Bélidɔwesɛbɛ Fiézan 8:14 - Kazambale lé Sebe Sauunu 1979

¹⁴ ’ka yuɛ pa kabozen va, té ka kabo kɛlɛ blɛn lo; Gakelebale, kalé Bale lé é ka si luu gi yé é ka si Éjipiti tɛrɛ la, té ka gi é san a ma lo.

Bélidɔwesɛbɛ Fiézan 8:14 ပူးပေါင်းရင်းမြစ်များ

2 Minwiinzannu 14:10

I Édom munu kele aan wo bɛ, amalé i ibo kɛlɛ blɛn ibo zevɔle nyaa? Sin, i gi ’é nana i tɔ gi yé ’i vo i va. Boawe lé é dan bii valé Juda munu sɛrɛ lɛ ’naan, mɛmalé i kun ’bɛ kɛlɛle maa?

2 Minwiinzannu 17:38

Gipawe lé maa kɛlɛ ka va, té ka gi é san a ma lo, yé té ka kana bale bɛnu lee lo.

2 Minwiinmunu lé Wezuofe Sɛbɛ 26:16

Naa, dé é dɔ plɛplɛ, a bli a saan. É wenyané kɛlɛ Gakelebale élé Bale ma. É wɔra Gakelebale bangikɔn gi lasikɔrɔ kyɛblele we ma lasikɔrɔ kyɛblena.

2 Minwiinmunu lé Wezuofe Sɛbɛ 32:25

Naa, Ézékia bli nwa boblɛn nya, yé é ’ka Gakelebale bɔvɔ lɛ we zin lé Gakelebale a kɛlɛ a lɛ, alé we ma lo. Gakelebale bli fli a ma, yee valé Juda valé Jérusalɛm ma.

Lɛrɛvɔ Sɛbɛ 106:21

Wo Siéwegizan Bale lé É we blɛnnu kɛlɛ Éjipiti tɛrɛ la,

Lɛrɛvɔ Sɛbɛ 78:7

Léé, ’wo pa Bale ta, Léé, té wo gi é san Bale panyanamanu ma lo, Yé ’wo alé bélidɔwe sɔnnénu pa,

Fwile 13:3

Moizi lé munu lɛ léé: Yi ’ko nya lé ka si luu gi Éjipiti tɛrɛ la, a sele ’é dɔ ka gi ma; Gakelebale bɛ plɛplɛ nya lé é ka si ana. Buru lé lévɛn ke a va, té ka a ble ’bɛ yi ’ko nya lo.

Jérémi 2:31

Bléyi ’ko va munu, ’ka bɔn‐in bɔrɔ Gakelebale dére ma. Maa kɛlɛ bélé nyéné saa lé fɛna zo Izraɛlnu lɛɛ? Maa kɛlɛ bélé tɛrɛ lé gunuti tiritiri ke é sɔɔlale a ta, a zoo? Mɛmalé anlé munu a fena léé: Ko a kobo ma, ko ’ka a va léé, ko nɔla i va é ziin loo?

Jérémi 2:6

Maa Gakelebale lé an wo si Éjipiti tɛrɛ la, wo ’ka an ta laan boenwo lo; An go wo nya bwi gi, Tɛrɛ lé fɛ do ’ka ana lo, ’té guru saa ke ana, Tɛrɛ lé ’yi ’ka a gi lo, ’té ga ke ana bɛ, Tɛrɛ lé mi do kpen ’ka giéan ana lo Yé mi do kpen ’ka nyanaan ana lo, an da wo nya ana ’naan, Yé wo ’ka an ta laan loo?

Jérémi 23:27

É dɔ wo gi léé, ’wo an tɔ saan anlé munu gi, nyɛnu lé wa gi fé wo bɔlunu lɛ bɛ, wo nya, bélé fɛan zo lé wo tranu gi san an tɔ ma Baal lé we ma, a zo.

Daniɛl 11:12

Mi gu blɛn ’ko a boblɛnzannu nya, yé wo nwiinzan blɛn é dan blii lɛ boblɛn nya. É dan mi wuru é wuru gyɛ lɛ, naa, guliwuo ’ka dan vo lɛ a lɛ lo.

OZÉ (Osée) 13:6

Wo kan wo blefɛ nya; wo kan yé wo blii boblɛn nya, bɛwemalé an sele saan wo gi.

Mi Nɔnɔle 15:39

Dé varɔ lɛi vwizan ’ko a ka ta, ’ka a nagini, yé maa, Gakelebale lé bélidɔwe sɔnnénu faa sele ’é dɔ ka gi ma, ’té ka wo ta tawo, yé ’té ka ’ka go kalé blibɔmawenu valé yuɛbɔmawenu zuo lo, dé wo da ka sia ana yé ka yuɛ gi é blan anlé we ma.

Bélidɔwesɛbɛ Fiézan 13:6

Dé i bu lé négɔné léé, dé i be léé, dé i lu léé, i na lé ka yiaan a nya saa do la, dé ’bɛ léé, i béé lé é sɔ i lɛ bélé ibozen zo, dé ’bɛ léé, dé wo va mi do da kyeen gi yé é lé i lɛ léé, kaa go, kaa bale bɛ bɔ, dé é a bale lé bii valé i tinu ’ka a dɔɔa é kyɛn lo, a nya,

Bélidɔwesɛbɛ Fiézan 17:20

’Bɛ zo lé é ’ka dan ébo kɛlɛ lɛ blɛn é bwenu ma lo, yé é ’ka dan si lɛ bélidɔwe ’konu va yé é nɔla, dé a bɛyilazia léé, dé a bɛbolazia léé, ana lo, yé é dan mɔn lɛ élé plale mi nwiin zi, yé yee valé élé nénu é dan mɔn lɛ Izraɛl.

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.

Bélidɔwesɛbɛ Fiézan 5:6

’Yee ɛ ke Gakelebale, kalé Bale lé é ka si luu gi Éjipiti tɛrɛ la, a nya.

Bélidɔwesɛbɛ Fiézan 6:11

kɔnnu lé wo ke é fanle fɛ zin gɔnɔ faa lé ka ’ka wo téé lɛ lo, wo nya, wo dan kɛlɛ lɛ kazé nya; ’yiguru lé ka ’ka wo bo lɛ lo koo, dɔrɔféinu lé ka ’ka wo pa lɛ lo koo, ɔliviyilinu lé ka ’ka wo suru lɛ lo koo, wo dan kɛlɛ lɛ kazé nya.

Bélidɔwesɛbɛ Fiézan 8:11

’Ka yuɛ pa kabozen va, té ka gi é san Gakelebale, kalé Bale ma lo, yé a sɔnnénu valé ka gɔnɔlawenu valé alé bélidɔwenu lé maa wo gɔɔn ka lɛ kyɔ yé ka ’ka wo ta tawo lo lo.

Bélidɔwesɛbɛ Fiézan 8:13

dé ka ye léé, kalé dirinu valé kalé trubɛnu kɛlɛ kiɛre, dé ka ye léé, kalé gɔɔlifu valé kalé kyan kɛlɛ di, dé ka ye léé, kalé fɛ faa yele ’lɛ a sina,

Weblezannu 3:7

We lé é ’ka sɔ lɛ Gakelebale lɛ lo, Izraɛl lé nénu a kɛlɛ; wo gi san Gakelebale ma, yé wo Baalnu valé miyilinu bɔ.