Bélidɔwesɛbɛ Fiézan 7:8 - Kazambale lé Sebe Sauunu 1979

⁸ Naa, ka sɔ Gakelebale lɛ é wo, yé é sɔ a lɛ léé, ébo ’nyɔɔn ka tranu lɛ fɛan zo, ’é ’bɛ lɛ sɔɔ, bɛwemalé Gakelebale ka si luu gi, é ka si Éjipitimunu nwiinzan Faraɔn lee yé é ka si ana é bɛ plɛplɛ nya.

Bélidɔwesɛbɛ Fiézan 7:8 ပူးပေါင်းရင်းမြစ်များ

Wepélisiananu 19:16

É a mɔnna aan wo, ’bɛnu kun a bɛ ma, yee koo, a na koo, a lu fié koo, wo wo kun wo bɛ ma; é sɔ Gakelebale lɛ léé, wo vo é yuɛma, azama; wo go wo nya, yé wo si fla aan wo, wo daan wo ma.

Wepélisiananu 19:29

Dé Kazambale fɛna pɛblɛɛ flanu sɛrɛ Abraam sele dɔ a gi; yé dunuzén?-?milawe lé é bɔ Lɔt nyanala flanu ma yé é wo guru zana a gi bɛ, é Lɔt si ’bɛ we ’konu gi.

2 Samuɛl 22:20

É an vo anboma é zima, An sɔ a lɛ, amalé é an si we gi.

1 Minwiinzannu 10:9

Gakelebale ilé Bale lé é we zin kɛlɛ i lɛ i nyanale Izraɛl lé webleblin ta nya, a drɔɔ ’é vo ma! Izraɛl sɔ Gakelebale lɛ lɛɛfaama, bɛwemalé é i dɔ minwiinzan nya we drɔle valé we tegele kɛlɛle we gi.

Minwiinzannu lé Wezuofe Sɛbɛ 16:16

Gipawe lé é a kɛlɛ Abraam va, Yee valé balekundére lé é a fe Izak lɛ, wo sele a a gi.

2 Minwiinmunu lé Wezuofe Sɛbɛ 9:8

Gakelebale ilé Bale lé é zin kɛlɛ i lɛ léé, i nyana élé webleblin ta, léé, i pla munu nwiin Gakelebale, ilé Bale tɔ gi, ’wa drɔɔ vo ma. Izraɛl sɔ ilé Bale lɛ, yé é sɔ a lɛ léé, Izraɛl ’é vo ana lɛɛfaama, amalé é i dɔ wo nwiinzan blɛn nya we drɔle valé we tegele kɛlɛle we gi.

Lɛrɛvɔ Sɛbɛ 105:42

Naa, a dére ’lɛzan sele dɔ a gi, Yé a wuozan Abraam sele dɔ a gi.

Lɛrɛvɔ Sɛbɛ 44:3

I bɛ nya lé i bɛnnu bin ko tranu vole wo pa gi we ma. I nyané pa migɔnɔnu ta ko tranu sɔɔlale wo pa gi we ma.

Lɛrɛvɔ Sɛbɛ 44:4

Naa, wo ’ka tɛrɛ ’ko ye lɛ wolé gwɔun nya lo, Wo bɛ ’ka wo si lɛ we gi lo, Naa, i bɛyi ɛ wo si we gi, yee valé i yara san nya; Wo sɔ i lɛ, azama.

Fwile 13:14

Yé dé i be a laa i lee yi do nya léé, ’bɛ gi lé nɔɔ? i dan a fe lɛ a lɛ léé: Gakelebale ko fwi Éjipiti tɛrɛ la, é ko si luu gi é bɛ plɛplɛ nya;

Fwile 13:3

Moizi lé munu lɛ léé: Yi ’ko nya lé ka si luu gi Éjipiti tɛrɛ la, a sele ’é dɔ ka gi ma; Gakelebale bɛ plɛplɛ nya lé é ka si ana. Buru lé lévɛn ke a va, té ka a ble ’bɛ yi ’ko nya lo.

Fwile 20:2

Gakelebale, ilé Bale lé é i si luu gi Éjipiti tɛrɛ la, maa a a nya.

Fwile 32:13

I wuozannu Abraam koo, Izak koo, Izraɛl koo, wo sele ’é dɔ i gi ma; biian ibo ’nyɔɔn léé, ’é dan ka kulunu kɛlɛ lɛ kiɛre bélé lagi monénénu zo loo? I ’ka a fe lɛ léé, tɛrɛ lé ’é a ma we fe, ’é dan a faa nɔ lɛ kalé nénu lɛ yé é dan kɛlɛ lɛ wozé nya lɛɛfaama, loo?

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Ézai 43:4

I wea an lee, I tɔ a é bɔle yé i sɔ an lɛ, Amalé maa munu nɔ i pa gi, Yé maa migɔnɔnu nɔ i vole é yuɛma we gi.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Jérémi 31:3

Gakelebale a é sile an ma baa, naa, ébo nagɔɔn an lɛ; i sɔ an lɛ sɔlɛle lé a glɛ ’ka lo, a nya, bɛwemalé anlé zin ana tan kazé nya.

Ézékiɛl 36:22

Amalé, bé fe Izraɛl munu lɛ léma: Gakelebale léma: Izraɛl munu, maa ’ka we ’ko kɛlɛna ka plizi lo; an tɔ sauun lé ka a sɛrɛ bɛntɛrɛnu lé ka go wona bɛ, alé we ma lé maa a kɛlɛ.

Misé 6:4

Naa, maa ka si Éjipiti tɛrɛ la, maa ka si luubale gi, yé Moizi koo, Arɔn koo, Mari koo, an wo kɛlɛ ka ’lɛzannu nya.

Misé 7:20

I dan a gɔɔn lɛ Jakɔb lɛ léé, i a yarapawelazan nya, yé i dan a gɔɔn lɛ Abraam lɛ léé, i a é zin, fɛan zo lé bé fe ko tranu lɛ ibo ’nyɔɔnle nya é vinin, a zo.

Sofoni 3:17

Gakelebale kalé Bale a ka va, bélé nyanazan lé éé mi sié we gi, a zo. É dan ka kɛlɛ lɛ ’é ginanamafɛ blɛn nya; Ka sɔle a lɛ lé we ma lé, é dan flin lɛ; A gi é dan nana lɛ kaii kalé we ma fɔɔ nɛnɛ bole nya.

Malasi 1:2

Gakelebale léé: Ka sɔ an lɛ. Yé ka léé: Ko sɔ i lɛ kaa? Gakelebale léé: Ézau ’ka Jakɔb bwe nya loo? Duowo, Jakɔb sɔ an lɛ,

Matio 11:26

Iin, an Ti, maa i tɔ zin fé léé, bii a a va léé, ’é kɛlɛ ’bɛ zo.

Rom munu 11:28

Dé é a Wenéné lé we nya, wa Kazambale nyanézannu nya kalé we ma; naa, dé é a munu vabole lé we nya, wo sɔ Kazambale lɛ wo tranu lé we ma.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 10:15

Naa, duowo, ka tranu saa ɛ sɔ a lɛ yé é buvɔ wo ma; yé wo é zuo, ka lé ka ke wo kulu nya, é ka é si munu faa va, ka yé kyɔ fɛan zo ’ko, a zo.

Bélidɔwesɛbɛ Fiézan 23:6

Té ka wo kɛlɛle mi nya valé wolé we zin yele gi bɔrɔ pa kalé tɛrɛla faa gi lo, lɛɛfaama a glɛ ’ka lo.

Bélidɔwesɛbɛ Fiézan 33:3

Iin, munu sɔ a lɛ; Alé mi sauunnu a a lee. Wo dɔ a gane sɔnɔ Wo a dére ’ma.

Bélidɔwesɛbɛ Fiézan 4:20

Naa, ’kaa, Gakelebale ka si a va yé é ka si foliɛwɔlɛ gɔrɔ gi Éjipiti tɛrɛ la, ka kɛlɛle abozen lé munu nya we gi, fɛan zo lé ka ke kyɔ, a zo.

Bélidɔwesɛbɛ Fiézan 4:34

Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Bélidɔwesɛbɛ Fiézan 4:37

Ka tranu sɔ a lɛ, yé wo kulunu lé wo vo wo zuo, é wo si a va; yeebozen ɛ ka fwi Éjipiti tɛrɛ la élé plɛplɛ blɛn nya.

Bélidɔwesɛbɛ Fiézan 5:6

’Yee ɛ ke Gakelebale, kalé Bale lé é ka si luu gi Éjipiti tɛrɛ la, a nya.

1 Jan 4:19

Kaa sɔ Kazambale lɛ é vinin, amalé sɔlɛle a kaa gi.

1 Samuɛl 12:22

É a Gakelebale gi léé, é ka kɛlɛ élé munu nya, amalé é ’ka dan élé munu vo lɛ wo saa lo, a tɔ blɛn lé we ma.