Bélidɔwesɛbɛ Fiézan 7:7 - Kazambale lé Sebe Sauunu 1979

⁷ É ’ka kɛlɛ lɛ léé, ka kiɛre mini bɛn bɛnu faa ta, bɛwemalé Gakelebale é buvɔ ka ma yé é ka si a va lo, naa, ka ’léé a kiéné é mini bɛn bɛnu faa ta.

Bélidɔwesɛbɛ Fiézan 7:7 ပူးပေါင်းရင်းမြစ်များ

Minwiinzannu lé Wezuofe Sɛbɛ 16:19

Bléyian va lé é we ’ko fe, ’té wo ’ka di lo, ’Té wo ’léé a kiéné, ’té wa bɛn nya ana tɛrɛ la,

Lɛrɛvɔ Sɛbɛ 105:12

Bléyian va lé é we ’ko fe, ’té wo ’ka di lo, ’Té wo ’léé a kiéné, ’té wa bɛn nya ana tɛrɛ la,

Lɛrɛvɔ Sɛbɛ 115:1

Gakelebale, té wo ko tɔ bɔ lo, té wo ko tɔ bɔ lo, Naa, bii ɛ tɔ lé wa bɔ ma, Ilé zin valé i yara pale we ta lé we ma.

Lɛrɛvɔ Sɛbɛ 44:3

I bɛ nya lé i bɛnnu bin ko tranu vole wo pa gi we ma. I nyané pa migɔnɔnu ta ko tranu sɔɔlale wo pa gi we ma.

Ézai 51:2

Ka yuɛ ’é vo ka tra Abraam lɛ, Sara lé é ka yaa, ka yuɛ ’é vo ’bɛ lɛ; Naa, yee do kpen lé maa a laa, Maa a drɔɔ vo yé maa a fan.

Ézai 63:9

Wolé kleblele faa gi, lanje‐an wo si we gi lo; naa, Mizan boen ɛ wo tabo, élé sɔlɛle valé nyanaizénle gi é dɔ wo zuo yé é go wo nya yifaama, é li.

Ézékiɛl 20:5

Bé fe wo lɛ léma: Mizan, Gakelebale léma: Yian nya lé maa Izraɛl si a va, ’bɛ yi nya lé maa anbo ’nyɔɔn an bɛ nwale nya Jakɔb kulunu lɛ, yé maa anbo nagɔɔn wo lɛ Éjipiti tɛrɛ la; yé maa anbo ’nyɔɔn an bɛ nwale nya wo lɛ, yé maa léé, maa lé ke Gakelebale, kalé Bale nya.

Ézékiɛl 36:22

Amalé, bé fe Izraɛl munu lɛ léma: Gakelebale léma: Izraɛl munu, maa ’ka we ’ko kɛlɛna ka plizi lo; an tɔ sauun lé ka a sɛrɛ bɛntɛrɛnu lé ka go wona bɛ, alé we ma lé maa a kɛlɛ.

Matio 7:14

Naa, zi lé éé goo mi bélina, a ’léé a kiéné yé a laala a prɔɔné yé mi kiɛre ’ka a yé lo.

WENÉNÉ LÉ LUK A GYE (Évangile selon Luc) 12:32

’Bla palu kiéné, té ka kana monomono lo, fuatɛrɛ nɔle ka lɛ sɔ ka Ti lɛ é baba.

Rom munu 11:6

Naa, dé Bale wo si a va élé zin yɛrama, ’té kɛlɛwenu ’ka a va é dɛrɛ lo; dé ’bɛ kaan lo, ’té zin ’ka zin nya é dɛrɛ lo.

Rom munu 9:18

Bɛwemalé, dé é sɔ Bale lɛ léé, ’é nyanai zén mian ta, ’bɛzan ta lé éé a zén‐é, yé dé é sɔ a lɛ léé, ’é mian tɔné gi kɛlɛ plɛplɛ, ’bɛzan lé é a tɔné gi kɛla plɛplɛ.

Rom munu 9:21

Bɔdɔzan ’ka bɔtɛrɛzan nya loo? Dé é sɔ a lɛ léé, é bɔtɛrɛyɔɔ si yé é bɔ tɔbɔle dɔ a ke nya yé é bɔ pla dɔ a ke nya, a leewe kaan loo?

Bélidɔwesɛbɛ Fiézan 1:10

Gakelebale, kalé Bale, ka fan, yé kyɔ ka a kiɛre bélé lai monénénu zo.

Bélidɔwesɛbɛ Fiézan 10:22

Ka tranu go Éjipiti tɛrɛ la, ’té wa mi yɔ yaa wɔlɛ vu; sin, Gakelebale, kalé Bale ka kɛlɛ mi gu blɛn nya, kiɛre bélé lagi monénénu zo.

Bélidɔwesɛbɛ Fiézan 14:2

Ka a munu lé Gakelebale, kalé Bale wo pa é yɛrama ’ézé nya, wo nya, ’bɛzama; Yé Gakelebale, kalé Bale ka si munu faa lé wo ke tɛrɛ la, wo va, ka kɛlɛle ’ézé munu nya we gi.

Bélidɔwesɛbɛ Fiézan 4:37

Ka tranu sɔ a lɛ, yé wo kulunu lé wo vo wo zuo, é wo si a va; yeebozen ɛ ka fwi Éjipiti tɛrɛ la élé plɛplɛ blɛn nya.

1 Jan 3:1

Ka gini do. Kaa Ti bli bɔ kaa ma fɛan zo, yee lé é ke ’ko: é kaa laa Kazambale lé nénu, yé kaa a ’bɛ nya. Yé tɛrɛlamunu ’ka Jézu dɔɔ lɛ lo, bɛwemalé wo ’ka kaa dɔɔa lo.

1 Jan 4:10

Sɔlɛle ’ko, é ’ka kɛlɛ lɛ léé, Kazambale ɛ sɔ kaa lɛ, ’bɛ lé lo, naa, kaa ɛ sɔ Kazambale lɛ, yé é Be pa zia kaalé wenyané ’yibofɛ nya.