Bélidɔwesɛbɛ Fiézan 8:2 - Kazambale lé Sebe Sauunu 1979

² Zi faa lé Gakelebale, kalé Bale go ka nya a ta bwi gi, ka lɛɛ yɔ fié lo, a sele ’é dɔ ka gi ma; é a kɛlɛ ka tuale valé ka gidanle we gi, ka bli dɔɔle we ma, dé ka dan ’é sɔnnénu pa lɛɛ? dé ka ’ka dan wo pa lɛ loo? yé é a gi dɔɔ.

Bélidɔwesɛbɛ Fiézan 8:2 ပူးပေါင်းရင်းမြစ်များ

Wepélisiananu 22:1

We ’konu zuo Kazambale Abraam gi dan yé é lé a lɛ léé: Abraam. Yé é léé: Maa lo.

2 Minwiinmunu lé Wezuofe Sɛbɛ 32:31

Naa, duowo, Babilɔn nwiinzannu ’wolé nwunvɔzannu pa a lɛ zia bléyian va, we blɛɛn lé é bɔ alé tɛrɛ la, a gi laale a lee we ma, Bale si a ma a gi danle we ma, yé we faa lé é ke a bli gi, yé ’é a gi dɔɔ.

2 Minwiinmunu lé Wezuofe Sɛbɛ 33:12

Alé kleblele gi é zanté vɔ Gakelebale alé Bale lɛ, yé é ’ébo kɛlɛ kiéné é tranu lé Bale ’lɛ.

2 Minwiinmunu lé Wezuofe Sɛbɛ 33:19

Alé bazorole koo, fɛan zo lé Bale alé bazoro dére ’ma koo, alé wenyanénu koo, alé yuɛ gi blanlenu koo, fɛnu lé é gɔ nwiin yobannanu kɛlɛ wona yé é miyilinu valé yofotonu dɔ ana alé bo kɛlɛle kiéné ’lɛ, wonu koo, ’bɛ a é gyɛle Ozai lé sɛbɛ gi.

Néémi 9:19

Ilé nyanai zénle blɛn gi, i ’ka sɔn vɔ lɛ wo ma bwi gi lo, yé lati pɔrɔlɔ ’ka daan lɛ zi gɔɔnle ma wo lɛ é yiéyi lo. Yé kyɛsan pɔrɔlɔ lé, éé wolé tawo zi ta kinié é béli, é ’ka si lɛ wo ’lɛ lo.

JOB (Job) 33:17

Blami sile wenaané zuo, Yé alé boblɛn yi ’é ga we ma;

Lɛrɛvɔ Sɛbɛ 103:2

An boen, ’i Gakelebale drɔɔ vo, Yé we zinnu lé é a kɛlɛ i lɛ, té i gi é san a do kpen ma lo.

Lɛrɛvɔ Sɛbɛ 106:7

Bléyian va lé ko tranu ke Éjipiti tɛrɛ la, wo ’ka ilé gyɛzorowenu gi ’ma lɛ lo, Ilé zin kiɛre sele ’ka dɔ lɛ wo gi lo, Naa, wo nwa i ma Wɛyi sɔnɔ, Wɛyi Sɔɔn sɔnɔ.

Lɛrɛvɔ Sɛbɛ 136:16

Bale lé é kɛlɛ élé munu zilɛzan nya bwi gi, Naa, a nyanai éé zén‐é yifaama.

Lɛrɛvɔ Sɛbɛ 77:11

Maa léé: We lé é ’naan an ma, yee lé ke léé, Loruzan bɛyi ’ka bélé é vinin zo lo.

Lɛrɛvɔ Sɛbɛ 81:7

An kɔné si ka bɛapa ta, Yé ka bɛ daan kyɛɛ kɔné sile ma.

Fwile 15:25

Moizi siaa Gakelebale lɛ; yé Gakelebale yili do gɔɔn a lɛ yé é a vɔ ’yi va. Yé ’yi kɛlɛ néné. ’Bɛna lé Gakelebale ’é sɔnné valé élé bélidɔwenu nɔ munu lɛ, yé ’bɛna lé é wo gi dan.

Fwile 16:35

Izraɛl lé nénu mana ble lɛɛ yɔ fié, fɔɔ yé wo bɔ tɛrɛ lé munu nyanaan a ta, ana; wo mana ble fɔɔ yé wo bɔ Kanaan tɛrɛ glɛ la.

Fwile 16:4

Gakelebale lé Moizi lɛ léé: Bé ye, maa dan kalé buru si lɛ la gi, ’té éé dan bélé lɛɛ zo. Munu é dan bɔra lɛ yé wo dan a sia lɛ yi do do ma, wo mawe a a gi fɛan zo, a zo, anlé wo gi danle we ma, yé dé wo dan tawo lɛ an dére taa? dé wo ’ka dan tawo lɛ a ta loo? yé maa ’bɛ gi dɔɔ.

Fwile 20:20

Moizi lé munu lɛ léé: Té ka kana lo; ka gi danle koo, kanale Bale lee kɛlɛle ka gi yé ka ’ka wenyané kɛla lo koo, ’bɛ lé we ma lé Kazambale da.

Wegɔnévɔlenu 17:3

Fɛselebɔ a gɔɔlifu zé nya, yé bɔɔnwoli ’léé a kyan zé nya, naa, mi lé éé mi blinu gi daan, Gakelebale lé.

Ézai 2:17

Boblɛnzan é dan kɛlɛ lɛ kiéné yé mi gini é yuɛzuozan ta é dan zana lɛ. ’Bɛ yi la Gakelebale do kpen ɛ dan kɛlɛ lɛ blɛn.

Jérémi 2:6

Maa Gakelebale lé an wo si Éjipiti tɛrɛ la, wo ’ka an ta laan boenwo lo; An go wo nya bwi gi, Tɛrɛ lé fɛ do ’ka ana lo, ’té guru saa ke ana, Tɛrɛ lé ’yi ’ka a gi lo, ’té ga ke ana bɛ, Tɛrɛ lé mi do kpen ’ka giéan ana lo Yé mi do kpen ’ka nyanaan ana lo, an da wo nya ana ’naan, Yé wo ’ka an ta laan loo?

Ézékiɛl 20:19

Maa lé ke Gakelebale, kalé Bale nya. ’Ka tawo anlé weplalenu yɛrama; ’ka an déretawenu kɛlɛ, yé ’ka wo ta tawo.

Amɔs 2:10

Yé é ziin, maa ka si Éjipiti tɛrɛ la, yé an go ka nya bwi gi lɛɛ yɔ fié, Amorénu lé tɛrɛ nɔle ka lɛ we ma.

Mi Nɔnɔle 14:33

yé kalé nénu é dan ’wolé trubɛnu tabin lɛ bwi la lɛɛ yɔ fié wuo, yé ’é dan kalé yuɛgiblanlenu dɔ lɛ wo nwiin fɔɔ yé ka faa galenu ’é dia bwi gi.

WENÉNÉ LÉ LUK A GYE (Évangile selon Luc) 18:14

Maa lé ka lɛ léé, mi ’ko go élé kɔn ’léé mi tegele nya, é mini é bɔluzan ta. Naa, dé mian ébo nwaan blɛn wo dan a tua lɛ, yé mi lé ébo tuaan wo dan a nwa lɛ blɛn.

Bélidɔwesɛbɛ Fiézan 1:3

Wolé tawo lɛɛ yɔ fiézan gi, ’bɛlé moné vu ta dozan lé yi vininzan nya, Moizi we fe Izraɛl lé nénu lɛ. We faa lé Gakelebale a pa a ’léé, léé, ’é a fe, é a fe wo lɛ.

Bélidɔwesɛbɛ Fiézan 1:33

kalé Bale lé éé goo ka ’lɛ yifaama ka nyanana nagini lɛ, ’té é a ka ’lɛ é béli kyɛ gi, ’té éé zi gɔɔn‐an ka lɛ, ’té é a ka ’lɛ é yiéyi lati gi, ka bli ’ka pa lɛ ’bɛ lɛ lo.

Bélidɔwesɛbɛ Fiézan 13:3

té ka tɔné dɔ balelayezan ’ko valé nyɛgyɛzan ’ko dére lɛ lo; naa, Gakelebale, kalé Bale a ka gi danna, dé ka Gakelebale, kalé Bale lɔrɔ paan ka bli faa valé kaboen faa nyaa? a gi dɔɔle we gi.

Bélidɔwesɛbɛ Fiézan 2:7

Naa, Gakelebale, kalé Bale, é kalé nyanama faa drɔɔ vo; ta lé ka a wo bwi blɛn ta ’ko, é a gi dɔɔ. Ka lɛɛ yɔ fié lo, ’té yee Gakelebale, kalé Bale a ka va; fɛ do kpen ’ka vuru lɛ ka ma lo.

Bélidɔwesɛbɛ Fiézan 29:5

An tawo ka nya bwi gi lɛɛ yɔ fié gi; kalé sɔ ’ka fwi lɛ ka ta lo yé kalé sawala ’ka sɛrɛ lɛ ka gane ma lo;

Bélidɔwesɛbɛ Fiézan 32:7

Bléyi kyɛn sele ’é dɔ ka gi ma, ’Ka lɛɛ kyɛnnu giwenu zuo fe é ke zuo é ke zuo, ’I we laa i ti lee yé é dan we paa lɛ i gi, ’I we laa mi kwanu lee yé wo dan a fe lɛ i lɛ.

Bélidɔwesɛbɛ Fiézan 7:18

Té ka kana lo. We lé Gakelebale, kalé Bale a kɛlɛ Faraɔn valé Éjipiti munu faa lɛ, a sele ’é dɔ ka gi ma.

Bélidɔwesɛbɛ Fiézan 8:16

mana lé ka tranu ’ka a dɔɔ lɛ lo, é a nɔ ka lɛ blefɛ nya bwi ’ko la, ka tuale valé ka gidanle we gi, yé ’bɛ zuo é wezin kɛlɛ ka lɛ; Gakelebale lé é ’bɛ wenu faa kɛlɛ, té ka gi é san a ma lo.

SEBE LÉ JAK A GYE (Épitre de Jacques) 1:3

Ka gi dɔɔ léé, kalé blipale gidanle é dan ka bli kɛlɛ lɛ tiéé, azama.

SEBE LÉ JAK A GYE (Épitre de Jacques) 4:10

’Kabo kɛlɛ kiéné Mizambale ’lɛ, yé é dan ka kɛlɛ lɛ blɛn.

SEBE LÉ JAK A GYE (Épitre de Jacques) 4:6

Naa, Kazambale éé zin taa kɛla kaa lɛ, bɛwemalé Kazambale lé sɛbɛ léé: Kazambale éé dɔa boblɛnmunu ma plɛplɛ; Naa, éé zin kɛla bokiénémunu lɛ.

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.

Wegɔɔnle 2:23

Maa dan alé nénu gyɛ lɛ; yé léglizinu faa é dan a gi dɔɔ lɛ léé, maa ɛ munu bli valé wo gibɔrɔle naginian, yé maa dan ka faa do do banwo lɛ ka kɛlɛwenu yɛrama.

Weblezannu 2:22

’Ko zo lé maa dan Izraɛl gi dan lɛ wo nya, dé wo dan yuɛ pa lɛ wobozen ta tawole Gakelebale lé zi ta we ma, fɛan zo lé wo tranu a kɛlɛ, a zo, taa, dé wo ’ka dan a kɛlɛ lɛ loo? yé maa ye.

Weblezannu 3:4

Wo Izraɛl gi dan bɛn ’konu nya, we lé Gakelebale wo tinu bélidɔ a nya Moizi lɔlu nya, dé wa lɛdɔa a maa? yé é a gi dɔɔ.