Bélidɔwesɛbɛ Fiézan 9:26 - Kazambale lé Sebe Sauunu 1979

²⁶ An bazoro Gakelebale lɛ yé maa léé: Mizan Gakelebale, ilé munu, ilé tɔnɔfɛ lé i wo tabo ilé plɛplɛ blɛn nya, ’té i wo si Éjipiti tɛrɛ la i bɛ plɛplɛ nya bɛ, té ’i wo gyɛ lo.

Bélidɔwesɛbɛ Fiézan 9:26 ပူးပေါင်းရင်းမြစ်များ

2 Samuɛl 7:23

Izraɛl lé, Bale da wo tabo lɛ, wo kɛlɛle élé munu nya we gi, wo zo bɛn do a tɛrɛ laa? I tɔ kɛlɛle blɛn lé we ma lé i gyɛzorowenu valé we blɛnblɛnnu kɛlɛ ilé tɛrɛ valé kolé we ma; munu lé i wo si Éjipiti tɛrɛ la wo kɛlɛle ilé munu nya we ma, i bɛnnu valé wolé balenu bin wo ’lɛ.

1 Minwiinzannu 8:51

naa, wa ilé munu valé ilé tɔnɔ nya, yé i wo si foliɛwɔlɛ gɔrɔ gi Éjipiti tɛrɛ la.

1 Minwiinzannu 8:53

Mizan, Gakelebale, i wo si a va tɛrɛlamunu bɛnu faa méléna, ilé wo kɛlɛle ilé tɔnɔ nya we gi, bé fe fɛan zo i wuozan Moizi lɛ bléyian va lé i ko tranu si Éjipiti tɛrɛ la, a zo.

Néémi 1:10

Wa ilé munu nya, wa i wuozannu nya, yé i wo tabo ilé plɛplɛ valé i bɛ plɛplɛ nya.

Lɛrɛvɔ Sɛbɛ 106:23

Amalé é léé, é dan wo kulu ga lɛ, Naa, fɛana lé Bale bli nwa wo ma, Moizi lé, Bale a si a va, é dɔ ’bɛna, Yé é alé bliflile wo ma nɔla, yé é alé wo kulu gale yi ga.

Lɛrɛvɔ Sɛbɛ 107:2

Munu lé Gakelebale wo tabo, Yé é wo si wo nyanézannu lee,

Lɛrɛvɔ Sɛbɛ 28:9

’I ilé munu si we gi; munu lé wo ke ilé tɔnɔfɛ nya, ’i wo drɔɔ vo. ’I kɛlɛ wo tabinzan valé wo takuunzan nya yifaama ma.

Lɛrɛvɔ Sɛbɛ 57:1

David lɛrɛ ’ko vɔle gɔɔn lɛrɛvɔzannu zilɛzan lɛ. Té bé sɛrɛ lo. Bale tɔbɔlɛrɛ lé David a vɔ, bléyian va lé Saul a zuo bin, yé é go yɔɔ lɛ gɔmaguru gi.

Lɛrɛvɔ Sɛbɛ 77:15

Bii a Bale lé éé we blɛnblɛnnu kɛla, a nya; I ilé plɛplɛ nagɔɔn munu méléna.

Lɛrɛvɔ Sɛbɛ 78:35

Yé a sele dɔ wo gi léé, Bale ɛ ke wolé gɔlɛgɔ nya, Loruzan Bale a wo Siéwegizan nya.

Lɛrɛvɔ Sɛbɛ 99:6

Balebanzannu va, Moizi valé Arɔn koo, Bale tɔ laazannu va Samuɛl koo, Wo Gakelebale laa yé é we.

Fwile 15:13

Ilé nyanai zénle nya lé i go munu ’ko nya, A nya lé i wo si we gi; Ilé plɛplɛ nya lé I nyanana sauun lé zi gɔɔn wo é lɛ.

Fwile 33:13

Sin, dé maa i yuɛi bɔ, ’i giébɛnu gɔɔn an lɛ; ’bɛna lé maa dan i dɔɔ lɛ, yé maa dan kɛlɛ lɛ mi zin nya i yuɛi. ’I gi bɔrɔ léé, bɛn ’ko a ilé munu nya.

Fwile 34:9

É léé: Mizan, dé maa i yuɛi bɔ, Mizan ’é tawo ko va ma, naa, munu ’ko a wemaplɛplɛzannu nya; weplenu valé wenyanénu lé ko kɛlɛ, ’i ko ma we vo yé ’i ko si izé nya.

Ézai 44:23

Gakelebale we kɛlɛ, amalé lanu, ka gi ’é nana ma; ’Kaa tɛrɛwɔlɛmanu, kalé ginanale zuoi ’é go ma; ’Kaa gɔnu, ’ka siaa ginanale nya ma, ’Kaa pɔrɔnu valé yili faa tere é ziin, ka gi ’é nana ma. Naa, Gakelebale Jakɔb tabo, azama. É ’élé fua nagɔɔn Izraɛlnu nya.

Ézai 63:19

Ana mɔn, ko kɛlɛ bélé munu lé i ’ka plale wo nwiin lo, ’té wo ’ka wo laan i tɔ nya lo, wo zo. Oo, dé é a kɔɔn lé i la fee gyɛ yé i zun, gɔnu ma é dan nyɔɔn lɛ i ’lɛ,

Jérémi 14:21

I tɔ lé we ma, té i nyé yéli ko ma lo; Té i tɛrɛ zén ilé webleblin tɔ ta lo. Gipawe lé kaa kɛlɛ bɛ, té i gi é san a ma lo, té bé sɛrɛ lo.

Jérémi 15:1

Gakelebale lé an lɛ léma: Dé é kɛlɛ kɔɔn léé, Moizi valé Samuɛl dɔ munu ’ko lé we gi an ’lɛ, an bli ’ka dan dɔrala lɛ munu ’ko ma lo. ’I wo bin an lɛ baa, ’wo si ana yé ’wo go ma.

Jérémi Lé Wuvɔ Sɛbɛ 2:20

Gakelebale, ’bé gini, mi lé i ’bɛ zoɛ we kɛlɛ a lɛ, ’bé ye. É a lé lomu wobo kulu blee? Né kiénénu lé wo bli bɔ wo ma, ’wo wo blee? É a lé wo Balebanzannu valé balelayezannu gyɛ za ma Mizan lé fɛna sauun naa?

Misé 6:4

Naa, maa ka si Éjipiti tɛrɛ la, maa ka si luubale gi, yé Moizi koo, Arɔn koo, Mari koo, an wo kɛlɛ ka ’lɛzannu nya.

Bélidɔwesɛbɛ Fiézan 13:5

Ka ’bɛ balelayezan valé ’bɛ nyɛgyɛzan gyɛ, naa, é a ka nwana Gakelebale, kalé Bale lé é ka si luu gi Éjipiti tɛrɛ la, a ma, yé zi lé Gakelebale, kalé Bale a gɔɔn ka lɛ, é a a va léé, ’é ka si ’bɛ zi ta. ’Ka a gyɛ yé ’bɛ zo lé wenaané si ka méléna.

Bélidɔwesɛbɛ Fiézan 15:15

A sele ’é dɔ ka gi léé, ka a luu nya é vinin Éjipiti tɛrɛ la yé Gakalebale, kalé Bale ka tabo; bɛwemalé maa bélidɔwe ’ko nɔ ka lɛ kyɔ.

Bélidɔwesɛbɛ Fiézan 21:8

Oo, Gakelebale, ilé munu Izraɛl lé i wo tabo, ’i wo ma we vo; té i mi ’ko nyɛ lé we dɔ ilé munu Izraɛl nwiin lo; dé wa fe a zo, ’té mi ’ko nyɛ ’ka wo nwiinwe nya lo.

Bélidɔwesɛbɛ Fiézan 32:9

Naa, Gakelebale zé lé ke élé munu nya; Jakɔb ɛ ke azé tɔnɔ nya.

Bélidɔwesɛbɛ Fiézan 7:8

Naa, ka sɔ Gakelebale lɛ é wo, yé é sɔ a lɛ léé, ébo ’nyɔɔn ka tranu lɛ fɛan zo, ’é ’bɛ lɛ sɔɔ, bɛwemalé Gakelebale ka si luu gi, é ka si Éjipitimunu nwiinzan Faraɔn lee yé é ka si ana é bɛ plɛplɛ nya.

Bélidɔwesɛbɛ Fiézan 9:12

Gakelebale lé an lɛ léé, ’maa nwa, ’maa zun é kele; naa, anlé munu lé maa wo si Éjipiti tɛrɛ la, wo ’wobo sɛrɛ. Zi lé yee a gɔɔn wo lɛ, wo si a ta tɛkɛ; wo fɛ selele foto kɛlɛ.

Bélidɔwesɛbɛ Fiézan 9:27

I wuozannu Abraam koo, Izak koo, Jakɔb koo, wo sele ’é dɔ i gi ma. Munu ’ko lé tɔnégiplɛplɛ koo, wolé weple koo, wolé wenyané koo, té bé pa i bli gi lo;

Bélidɔwesɛbɛ Fiézan 9:29

Gakelebale, wa ilé munu nya, wa ilé tɔnɔfɛ lé, i wo si Éjipiti tɛrɛ la ilé plɛplɛ blɛn valé i bɛ soile nya, a nya.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

Ébrunu 9:12

Krist go fɛna sauun tinle na gɔnɔ do bléyi faa zé nya; é ’ka go lɛ ana boligɔné valé diriné nyɛ nya lo; naa, é go ébo nyɛ nya é lee. É kaa tabo ’bɛ zo ’té. We bɛ ’ka ’bɛ zuo monomono lo.

Wegɔɔnle 5:9

Yé wo vo lɛrɛ dɛrɛ vɔna yé wo léé: Ilé sɛbɛ sile valé zɔrɔkaanyɔɔ bɔi yara lé, naa, wo i gyɛ saraka nya, azama, yé bɛn faa koo, dére faa koo, migɔnɔ faa koo, bɛntɛrɛ faa koo, i munu si wo va yé i wo tabo i nyɛ nya Kazambale zé nya;

1 Samuɛl 7:9

Samuɛl nyɔ ma ’blané si yé é a kyɛ ble Gakelebale lɛ é ta lé é kɔn‐an. É siaa Gakelebale lɛ Izraɛl lé we ma, yé Gakelebale a ’ma.