Bélidɔwesɛbɛ Fiézan 7:23 - Kazambale lé Sebe Sauunu 1979

²³ Gakelebale, kalé Bale é dan bɛn ’konu pa lɛ ka lee; é dan wo fwila lɛ fɔɔ yé é wo gyɛ tata.

Bélidɔwesɛbɛ Fiézan 7:23 ပူးပေါင်းရင်းမြစ်များ

Fwile 23:27

Maa dan an lee kanale zén lɛ wo gi ka ’lɛ, dé i bɔ munuan ma, maa dan wo bin lɛ, yé maa dan i nyanézannu faa lala dɔ lɛ i ta.

Ézai 13:6

’Ka dunnu, naa, Gakelebale lé yi bɔ é pu; Plɛplɛfaazan lé fɛ sɛrɛle a dana.

Jérémi 17:18

Munu lé woo nyané paan an ta yaragyɛwe ’é bɔ wo ma ma. Té yarawe é bɔ an ma lo ma. Wo ma ’é nyɔɔn ma, naa, té an ma é nyɔɔn lo ma. ’I we tɔntɔn bɔ wo ma ma. ’I dunuzénmitawe bɔ wo ma fié ma.

Joɛl 1:15

Aa, mɛ zoɛ bléyi ɛ bɔ ’koo? Naa, Gakelebale lé yi bɔ é pu. É dan bélé wenaané blɛn lé Plɛplɛfaazan a pa zia, a zo.

Bélidɔwesɛbɛ Fiézan 2:15

Gakelebale bɛ plɛplɛ vo wo ta sɔkɔn dɔna, fɔɔ yé wo segelenu faa ga.

Bélidɔwesɛbɛ Fiézan 31:5

Gakelebale é dan wo pa lɛ ka lee, yé ka dan we kɛlɛ lɛ wo lɛ dére faa lé maa a fe ka lɛ, a yɛrama.

Bélidɔwesɛbɛ Fiézan 8:20

Bɛnnu lé Gakelebale wo gyɛ za ma ka ’lɛ, ka dan zamaga wo lɛ bélé wo zo, ’té dé ka ’ka kɔɔn ka tɔné dɔ lɛ Gakelebale, kalé Bale dére lɛ lo.

Bélidɔwesɛbɛ Fiézan 9:3

Amalé kyɔ, Gakelebale, kalé Bale é dan tawo lɛ ka ’lɛ bélé kyɛ lé éé fɛ faa blé, a zo, ’ka ’bɛ gi dɔɔ ma; yee ɛ dan wo kɛlɛ lɛ kiéné ka ’lɛ, yee ɛ dan wo kulu ga lɛ; ka dan wo bin lɛ, ka dan wo gyɛ lɛ do ’té, Gakelebale a fe ka lɛ fɛan zo, a zo.

2 Tɛsalɔnik munu 1:9

Kazambale é dan wo si lɛ Mizan valé élé plɛplɛ lé fuasan ma baa, yé é dan we lɛdɔ lɛ wo gi wo sɛrɛle tata nya.

Jozué 10:10

Gakelebale wo kini ékema Izraɛl ’lɛ; yé Izraɛl wo gyɛ bélé winu zo Gabaɔn sɔnɔ, yé wo wo zuo bin zi lé é go loru Bɛt‐Orɔn vazia, a ta, yé wo go wo gyɛle nya fɔɔ Azéka valé Makéda.

Weblezannu 4:15

Sizéra koo, alé goronu faa koo, alé munu faa koo, Gakelebale wo fwila gwɔun sorosoro nya Barak ’lɛ. Sizéra zun élé goro gi yé é vlan buru é gane la.