Bélidɔwesɛbɛ Fiézan 9:18 - Kazambale lé Sebe Sauunu 1979

¹⁸ Kalé wenyané ma lé an dia Gakelebale wuo bélé é vinin zo, yi yɔ fié, é yiéyi valé é béli; maa ’ka fɛ ble lɛ lo, yé maa ’ka ’yi mini lɛ lo; we lé ke naané Gakelebale yuɛ gi, ka kɛlɛ yé ka a bli fli.

Bélidɔwesɛbɛ Fiézan 9:18 ပူးပေါင်းရင်းမြစ်များ

2 Samuɛl 12:16

David né ma bazoro Bale lɛ yé é lɔrɔ sɔn; é wɔra kɔn gi yé é tu kini é yiale tɛrɛ va.

1 Minwiinzannu 19:8

É nwa, é fɛ ble yé é fɛ mini; yé plɛplɛ lé fɛblele ’ko a nɔ a lɛ, a nya lé é tawo yiéyi yɔ fié valé béli yɔ fié fɔɔ yé é bɔ Bale lé gɔ Orɛb ma.

Ezidras 10:6

’Bɛ zuo yé Ezidras si Bale lé kɔn ’léé, yé é go Éliasib be Jokanan lé kɔn gi. ’Bɛna mi, é ’ka fɛ do kpen ble lɛ lo, yé é ’ka ’yi do kpen mini lɛ lo. Luugimunu lé wenyané lé we ma lé tɛrɛla lɔrɔ nyaa a ma.

Lɛrɛvɔ Sɛbɛ 106:23

Amalé é léé, é dan wo kulu ga lɛ, Naa, fɛana lé Bale bli nwa wo ma, Moizi lé, Bale a si a va, é dɔ ’bɛna, Yé é alé bliflile wo ma nɔla, yé é alé wo kulu gale yi ga.

Fwile 34:28

Moizi vo ana bɛ Gakelebale va yi yɔ fié, bladi nyanadi. É ’ka fɛ blɛ lɛ lo, yé é ’ka ’yi mini lɛ lo. Gakelebale gipadérenu gyɛ gɔlɛfénnu ta. We vu lé.

Fwile 34:9

É léé: Mizan, dé maa i yuɛi bɔ, Mizan ’é tawo ko va ma, naa, munu ’ko a wemaplɛplɛzannu nya; weplenu valé wenyanénu lé ko kɛlɛ, ’i ko ma we vo yé ’i ko si izé nya.

Bélidɔwesɛbɛ Fiézan 10:10

An vo gɔ nwiin bélé é vinin zo, yiéyi yɔ fié valé béli yɔ fié. Gakelebale ’é tɔné dɔ an lɛ é ziin; é ’ka a va léé, ’é ka gyɛ lo.

Bélidɔwesɛbɛ Fiézan 9:17

Gɔlɛfén fié lé ke an lee bɛ, maa wo vuli, yé maa wo ’wii ka yuɛ va.

Bélidɔwesɛbɛ Fiézan 9:25

É sɔ Gakelebale lɛ léé, ’é ka gyɛ, amalé an vo é diale a wuo, yi yɔ fié yiéyi valé é béli.

Bélidɔwesɛbɛ Fiézan 9:9

Dé an gɔ gié, gɔlɛfén lé Bale ka valé ’wonu lé gipawe gyɛ a ta, a sile we gi, an vo gɔ nwiin yi yɔ fié, é yiéyi valé é béli; an ’ka fɛ ble lɛ lo, yé an ’ka ’yi mini lɛ lo;