Bélidɔwesɛbɛ Fiézan 7:9 - Kazambale lé Sebe Sauunu 1979

⁹ Amalé, ka gi dɔɔ léé, Gakelebale, kalé Bale ɛ ke Bale nya; yarapawela Bale ’ko, munu lé é sɔ wo lɛ, ’té wo alé bélidɔwenu kɛla, éé dɔa élé gipawe ta, yé a nyanai éé zén‐é wo ta fɔɔ yé é bɔ wo kulu wuru soruzan ma.

Bélidɔwesɛbɛ Fiézan 7:9 ပူးပေါင်းရင်းမြစ်များ

Wepélisiananu 17:7

Maa dan an gi pa lɛ do i va, yé maa dan an gi pa lɛ do ilé nénu lé wo dan kɛlɛ lɛ i zuo, wo va, wo kulu é kulu nya; ko gipawe ’ka dan sɛrɛ lɛ monomono lo, amalé an dan kɛlɛ lɛ ilé Bale nya yé maa dan kɛlɛ lɛ ilé nénu lé Bale nya i zuo.

Wepélisiananu 28:15

Maa a i va ma, yé fɛ faa lé i dan go lɛ ana, maa dan an yuɛ pa lɛ i va yé ma dan da lɛ i nya é ziin tɛrɛ ’ko la; maa ’ka dan i vo lɛ pelo, ’té we faa lé maa a fe i lɛ bɛ, ’té maa a lɛ sɔɔ é wo.

Wepélisiananu 9:15

Yé a sele é dan dɔ lɛ an gi léé, maa gi pa do ka valé fɛ yuɛmale gɔnɔ faa nya; yé lɛɛ blɛnblɛn ’ka dan da lɛ é dɛrɛ yé é fɛ faa sɛrɛ lo.

1 Minwiinzannu 8:23

yé é léma: Oo Gakelebale, Izraɛl lé Bale, dé é a lagi nyaoo, dé é a tɛrɛ la nyaoo, i danmabale ’ka wona lo. I wuozannu lé woo tawoo i ’lɛ wo bli faa nya, i gipawe lɛ sɔɔan wo lɛ yé i nyanai éé zén‐é wo ta.

Minwiinzannu lé Wezuofe Sɛbɛ 16:15

Alé gipawe sele éé dɔa a gi yifaama, Alé blivolɛdérenu lé é wo fe mikulu wuru soru zé nya, a sele a a gi.

2 Minwiinmunu lé Wezuofe Sɛbɛ 6:14

Yé é léma: Oo Gakelebale, Izraɛl lé Bale, dé é a lagi nyaoo, dé é a tɛrɛ la nyaoo, i danmabale ’ka wona lo. I wuozannu lé woo tawoo i ’lɛ ’wo bli faa nya, i gipawe lɛ sɔɔan wo lɛ yé i nyanai éé zén‐é wo ta.

Néémi 1:5

yé maa léé: Gakelebale, lanu lé Bale, Bale blɛn, kana a lee Bale, bii lé ilé gipawe lɛsɔɔan, yé munu lé i sɔ wo lɛ, ’té woo ilé bélidɔwe ta tawoo, i nyanai éé zén‐é wo ta,

Néémi 9:32

Yé sin, kolé Bale, Bale blɛn, Bale plɛplɛ, kana lee Bale, bii lé i ilé gipawe lɛ sɔɔan yé i nyanai éé zén‐é, ko koo, ko nwiinzan blɛnnu koo, kolé Balebanmunu koo, kolé balelayezannu koo, ko tranu koo, ilé munu faa koo, nyané faa lé ko faa a ble, é sia Asiri nwiinzan blɛnnu bléyi va fɔɔ yé é bɔ kyɔ yi ’ko ma, té bé ye we kiéné nya lo.

Lɛrɛvɔ Sɛbɛ 103:18

Munu lé woo alé gipawe kɛla, Yé alé bélidɔwe sele éé dɔa wo gi, ’té wa lɛ sɔɔan, woo lé.

Lɛrɛvɔ Sɛbɛ 105:8

Alé gipawe sele éé dɔa a gi yifaama, Alé blivolɛdérenu lé é wo fe mi kulu wuru soru zé nya, a sele a a gi.

Lɛrɛvɔ Sɛbɛ 119:75

Oo Gakelebale, maa a gi dɔɔ léé, ilé weblelenu a tegele. I yara pale we ta ma lé i an tua.

Lɛrɛvɔ Sɛbɛ 146:6

Yee ɛ la valé tɛrɛ kɛlɛ, Wɛyi valé é vafɛnu faa koo, yee ɛ wo kɛlɛ. Éé yara paan we la yifaama.

Lɛrɛvɔ Sɛbɛ 36:6

Gakelebale, ilé zin bɔ fɔɔ la gi, I yarapale we la éé goo fɔɔ la ma.

Fwile 20:6

yé munu lé an sɔ wo lɛ, ’té woo anlé bélidɔwenu kɛla, an nyanai éé zén‐é wo ta fɔɔ wo kulu wuru soru nya.

Ézai 49:7

Mi lé woo serele boo a ma, ’té munu a yé naaninvɔmafɛ nya, ’Té é ke mi plɛplɛnu lé luu nya bɛ, Mitabozan Gakelebale, Izraɛl lé Mi Sauun lé a lɛ léma: Munu nwiinzannu é dan i ye lɛ yé wo dan dɔ lɛ loru, Mi segelenu é dan i ye lɛ yé wo dan dia lɛ wo bli la i ’lɛ, Gakelebale lé é ke yarapawelazan nya, Izraɛl lé Mi Sauun lé é i si a va, alé we ma.

Jérémi 32:18

I nyanai éé zén‐é fɔɔ mi kulu wuru é wuru ta, yé weplenu lé né tinu a kɛlɛ, bé ma we lɛdɔa wolé nénu gi. Bii ɛ ke Bale blɛn lé é ke plɛplɛ, a nya, ’té a tɔ ke lai sunyanu lé Gakelebale bɛ, a nya.

Jérémi Lé Wuvɔ Sɛbɛ 3:23

Woo bɔraan bladi faa do do ma we dɛrɛ nya, I yara pale we la glɛ ’ka lo.

Daniɛl 9:4

An bazoro Gakelebale anlé Bale lɛ, yé an wenyané ’ko fe a lɛ léé: Mizan, Bale blɛn lé éé kana zén‐é mi gi, biian i dɔa ilé gipawe ta, yé munu lé i sɔ wo lɛ yé woo ilé bélidɔwe sɔnnénu paan, i nyanai ’é zén ko ta.

Mi Nɔnɔle 14:18

’yee Gakelebale bli ’ka flian é kele lo, ’é bli a é fanle zin nya; ’é weplekɛlɛzannu valé nwamimazannu ma we voo; ’é ’ka wegyɛzan voo é pla lo, naa, weple lé munu a kɛlɛ, ’é a dɔa wo néné valé wo nénézinénénu nwiin.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

1 Korent munu 1:9

Kazambale ɛ ka laa léé, ’ka nana é Be Kaazan Jézu Krist va, yé Kazambale a yarapawelazan nya.

1 Korent munu 10:3

Balenɔfɛ lé wo faa a ble,

1 Korent munu 8:3

Naa, dé Kazambale sɔ mian lɛ, Kazambale ’bɛzan dɔɔ.

2 Korɛnt Munu 1:18

Kazambale a yarapawelazan nya, é ’ka ’bɛ zo lo. We lé ko a fe ka lɛ, é ’ka é vɔɔle iin valé gba nya lo.

Bélidɔwesɛbɛ Fiézan 32:39

Amalé, ka gi dɔɔ léé, maa ɛ ke Bale nya, Yé bale bɛ ’ka lo; Maa ɛ mi voo é yuɛma, yé maa ɛ mi gya, Maa ɛ mi tuoan, yé maa ɛ mi bélié, Yé mi do kpen ’ka bɔa mi sile lɛ an lee lo.

Bélidɔwesɛbɛ Fiézan 32:4

É a bélé gɔlɛ zo; gun ’ka a kɛlɛwenu ma lo, Alé tawobɛ faa a tegele, azama; É a Bale lé éé yara paan we la, ’té weple ’ka a gi lo, a nya. É a tegele, é a é drɔle.

Bélidɔwesɛbɛ Fiézan 4:35

Ka a we ’konu faa nayezannu nya, kalé a gi dɔɔle we gi léé, Gakelebale a Bale nya, yé bale bɛ ’ka lo.

Bélidɔwesɛbɛ Fiézan 4:39

Amalé, kyɔ ka gi dɔɔ ma, yé ’é vo ka bli gi léé, Gakelebale a Bale nya ma; é a Bale nya la gi yé é a Bale nya tɛrɛ la, bale bɛ ’ka lo.

Bélidɔwesɛbɛ Fiézan 5:10

yé munu lé Bale éé sɔa wo lɛ, ’té woo alé bélidɔwenu kɛla, a nyanai éé zén‐é wo ta fɔɔ yé é bɔ wo kulu wuru soruzan ma.

1 Tɛsalɔnik munu 5:24

Mi lé é ka laa, é a yarapawelazan nya, yee ɛ dan a kɛlɛ lɛ.

2 Tɛsalɔnik munu 3:3

Mizambale a yarapawelazan nya, é dan ka dɔ lɛ gligli, yé é dan ka ta kuun lɛ Satan lee.

2 Timoté 2:13

Dé ko yuɛgi blan a ma, a yuɛgi ’ka blaan ko ma lo, naa, é ’ka bɔaléé, é sɔn vɔ ébozen ma lo, azama.

Tite 1:2

We ’konu ma lé mi bli a vole é yuɛmale lé a glɛ ’ka lo, a yele lɛ. Bléyian va lé tɛrɛ ’ka tan bɔra lɛ lo, Kazambale lé é ’ka viéwoo monomono lo, é léé, é dan vole é yuɛma nɔ lɛ munu lɛ.

Ébrunu 10:23

Naa, mian é blivolɛdére ’ko fe, azan a yarapawelazan nya, bɛwemalé we lé kaa fe léé, kaa bli a a lɛ, kaa kun a ma kaa bɛ fié nya ma.

Ébrunu 11:11

Mi lé é blivolɛdére fe, Sara é bli vo alé yara pale we la lɛ, amalé Sara bozen kɛlɛ é kwaoo, alé né bɔ kɛlɛle lɛ duowo alé blipale ma.

Ébrunu 6:18

Yé we fié ’ko lé wo ’ka nɔlaan monomono lo, ’té Kazambale ’ka bɔaléé, é viéwo wo gi lo, woo plɛplɛ no kaa lɛ. Kaa lé, kaa kaa yɔɔna ye, we fié ’ko, woo plɛplɛ no kaa lɛ, yé yee yɔɔna lé é ke blivolɛdére lé Bale a fe kaa lɛ, a nya.

SEBE LÉ JAK A GYE (Épitre de Jacques) 1:12

Mian éé dɔa é gidanwenu wuo bli tiéé nya, azé a néné. Naa, a gi danle zuo, wo dan vole é yuɛma nɔ lɛ a lɛ bélé tɔkoro zo; tɔkoro lé Mizan a ma blivolɛdére fe munu lé, Mizan sɔ wo lɛ, wo lɛ bɛ, wo dan a nɔ lɛ a lɛ.

1 Jan 1:9

Dé kaa kaalé wenyanénu fe, Bale a yarapawelazan nya yé é a tegele yé é kaa ma we voo yé éé weple faa sié kaa lee, yé é kaa kɛla tata.

Weblezannu 2:1

Gakelebale lé lanje do si Gilgal yé é go loru zia Bokim yé é léma: Maa ka si Éjipiti tɛrɛ la yé maa da ka nya, tɛrɛ lé anbo ’nyɔɔn ka tranu lɛ léé, maa dan a nɔ lɛ wo lɛ, a ta. Maa léé, maa ’ka dan anlé gipawe sɛrɛ lɛ ka va monomono lo;

Weblezannu 5:31

Oo Gakelebale, ’ko zo lé i nyanézannu faa ’é zamaga wo ma. Munu lé woo i lɔrɔ paan, wa bélé yiri zo, ’Té dé é bi élé plɛplɛ faa nya. Tɛrɛ vo drɔɔ lɛɛ yɔ fié wuo.