Bélidɔwesɛbɛ Fiézan 7:6 - Kazambale lé Sebe Sauunu 1979

⁶ Naa, ka a munu lé Gakelebale, kalé Bale wo pa é yɛrama ézé nya, wo nya; Gakelebale, kalé Bale ka si bɛnnu faa lé wo ke tɛrɛ la, wo va, ka kɛlɛle azé nya we gi.

Bélidɔwesɛbɛ Fiézan 7:6 ပူးပေါင်းရင်းမြစ်များ

1 Minwiinzannu 3:8

Munu lé i wo si a va, munu kiɛre lé wo ’ka bɔa wo nɔnɔle lɛ wo kiɛre we ma lo, i wuozan a wo méléna.

Ezidras 9:2

Naa, wo koo, wo benu koo, wo wolé lomu si ’wo nanu nya, yé wo bɛn sauunnu vɔɔ tɛrɛ ’ko la munu nya, yé minwiinzannu valé we ’wuo?-?dɔzannu, wo kɛlɛ wenyané ’ko kɛlɛzan vininnu nya.

Lɛrɛvɔ Sɛbɛ 114:2

’Té Juda kɛlɛ a nyanana gibɔle nya, ’Té Izraɛl kɛlɛ a wuo bɛn nya.

Lɛrɛvɔ Sɛbɛ 135:4

Naa, Gakelebale Jakɔb si a va É Izraɛl si a va a kɛlɛle ’ézé nya we gi.

Lɛrɛvɔ Sɛbɛ 50:5

É léma: ’I anlé yarapawelazannu zén ékema an va, Wo lé wo gi pa an va do saraka bole nya.

Fwile 6:7

Maa dan ka si lɛ anlé munu nya, maa dan kɛlɛ lɛ kalé Bale nya, yé ka dan a gi dɔɔ lɛ léé, maa, Gakelebale, kalé Bale ɛ ka si nyanama blɛnnu lé Éjipiti munu a dɔ ka nwiin, wo wuo.

Ézai 41:8

Naa, bii Izraɛl, an wuozan, Jakɔb lé maa a si a va, Abraam kulu lé é sɔ an lɛ,

Ézai 41:9

Bii lé, maa i si tɛrɛ glɛ sina Yé maa i laa, ’té i a tɛrɛ baa ta, Yé maa lé i lɛ léé, bii a an wuozan nya, Maa i si a va, yé maa ’ka dan sɔn vɔ lɛ i ma lo.

Ézai 6:13

Dé munu vuzan vo‐oo, ’bɛnu kulu é dan ga lɛ é ziin. Naa, dé wo térébɛnt yili valé sɛnéyili vɔ yé wo pun ’é vo fɛan zo, a zo duo lé, munu ’ko, wo punla do é dan nɛɛ lɛ mi sauunnu nya.

Ézai 62:12

Wo dan wo laa lɛ, munu sauun lé Gakelebale wo tabo, Yé bii, wo dan i laa lɛ, blibɔmafla lé wo ’ka sɔn vɔa a ma lo.

Jérémi 2:3

Izraɛl a é pale é yɛrama Gakelebale zé nya Bélé féifɛ vinin zo; Munu faa lé wa blé, we a wo nwiin Yé wenaané bɔ wo ma; maa Gakelebale ɛ ke a fena.

Ézékiɛl 20:5

Bé fe wo lɛ léma: Mizan, Gakelebale léma: Yian nya lé maa Izraɛl si a va, ’bɛ yi nya lé maa anbo ’nyɔɔn an bɛ nwale nya Jakɔb kulunu lɛ, yé maa anbo nagɔɔn wo lɛ Éjipiti tɛrɛ la; yé maa anbo ’nyɔɔn an bɛ nwale nya wo lɛ, yé maa léé, maa lé ke Gakelebale, kalé Bale nya.

Lévinu 20:24

Maa a fe ka lɛ léé, wolé tɛrɛ é dan kɛlɛ lɛ kazé nya; maa dan a nɔ lɛ ka lɛ kazé nya; é a tɛrɛ nyɔnɔzan nya. Maa a Gakelebale, kalé Bale lé é ka valé bɛnnu kini ékema, a nya.

Lévinu 20:26

Maa, Gakelebale a sauun, amalé ’ka kɛlɛ sauun an lɛ; maa ka valé bɛnnu kini ékema léé, ’ka kɛlɛ anzé nya.

Amɔs 3:2

’Kaa do kpen lé maa ka si tɛrɛ la migɔnɔnu faa va, bɛwemalé maa dan we lɛdɔ lɛ ka gi, kalé wenyanénu faa lé we ma.

Malasi 3:17

Lai sunyanu lé Gakelebale léma: Yian nya lé maa anlé fɛnu ma’lɛrɛ, wo dan kɛlɛ lɛ anlé fɛwezannu nya. Maa dan wezin kɛlɛ lɛ wo lɛ, bélé mi éé wezin kɛla ’é lɛdɔmabe lɛ fɛan zo, a zo.

Kelewenu 13:17

’Kaa Izraɛl munu ’ko, kaalé Bale kaa tranu si a va ézé nya. Bléyian va lé wo ke é nyanale Éjipiti tɛrɛ la, Bale wo bɛn kɛlɛ blɛn yé é wo fwi ’bɛna é bɛ plɛplɛ nya.

Rom munu 9:4

Wa Izraɛl munu nya; wo ɛ ke Kazambale lé né bozennu nya; wo ɛ Kazambale lé fuasan ye; Kazambale é gi pa do wo ɛ va; Kazambale bélidɔwe nɔ wo ɛ lɛ; wo ɛ Kazambale bɔ é bangikɔn gi; Kazambale blivolɛdére fe wo ɛ lɛ;

Bélidɔwesɛbɛ Fiézan 14:2

Ka a munu lé Gakelebale, kalé Bale wo pa é yɛrama ’ézé nya, wo nya, ’bɛzama; Yé Gakelebale, kalé Bale ka si munu faa lé wo ke tɛrɛ la, wo va, ka kɛlɛle ’ézé munu nya we gi.

Bélidɔwesɛbɛ Fiézan 14:21

Té ka wi gale do kpen ble lo; ’ka a nɔ bɛn bɛ mi lé ke ka va, a lɛ, dé ’bɛ kaan lo, ’ka a dan bɛn bɛ mi lee; ka a munu lé Gakelebale, kalé Bale wo pa é yɛrama ézé nya, wo nya, ’bɛzama. Té ka boliné dɔné é bu nyɔyi nya lo.

Bélidɔwesɛbɛ Fiézan 26:18

Kyɔ, ka a fe Gakelebale lɛ léé, ’wo dan kɛlɛ lɛ alé munu ta drɔɔ nya, é a fe ’wo lɛ é kyɛn fɛan zo, a zo, yé ’wo dan tawo lɛ alé bélidɔwenu faa ta, léé,

Bélidɔwesɛbɛ Fiézan 26:19

bɛn faa gi munu lé é wo kɛlɛ tɛrɛ la, kazé mini wo lɛ; ka lɛdɔmale koo, ka tɔbɔle koo, kalé fua koo, é dan mini lɛ wozé ta, yé ka dan kɛlɛ lɛ munu lé Gakelebale, kalé Bale wo pa é yɛrama ézé nya, wo nya, é a fe ka lɛ fɛan zo, a zo.

Bélidɔwesɛbɛ Fiézan 28:9

Ka dan kɛlɛ lɛ munu lé Gakelebale wo pa é yɛrama ézé nya, wo nya, ébo ’nyɔɔn ka lɛ fɛan zo, a zo, ’té dé ka Gakelebale kalé Bale lé bélidɔwenu lɛdɔma yé ka tawo alé tawobɛ faa gi.

Bélidɔwesɛbɛ Fiézan 33:3

Iin, munu sɔ a lɛ; Alé mi sauunnu a a lee. Wo dɔ a gane sɔnɔ Wo a dére ’ma.

Bélidɔwesɛbɛ Fiézan 4:20

Naa, ’kaa, Gakelebale ka si a va yé é ka si foliɛwɔlɛ gɔrɔ gi Éjipiti tɛrɛ la, ka kɛlɛle abozen lé munu nya we gi, fɛan zo lé ka ke kyɔ, a zo.

Bélidɔwesɛbɛ Fiézan 4:37

Ka tranu sɔ a lɛ, yé wo kulunu lé wo vo wo zuo, é wo si a va; yeebozen ɛ ka fwi Éjipiti tɛrɛ la élé plɛplɛ blɛn nya.

Tite 2:14

Jézu ébozen nɔ kolé we gi, weple faa sile ko lee we gi, é valé ko kɛlɛle ézé munu nya we gi, munu lé é wo kɛlɛ tegele, ’té wezin kɛlɛlɔrɔ a wo ma blɛn, wo nya.

1 Piɛri 2:9

Naa, kazé ’ka ’bɛ zo lo; ka a bɛn lɛgɔnɔ do lé Bale a si a va, a nya, yé yee fuaneé Bale ka dɔ ’é banzannu nya; ka a bɛntɛrɛ lé Bale a pa é yɛrama, a nya; ka a migɔnɔ lé Kazambale wo tabo wo nya, mi lé é ka laa ’té ka a gunu va yé é go ka nya élé san zima va bɛ, kalé a tɔ zin bɔle we gi.

2 Piɛri 2:5

É ’ka munu vininnu vo lɛ lo, naa, duowo, bléyian va lé é lɛɛ da Bale lé zi ma wenyané fezannu faa ta bɛ, é we tegele fezan Noé béli, é valé mi sɔrafié nya.

2 Piɛri 2:9

Dé Kazambale munu ’konu lé we faa yuɛ gi bo tegele a zo ’naan, ’té Mizan ’ka bɔalɛ léé, élé zisɔlɛmunu si wo gidanle gi loo? É ’ka bɔalɛ léé, é mi plenu tadɔ welɛdɔle wo gi webleyi nya we gi loo?

1 Samuɛl 12:22

É a Gakelebale gi léé, é ka kɛlɛ élé munu nya, amalé é ’ka dan élé munu vo lɛ wo saa lo, a tɔ blɛn lé we ma.