Bélidɔwesɛbɛ Fiézan 7:26 - Kazambale lé Sebe Sauunu 1979

²⁶ Té ka da ’bɛzofɛ nya kalé kɔn gi lo; dé ka kɛlɛ, ’té bale a é pale ka ma bélé yee fɛnu zo; ’ka serele bo fɛ ’konu ma, ’ka wo ye bélé bo zo, naa, bale pamafɛ lé.

Bélidɔwesɛbɛ Fiézan 7:26 ပူးပေါင်းရင်းမြစ်များ

Ézai 2:20

’Bɛ yi nya, gɔɔlifu miyilinu valé kyan miyilinu lé munu a kɛlɛ ’wo banyo nya, wo dan wo vuli lɛ koblinu valé bannu lɛ;

Ézai 30:22

Gɔɔlifu valé kyan lé ka sele kalé miyilinu ma, ka dan wo ye lɛ fɛ naané nya; ka dan wo vuli lɛ bélé bli zo, yé ka dan a fe lɛ wo lɛ léé: ’Ka si ko yuɛi mi.

Ézai 41:24

Ka ye, ka ’ka we do nya lo; Ka kɛlɛwe ’ka lo, Mi lé é ka si, é a bélé bo zo.

Ézékiɛl 11:18

Ana lé wo dan go lɛ, yé wo dan miyilinu faa valé bozowenu faa si lɛ ana.

Ézékiɛl 14:7

Naa, dé é a Izraɛl miomian nyaoo, dé é a bɛnnu lé wo ke Izraɛl tɛrɛ la, wo va miomian nyaoo, dé wo si an ma baa, ’té wolé miyilinu we ke wo bli gi, yé ’té wo yuɛnu a é dɔle fɛnu lé ’bɛ éé wo vɔa weple gi, wo ta, dé wo da we laa lɛ balelayezan lee, we laale an lee we ma, maa Gakelebale, maa dan a zi vɔ lɛ a lɛ anboan.

OZÉ (Osée) 14:8

Éfraim léé: Miyilinu éé mɛ kɛla an lɛɛ? Maa dan a dére ’ma lɛ, maa dan a tabin lɛ, Maa dan kɛlɛ lɛ a lɛ bélé siprɛyili drɔɔdrɔɔ zo. Maa ɛ va lé ka dan tɔnɔ ye lɛ.

Zakari 5:4

Lai sunyanu lé Gakelebale léma: Maa a sɔɔlaan léé, ’é wɔra kyeenwozannu koo, wo lé woo an tɔ ’nyɔɔn‐an vié nya koo, wolé kɔn gi, yé é nyana ana, yé é kɔn ’ko ble é yili valé é gɔlɛnu nya.

Rom munu 2:22

Bii lé i we fé léé, té wo kyeenwo lo ’naan, i ’ka kyeenwoo loo? Bii lé i léé, té wo le bɛ valé gɔné bɛ gini lo ’naan, i ’ka le bɛ ginian loo? Bii lé i miyilinu yé i yuɛ gi bo zo ’naan, i ’ka kyeenwoo wolé kɔnnu gi loo?

Bélidɔwesɛbɛ Fiézan 13:16

’Ka gulizarafɛnu faa zun dɔ fla vuun la, yé ’ka wo kyɛ ble, woo valé fla nya, Gakelebale, kalé Bale ’lɛ. Fla ’ko é dan vo lɛ é ’bin nya lɛɛfaama, té wa pa é pa gi monomono lo.

Bélidɔwesɛbɛ Fiézan 13:17

Fɛ lé wo bale pa a ma bɛ, té a do kpen é vo ka lee lo, Gakelebale bli dɔralale koo, alé nyanai zénle ka ta valé zin kɛlɛle ka lɛ koo, ka fanle koo, wo faa we gi, é ’ébo ’nyɔɔn ka tranu lɛ fɛan zo, a zo.

Bélidɔwesɛbɛ Fiézan 13:18

Dé ka Gakelebale, kalé Bale dére ’ma, yé a sɔnnénu lé maa wo gɔɔn ka lɛ kyɔ, dé ka wo pa, yé we lé é ke é drɔle Gakelebale, kalé Bale yuɛ gi, dé ka ’bɛ kɛlɛ, Gakelebale é dan we ’konu faa kɛlɛ lɛ ka lɛ.