Bélidɔwesɛbɛ Fiézan 8:5 - Kazambale lé Sebe Sauunu 1979

⁵ É a lé ka gi dɔɔ ka bli gi léé, Gakelebale, kalé Bale we lɛdɔ ka gi, bélé mi éé we lɛdɔa élé né gi fɛan zo, a zo.

Bélidɔwesɛbɛ Fiézan 8:5 ပူးပေါင်းရင်းမြစ်များ

2 Samuɛl 7:14

Maa dan kɛlɛ lɛ a ti nya yé é dan kɛlɛ lɛ an be nya. Dé é wenyané kɛlɛ, maa dan we lɛ dɔ lɛ a gi munu lé plén valé munu lé fɔlɛ nya;

Lɛrɛvɔ Sɛbɛ 89:32

Dé wo anlé weplalenu sɛrɛ, Yé dé wo ’ka anlé bélidɔwe sɔnnénu pa lɛ lo,

Lɛrɛvɔ Sɛbɛ 94:12

Oo Gakelebale, mian i we lɛdɔa a gi, Yé ilé bélidɔwe paa a gi, Léé, é vo drɔɔ we tɔntɔn bɔyi la, Fɔɔ yé wo guru blɛn bo mi nyanénu lee, azé a néné.

Wegɔnévɔlenu 13:24

Mi lé é ’ka élé vlewɔlɛ sian lo, a be za a a gi, naa, mi lé a be sɔ a lɛ, éé kwa kulian a ma léé, ’é drɔ.

Wegɔnévɔlenu 3:11

An be, té i Gakelebale lé i drɔle ye boawe nya lo; té kana é vɔ i gi alé we lɛdɔle i gi ma lo;

Wegɔnévɔlenu 3:12

naa, mian sɔ Gakelebale lɛ éé we lɛdɔa a gi, bélé fɛan zo lé né ti a kɛla élé néwezan lɛ, a zo.

Bale Lé We Gifezan 7:14

I gi ’é nana zinyeyi nya ma, yé dé we tɔntɔnyi bɔ, ’i gi bɔrɔ; Kazambale wo fiénu kɛlɛ, léé, we lé é dan bɔ lɛ blami pa gi, té ’é a gi dɔɔ lo.

Ézai 1:3

Dirigɔné ézan dɔɔ yé sokofalezan éé fɛ no ’é lɛ fɛan gi, é a dɔɔ; Izraɛl ’ka we do kpen dɔɔa lo; ’wuo ’ka anlé munu ta lo.

Ézékiɛl 12:3

Naa, bii blami be, ’ilé tawo kɔné ma’lɛrɛ yé ’i zi sia é yiéyi wo yuɛ va. I a fɛana bɛ, ’i si ’bɛna yé ’i go fɛ bɛna. Naa, dé wo dan a ye lɛ léé, ’wa tɔnégiplɛplɛzannu nyaa?

Ézékiɛl 18:28

Dé é yuɛ fuo yé bélidɔwe sɔnnénu lé é wo sɛrɛ, dé é daan wo sɛrɛle ma, é dan vo lɛ é yuɛma; é ’ka dan ga lɛ lo.

1 Korent munu 11:32

Naa, dé Mizan kaalé we ble, ’té é we lɛdɔ ɛ wo kaa gi, léé, té wo ga dɔ kaa nwiin tɛrɛlamunu nya ékeva lo.

Bélidɔwesɛbɛ Fiézan 1:31

yé bwi gi é ziin, ka a ye léé, Gakelebale kalé Bale ka si bélé mi é élé né sié fɛan zo, a zo, ta faa lé ka wo, a gi fɔɔ yé ka bɔ fɛkona ’ko.

Bélidɔwesɛbɛ Fiézan 4:23

’Ka yuɛ pa kabo va, gipawe lé Gakelebale, kalé Bale a kɛlɛ ka va, té é saan ka gi lo; miyili valé fɛ foto lé Gakelebale, kalé Bale a kɛlɛle yi ga ka lee, té ka wo kɛlɛ lo.

Bélidɔwesɛbɛ Fiézan 4:36

Kazambale a kɛlɛ léé, ka ’é dére ’ma la gi, we paale ka gi we ma; yé é a kɛlɛ léé, ka ’élé kyɛ blɛn ye tɛrɛ la, yé ka ’é dére ’ma wefena kyɛ méléna.

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.

Bélidɔwesɛbɛ Fiézan 8:6

’Ka Gakelebale, kalé Bale sɔnné pa, ’té ka alé zi ta tawoo, ’té ka kanaan a lee.

Wegɔɔnle 3:19

Munu faa lé wo sɔ an lɛ, maa we plaan wo lɛ plɛplɛ yé maa we lɛdɔa wo gi. Amalé i fuu ’é dɔ i ta yé ’i bli nɔla ma.