, yé wo tɔné gi ke plɛplɛ bélé wo tinu zé zo, wo nya lo, Bɛn lé wo bli ta ’ka é dɔle plɛplɛ lo, Yé wo léli fuu ’ka é ta Bale lé we gi lo, té wo kɛlɛ ’bɛ nya lo.

Fwile 13:5

Kanaan munu koo, Éti munu koo, Amoré munu koo, Éévi munu koo, Jébusinu koo, wolé tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, dé ka wɔra yee tɛrɛ nyɔnɔzan ’ko ta, ka dan Gakelebale bɔ lɛ a bɔbɛ ’ko nya moné ’ko duo nya.

Fwile 3:16

’I go, ’i Izraɛl mi segelenu zén ékeva yé bé fe wo lɛ léé: Gakelebale ka tinu lé Bale bɔra an va, Abraam koo, Izak koo, Jakɔb koo, wolé Bale lé. É léma: ’É ka ye, yé we lé wa kɛlɛna ka lɛ Éjipiti, ’é a ye,

Fwile 3:6

Yé é we taa fe léé: I ti koo, Abraam koo, Izak koo, Jakɔb koo, maa a wolé Bale nya. Moizi kana Kazambale naginile lee, amalé é yara yɔɔ.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Wegɔnévɔlenu 21:12

Bale tegele yuɛ a mi naané lé kɔn ta; Gakelebale éé we tɔntɔn bɔa mi naanénu ma.

Jérémi 14:21

I tɔ lé we ma, té i nyé yéli ko ma lo; Té i tɛrɛ zén ilé webleblin tɔ ta lo. Gipawe lé kaa kɛlɛ bɛ, té i gi é san a ma lo, té bé sɛrɛ lo.

Jérémi 50:20

Gakelebale léma: ’Bɛ yi ’konu la, ’bɛ bléyi ’ko va, wo dan Izraɛl lé weplenu gini lɛ, yé wo ’ka ana é dɛrɛ lo; wo dan Juda lé wenyanénu gini lɛ, yé wo ’ka dan wo ye lɛ é dɛrɛ lo; naa, munu lé maa wo vo ana, maa dan wo ma we vo lɛ.

Lévinu 26:42

Gipawe lé maa a kɛlɛ Abraam va, a sele é dan dɔ lɛ an gi, yé gipawe lé maa kɛlɛ Izak va, a sele é dan dɔ lɛ an gi, yé gipawe lé maa a kɛlɛ Jakɔb va, a sele é dan dɔ lɛ an gi, yé tɛrɛ boen sele é dan dɔ lɛ an gi.

Lévinu 26:45

Gipawe kyɛn lé maa a kɛlɛ, ’té maa wo si Éjipiti tɛrɛ la bɛnnu yuɛ va a nya, an kɛlɛle wolé Bale nya we gi bɛ, a sele é dan dɔ lɛ an gi wo vazia. Maa a Gakelebale nya.

Bélidɔwesɛbɛ Fiézan 9:26

An bazoro Gakelebale lɛ yé maa léé: Mizan Gakelebale, ilé munu, ilé tɔnɔfɛ lé i wo tabo ilé plɛplɛ blɛn nya, ’té i wo si Éjipiti tɛrɛ la i bɛ plɛplɛ nya bɛ, té ’i wo gyɛ lo.

Bélidɔwesɛbɛ Fiézan 9:28

tɛrɛ lé i wo si a ta bɛ, dé ana munu é da a fe léé, Gakelebale ’ka bɔalɛ léé, é go munu ’konu nya, tɛrɛ lé é a fe léé, é dan a nɔ lɛ wo lɛ, ana lo, yé wo za a Bale gi, bɛwemalé é wo si ko va wo gyɛle bwi gi we ma.

1 Samuɛl 25:25

Té anzan é mi ple, Nabal ’ko lé we pa é bli gi lo, naa, éé we kɛla bélé é tɔ zo; a tɔ lé Nabal yé ’tu a gyɛ. Yé maa, i wuo le, munu lé anzan a pa zia maa ’ka wo ye lɛ lo.