Bélidɔwesɛbɛ Fiézan 9:1 - Kazambale lé Sebe Sauunu 1979

¹ Izraɛl munu, ’ka tɔné dɔ. Kyɔ ka dan Juudɛn kini lɛ, yé bɛnnu lé wo kiɛre mini ka ta, ’té wolé plɛplɛ mini kazé ta, ka dan kɛlɛ lɛ wozannu nya; fla blɛnnu lé wo zi gɔrɔ bɔ la gi baa, ka dan wo si lɛ;

Bélidɔwesɛbɛ Fiézan 9:1 ပူးပေါင်းရင်းမြစ်များ

Wepélisiananu 11:4

Yé wo lé é ziin léé: Kaa go, kaa fla do pa, yé kaa kɔn kiilii torole dɔ fɔɔ a ’wuo ’é zun la ma, yé kaa tɔ ’é kɛlɛ, blɛn, dé ko da kini ékema tɛrɛ la fɛfaana.

Fwile 32:1

Munu a ye aan wo léé, Moizi a mɔnna gɔ nwiin, wo zén ékeva Arɔn ma yé wo lé a lɛ léé: Kaa go. Bale do lé é dan tawo lɛ ko ’lɛ, bé kɛlɛ ko lɛ, naa, Moizi ’ko lé é ko fwi Éjipiti tɛrɛ la, gɔné ’ko, dé mɛ ɛ kɛlɛ a lɛɛ? un, ko ’ka ’bɛ gi dɔɔa lo.

Daniɛl 4:11

Yili ’ko kɛlɛ blɛn yé é kɛlɛ plɛplɛ; a torole go fɔɔ yé é bɔ la ma, yé dé mi a tɛrɛ faa glɛ sinaoo, éé a nwiin yé.

Amɔs 2:9

dɔlé té Amoré munu lé wo ke grɔgrɔ bélé sɛdrɛyilinu zo, ’té wa plɛplɛ bélé sɛnéyilinu zo, maa ’bɛnu sɛrɛ Izraɛlnu ’lɛ. Maa ’bɛnu poronu sɛrɛ loru, yé maa ’bɛnu suninu sɛrɛ tɛrɛ gi.

Mi Nɔnɔle 13:22

Wo gié yirinwana bɛyilazia, yé wo go fɔɔ yé wo bɔ Ébrɔn; ana lé Aiman koo, Sésai koo, Talmai koo, wo ke. Wa Anak?-?munu nya. Wo Ébrɔn fla pa yé ’bɛ zuo lɛɛ sɔrafié wo Soan pa Éjipiti tɛrɛ la.

Mi Nɔnɔle 33:51

É léé: Bé fe Izraɛlnu lɛ léma: Dé ka Juudɛn yuu kini yian nya, yé ka bɔ Kanaan tɛrɛ la,

Bélidɔwesɛbɛ Fiézan 1:28

Yé ka léé, ’wo go ana kaa? ’Wo bwenu léé, ana munu a blɛɛn yé wo torole mini kaa ta; ana flanu a blɛn yé wo zi gɔrɔ a é torole fɔɔ wo bɔ la ma, yé ’wo Anak munu ye ana é ziin, amalé ’wo fuu faa si ’wo ta. A zoan ka fe an lɛ loo?

Bélidɔwesɛbɛ Fiézan 11:23

Gakelebale é dan bɛn ’konu faa bin lɛ ka ’lɛ, yé bɛnnu lé wo blɛn mini ka ta, ’té wo plɛplɛ mini ka lɛ, ka dan kɛlɛ lɛ wozannu nya.

Bélidɔwesɛbɛ Fiézan 11:31

Naa, ka dan Juudɛn yuu kini lɛ yé tɛrɛ lé Gakelebale, kalé Bale a nɔ ka lɛ, ka dan a si lɛ; é dan kɛlɛ lɛ kazé nya, yé ka dan nyana lɛ ana.

Bélidɔwesɛbɛ Fiézan 27:2

Dé ka Juudɛn yuu kini yé ka bɔ tɛrɛ lé Gakelebale, kalé Bale a nɔ ka lɛ, a ta, ’ka gɔlɛ blɛnblɛnnu zun dɔ yé ka wo mawo laso nya.

Bélidɔwesɛbɛ Fiézan 3:18

Maa ka béli dɔ yi la léé, Gakelebale, kalé Bale, é tɛrɛ ’ko nɔ ka lɛ léé, ’ka a kɛlɛ kazé nya. ’Kaa sunyanu faa, ’ka tawo Izraɛl lé nénu ’lɛ, ’té gulidanfɛnu a ka lee.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 4:38

Bɛnnu lé wo kiɛre valé wolé plɛplɛ mini ka ta, é wo bin ka ’lɛ, léé, ’ka wɔra wolé tɛrɛ la yé ’é kɛlɛ kazé nya, fɛan zo lé ka ye kyɔ, a zo.

Bélidɔwesɛbɛ Fiézan 6:10

Tɛrɛ lé Gakelebale, kalé Bale ébo ’nyɔɔn ka tranu Abraam valé Izak valé Jakɔb lɛ léé, é dan a nɔ lɛ ka lɛ, é dan go lɛ ka nya ana. Fla blɛn zinnu lé ka ’ka wo pa lɛ lo, ka dan nyana lɛ wo ta;

Bélidɔwesɛbɛ Fiézan 7:1

Tɛrɛ lé ka dan a si lɛ kazé nya bɛ, dé Gakelebale kalé Bale ka bɔ ana, é dan bɛn kiɛre bin lɛ ka ’lɛ; bɛn lɛ sɔrafié lé wo blɛn mini ka lɛ, yé wolé plɛplɛ mini ka lɛ, woo lé; Étinu koo, Giigazinu koo, Amorénu koo, Kanaannu koo, Férézinu koo, Éévinu koo, Jébusinu koo, woo lé.

Jozué 1:11

’Ka gié kɔn faa ’léé ma, ’ka fe munu lɛ léma: ’Ka fɛblele ma’lɛrɛ ma, é vo yi yaa yé ka dan Juudɛn ’ko kini lɛ, tɛrɛ lé Gakelebale, kazé Bale a nɔ ka lɛ kazé nya, a sile we gi.

Jozué 1:15

fɔɔ, yé Gakelebale é flinle nɔ wo lɛ, bélé fɛan zo lé é flinle nɔ ka lɛ, a zo, yé wo nyana kli tɛrɛ lé Gakelebale, kazé Bale a nɔ wo lɛ, a ta. ’Bɛ zuo faa yé ka dan da lɛ é ziin tɛrɛ lé Gakelebale wuozan Moizi a nɔ ka lɛ Juudɛn ’lɛzia, yirinwanazia, a ta, yé ka nyana ana.

Jozué 14:12

Amalé gɔ ’ko lé Gakelebale alé we fe ’bɛ yi la, bé nɔ an lɛ; naa, bé ’ma lé Anak munu ana, yé ana flanu a blɛn yé wa plɛplɛ. Dé Gakelebale é dan kɛlɛ lɛ an vaa? yé an dan wo bin lɛ, Gakelebale a fe fɛan zo, a zo.

Jozué 3:14

Yé munu faa fwi ’wolé sɔkɔnnu nya Juudɛn kinile we ma, yé Balebanzannu lé woo goo gipawe pagikɛsu nya, wo tawo munu ’lɛ.

Jozué 3:16

’yinu lé wo si loru zia, wo dɔ yé wo téé é kunu nya; wo sina a baa, Adam lé fla sɔnɔ, ’té é ke Saatan bɛ do la; yé ’yinu lé woo yoroan fɛna pɛblɛɛ lé wɛyi vazia, Wɛminiélɛ Wɛyi vazia, wo béli tata. Munu gié Jériko yara tegele.

Jozué 3:6

Yé Jozué lé Balebanzannu lɛ léé: ’Ka gipawe pagikɛsu sia yé ’ka gié munu ’lɛ. Wo gipawe pagikɛsu sia yé wo go munu ’lɛ.

Jozué 4:19

Moné vinin yi vuzan nya, munu si Juudɛn yuu va yé wo nyana ’wolé sɔkɔnnu gi Gilgal lé ke Jériko yirinwanazia glɛ la, ana.

Jozué 4:5

É lé wo lɛ léé: ’Ka gié Gakelebale, kazé Bale lé kɛsu ’lɛ Juudɛn méléna, yé ka faa do do ’é gɔlɛ do do pla ka bɛapa ta, Izraɛl bɛnnu ’léé yɛrama,