Bélidɔwesɛbɛ Fiézan 7:25 - Kazambale lé Sebe Sauunu 1979

²⁵ Wolé miyilinu lé ke wolé balenu nya, ka dan wo kyɛ ble lɛ. Té ka bli é bɔ wo ma gɔɔlifu valé wo ma kyan ma lo, té ka a si lo, dé é da kɛlɛ ka kunsan nya; wa bélé bo zo Gakelebale, kalé Bale yuɛ gi.

Bélidɔwesɛbɛ Fiézan 7:25 ပူးပေါင်းရင်းမြစ်များ

2 Minwiinzannu 23:14

Jozias miyilinu yéli yé é yo’wuo ’wii, yé fɛana lé wo ke, é ana fan miwɔlɛnu nya.

Minwiinzannu lé Wezuofe Sɛbɛ 14:12

Wo ’wolé yonu vo ’bɛna, yé wo wo kyɛ ble David dére ta.

Fwile 20:17

Té i bli é bɔ mi bɛ lé kɔn ma lo; té i bli é bɔ mi bɛ na ma lo; a wuogɔné koo, a wuole koo, alé diri koo, alé sokofale koo, alé fɛnu koo, té i bli é bɔ wo va fɛ do kpen ma lo.

Fwile 32:20

Diriné lé wa kɛlɛ, Moizi a si yé é a kyɛ ble; é a pun bo, yé é a pun ’ko nwɛɛn ’yi yuɛ la, yé é a nɔ Izraɛl lé nénu lɛ léé, ’wa mini.

Fwile 8:26

Moizi si Faraɔn lé kɔn ’léé, yé é bazoro Gakelebale lɛ.

Ézai 30:22

Gɔɔlifu valé kyan lé ka sele kalé miyilinu ma, ka dan wo ye lɛ fɛ naané nya; ka dan wo vuli lɛ bélé bli zo, yé ka dan a fe lɛ wo lɛ léé: ’Ka si ko yuɛi mi.

Ézai 41:24

Ka ye, ka ’ka we do nya lo; Ka kɛlɛwe ’ka lo, Mi lé é ka si, é a bélé bo zo.

Lévinu 13:52

Dé ’blakyɛɛsɔ léé, dé lɛnsɔ léé, dé a koli ma zia léé, dé a gyéi ma zia léé, dé fɛofɛan lé wa kɛlɛ wikɔlɛ nya, yé gyɛ ’ko vɔ a ma, wo dan a kyɛ ble lɛ; é a pantɛn lé é ’ka nyaan lo, a nya, amalé wo dan a kyɛ ble lɛ.

Lévinu 19:4

Té ka go miyilinu zuo lo, yé té ka bale selelenu kɛlɛ kabo lɛ lo.

Sofoni 1:3

Blaminu koo, winu koo, lagi mianénu valé wɛyi va pɔnu koo, mi saanfɛnu valé mi nyanénu koo, maa dan wo sɛrɛ lɛ tɛrɛ la. Maa dan blaminu kulu ga lɛ tɛrɛ la. A zo lé Gakelebale a fe.

Bélidɔwesɛbɛ Fiézan 12:3

Ka dan wolé yobannanu zana lɛ a gi, ’ka wolé yowɔlɛnu sɛrɛ, ’ka wolé miyilinu kyɛ ble, ’ka wolé yoyilinu yéli, yé ’ka wo tɔnu si fɛkonanu ma.

Bélidɔwesɛbɛ Fiézan 13:16

’Ka gulizarafɛnu faa zun dɔ fla vuun la, yé ’ka wo kyɛ ble, woo valé fla nya, Gakelebale, kalé Bale ’lɛ. Fla ’ko é dan vo lɛ é ’bin nya lɛɛfaama, té wa pa é pa gi monomono lo.

Bélidɔwesɛbɛ Fiézan 17:1

Dé é a diri nyaoo, dé é a ’bla nyaoo, dé fɛ do a a ma, ɛɛ, dé a fɛ do sɛrɛ, té i Gakelebale, ilé Bale ban a nya lo; ’bɛ a bélé bo zo Gakelebale, ilé Bale yuɛ gi.

Bélidɔwesɛbɛ Fiézan 23:18

Dé i a bale kunle lɛ sɔɔna, dé bɔrɔdɛ ma gɔɔli léé, dé blen ma gɔɔli léé, ’bɛ gi lé bɔrɔdɛ gɔné, té i da ’bɛ nya Gakelebale, kalé Bale lé kɔn gi lo. Wo fiénu a bélé bo zo Gakelebale, kalé Bale yuɛ gi.

Bélidɔwesɛbɛ Fiézan 27:15

Mi lé é miyili nyaa, ɛɛ, é miyili kɛlɛ foliɛwɔlɛ selele nya, gikinizan panyanama lé é a bélé bo zo Gakelebale yuɛ gi bɛ, dé mian a nyaa yé é a dɔ kyeen gi fɛdona, ’té bale a é pale ’bɛzan ma ma; yé munu faa é dan a zi pa lɛ léé: lin, ’é kɛlɛ a zo.

Bélidɔwesɛbɛ Fiézan 7:16

Bɛnnu faa lé Gakelebale, kalé Bale é dan wo pa lɛ ka lee, ’ka wo gyɛ; té ka nyanai zén wo ta lo, té ka wolé balenu bɔ lo, naa, é dan kɛlɛ lɛ ka kunsan nya, ’bɛzama.

Bélidɔwesɛbɛ Fiézan 7:5

We lé ka dan a kɛlɛ lɛ wo vazia, yee lé ke ’ko: ka dan wolé yobannanu zana lɛ a gi, ka dan wolé yowɔlɛnu sɛrɛ lɛ, ka dan wolé miyilinu yéli lɛ, yé ka dan wolé yonu kyɛ ble lɛ.

Jozué 7:1

Fɛnu lé wa nɔ Bale lɛ bale pale a ma nya Izraɛl lé nénu saan a vazia. Juda bɛngizan Zérak be Zabidi, Zabidi be Kaami, Kaami be Akan, fɛnu lé wa nɔ bale pale wo ma nya, é wo si. Yé Gakelebale lé bliflile nwa Izraɛlnu ma.

Jozué 7:21

Bé ye, Sinéaa sɔ lé é ke nɔnɔmi koo, gɔɔlifu sikla wuru do koo, kyan kuru do lé a bɛn ke sikla yɔ fié wɔlɛ vu nya koo, an bli bɔ wo ma yé maa wo si, wa é yɔɔlé tɛrɛ wuo anlé sɔkɔn worona yé gɔɔlifu a a wuo.

Wegɔɔnle 17:5

Tɔ do lé a gi ke é yɔɔle, wa gyɛ a yarapɛla léé: Fla blɛn Babilɔn, pɛnpɛnnégyɛzannu valé tɛrɛ la fɛ naanénu bu.