Bélidɔwesɛbɛ Fiézan 8:16 - Kazambale lé Sebe Sauunu 1979

¹⁶ mana lé ka tranu ’ka a dɔɔ lɛ lo, é a nɔ ka lɛ blefɛ nya bwi ’ko la, ka tuale valé ka gidanle we gi, yé ’bɛ zuo é wezin kɛlɛ ka lɛ; Gakelebale lé é ’bɛ wenu faa kɛlɛ, té ka gi é san a ma lo.

Bélidɔwesɛbɛ Fiézan 8:16 ပူးပေါင်းရင်းမြစ်များ

Wepélisiananu 22:1

We ’konu zuo Kazambale Abraam gi dan yé é lé a lɛ léé: Abraam. Yé é léé: Maa lo.

2 Minwiinmunu lé Wezuofe Sɛbɛ 32:31

Naa, duowo, Babilɔn nwiinzannu ’wolé nwunvɔzannu pa a lɛ zia bléyian va, we blɛɛn lé é bɔ alé tɛrɛ la, a gi laale a lee we ma, Bale si a ma a gi danle we ma, yé we faa lé é ke a bli gi, yé ’é a gi dɔɔ.

JOB (Job) 42:12

Job lɛɛ voélanu gi, Gakelebale a drɔɔ vo é mini a lɛɛ vininnu zé ta. Alé ’blanu kɛlɛ baa sɔrafié, alé nyɔgɔmé kɛlɛ baa yaa, alé dirigɔnénu kɛlɛ baa do, yé alé sokofaledanu kɛlɛ wuru soru.

Lɛrɛvɔ Sɛbɛ 119:68

Bii a é zin, yé i wezin kɛla, ’I déretawenu paa an gi.

Fwile 15:25

Moizi siaa Gakelebale lɛ; yé Gakelebale yili do gɔɔn a lɛ yé é a vɔ ’yi va. Yé ’yi kɛlɛ néné. ’Bɛna lé Gakelebale ’é sɔnné valé élé bélidɔwenu nɔ munu lɛ, yé ’bɛna lé é wo gi dan.

Fwile 16:15

Izraɛl lé nénu a nagini yé wo lé ’wo ke lɛ léé: Mɛ fɛ léé? naa, wo ’ka a dɔɔ lɛ lo. Moizi lé wo lɛ léé: Buru lé Gakelebale a nɔ ka lɛ kalé fɛblele nya, yee lé.

Fwile 16:31

Izraɛl lé munu tɔ pa fɛblele ’ko ma mana. É a bélé koriandra wɔlɛ zo; é a fu yé a néné a bélé gato lé wa kɛlɛ zɔrɔnyɔnɔ nya, a zo.

Fwile 16:4

Gakelebale lé Moizi lɛ léé: Bé ye, maa dan kalé buru si lɛ la gi, ’té éé dan bélé lɛɛ zo. Munu é dan bɔra lɛ yé wo dan a sia lɛ yi do do ma, wo mawe a a gi fɛan zo, a zo, anlé wo gi danle we ma, yé dé wo dan tawo lɛ an dére taa? dé wo ’ka dan tawo lɛ a ta loo? yé maa ’bɛ gi dɔɔ.

Fwile 20:20

Moizi lé munu lɛ léé: Té ka kana lo; ka gi danle koo, kanale Bale lee kɛlɛle ka gi yé ka ’ka wenyané kɛla lo koo, ’bɛ lé we ma lé Kazambale da.

Wegɔnévɔlenu 17:3

Fɛselebɔ a gɔɔlifu zé nya, yé bɔɔnwoli ’léé a kyan zé nya, naa, mi lé éé mi blinu gi daan, Gakelebale lé.

Daniɛl 11:35

Wedɔɔmunu va mi kenu é dan dia lɛ léé, wo kɛlɛ wéiin, wo kɛlɛ sauun, yé wo gi é bɔ fɔɔ yé bléyi voélazan é bɔ, naa, é ’ka dan bɔ lɛ lo, fɔɔ bléyi lé Bale a dɔ, ’té é bɔ é wo.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

2 Korɛnt Munu 4:17

Kolé klenu ’ka we do nya lo yé wo dan nyaa lɛ laoɛ. Wo ma tɔnɔ é dan kɛlɛ lɛ fuasan lé ke fɛ boen nya, ’té a glɛ ’ka lo, a nya. É gié mi lé gi bɔrɔle faa ta.

Bélidɔwesɛbɛ Fiézan 13:3

té ka tɔné dɔ balelayezan ’ko valé nyɛgyɛzan ’ko dére lɛ lo; naa, Gakelebale, kalé Bale a ka gi danna, dé ka Gakelebale, kalé Bale lɔrɔ paan ka bli faa valé kaboen faa nyaa? a gi dɔɔle we gi.

Bélidɔwesɛbɛ Fiézan 8:2

Zi faa lé Gakelebale, kalé Bale go ka nya a ta bwi gi, ka lɛɛ yɔ fié lo, a sele ’é dɔ ka gi ma; é a kɛlɛ ka tuale valé ka gidanle we gi, ka bli dɔɔle we ma, dé ka dan ’é sɔnnénu pa lɛɛ? dé ka ’ka dan wo pa lɛ loo? yé é a gi dɔɔ.

Bélidɔwesɛbɛ Fiézan 8:3

É ka tua, é ka gyɛ lɔrɔ nya, yé mana lé ka ’ka a dɔɔ lɛ lo, yé ka tranu ’ka a dɔɔ lɛ é kyɛn lo, é a nɔ ka lɛ blefɛ nya; é fɛ ’ko nɔ ka lɛ kalé a gi dɔɔle we gi léé, mi ’ka voo é yuɛma fɛblele saa nya lo, naa, mi éé voo é yuɛma dére faa lé woo sié Gakelebale ’léé, wo ɛ nya.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

1 Piɛri 1:7

Kalé blipale gidanle é dan nɔla lɛ ka ma ka tɔ zin fele koo, kalé fua koo, ka tɔbɔle koo, wo nya, Jézu Krist bɔrayi nya munu yuɛ va, amalé Bale éé ka gi daan.