Bélidɔwesɛbɛ Fiézan 7:21 - Kazambale lé Sebe Sauunu 1979

²¹ Té di é kini ka gi wolé we ma lo; naa, Gakelebale, kalé Bale a ka méléna. É a Bale blɛn valé mitadanmawe kɛlɛ Bale nya.

Bélidɔwesɛbɛ Fiézan 7:21 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 32:8

Blaminu bɛ nya lé wo ’wozé kɛla, naa, Gakelebale, kolé Bale ɛ ke ko va, yé é dan bɔ lɛ ko va, yé é dan ko ta guli dan lɛ. Yé munu pa Juda nwiinzan blɛn Ézékia dére ta.

Néémi 1:5

yé maa léé: Gakelebale, lanu lé Bale, Bale blɛn, kana a lee Bale, bii lé ilé gipawe lɛsɔɔan, yé munu lé i sɔ wo lɛ, ’té woo ilé bélidɔwe ta tawoo, i nyanai éé zén‐é wo ta,

Néémi 4:14

Maa dɔ loru yé maa fɛ faa nagini, yé maa lé mi blɛnnu koo, minwiinmunu koo, mi pɔnénu koo, wo lɛ léé: Té ka kana wo lee lo. Mizan lé ke blɛn, ’té éé kana zén‐é munu gi, a sele ’é dɔ ka gima, yé ka bwenu koo, ka benu valé ka lunu koo, ka nanu koo, kalé kɔnnu koo, ’ka wo ta guli dan.

Néémi 9:32

Yé sin, kolé Bale, Bale blɛn, Bale plɛplɛ, kana lee Bale, bii lé i ilé gipawe lɛ sɔɔan yé i nyanai éé zén‐é, ko koo, ko nwiinzan blɛnnu koo, kolé Balebanmunu koo, kolé balelayezannu koo, ko tranu koo, ilé munu faa koo, nyané faa lé ko faa a ble, é sia Asiri nwiinzan blɛnnu bléyi va fɔɔ yé é bɔ kyɔ yi ’ko ma, té bé ye we kiéné nya lo.

Lɛrɛvɔ Sɛbɛ 27:1

David zé lé. Gakelebale a an vakinizan nya, é a an Siéwegizan nya. Maa kanaan de ɛ lee? Anlé tɛrɛla a Gakelebale lee; ’Té de lee lé an kanaan?

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 46:5

Yuu do ana, Bale lé fla blɛn lé ke Loruzan nyanana lé kɔn sauun nya, ana, A yorole éé ana munu gi nanama;

Lɛrɛvɔ Sɛbɛ 46:6

Kazambale a yee fla méléna; a ma ’ka nyɔɔnma lo; Bale é bɔle sian a va bladi tukini gunu nya.

Lɛrɛvɔ Sɛbɛ 46:7

Bɛnnu wo gi gunu yé wolé plale mi nwiin ma nyɔɔn; Bale we do fe yé tɛrɛ ’yi bo kanale nya.

Lɛrɛvɔ Sɛbɛ 47:2

’Kaa migɔnɔnu, ’ka faa é bɛ gyɛ. ’Ka siaa Kazambale lɛ ginanale nya.

Lɛrɛvɔ Sɛbɛ 68:35

’Ka Bale kɛlɛ blɛn. Alé fuasan a Izraɛl ta, yé alé plɛplɛ a la gi.

Lɛrɛvɔ Sɛbɛ 89:8

Bale a kanamazan blɛn nya mi sauunnu lé wo zén ékeva, wo va, Éé kana zén‐é munu faa lé woo dirian a zi, wo gi.

Lɛrɛvɔ Sɛbɛ 95:3

Naa, Gakelebale a Bale blɛn nya, É a minwiinzan blɛn nya é mini balenu faa ta.

Fwile 29:45

Maa dan nyana lɛ Izraɛl lé nénu va, yé maa dan kɛlɛ lɛ wolé Bale nya.

Daniɛl 9:4

An bazoro Gakelebale anlé Bale lɛ, yé an wenyané ’ko fe a lɛ léé: Mizan, Bale blɛn lé éé kana zén‐é mi gi, biian i dɔa ilé gipawe ta, yé munu lé i sɔ wo lɛ yé woo ilé bélidɔwe sɔnnénu paan, i nyanai ’é zén ko ta.

Mi Nɔnɔle 13:9

Bɛnjamɛn gɔnɔ gi, Rafu be Palti lé.

Mi Nɔnɔle 14:14

yé wo dan a zuo fe lɛ tɛrɛ ’ko la munu lɛ. Wa gi dɔɔ léé, bii, Gakelebale, bii a munu ’ko méléna, yé bii, Gakelebale, i bɔra wo yuɛ va; yé ilé lati a é dɔle wo ta, yé i tawoo wo ’lɛ lati pɔrɔlɔ gi é yiéyi, yé é béli i a wo va kyɛ pɔrɔlɔ gi.

Mi Nɔnɔle 14:42

Té ka go lo; naa, Gakelebale ’ka ka va lo. Té ka daan kabo ma yé ka nyanézannu ’é ka gyɛ lo.

Mi Nɔnɔle 14:9

Naa, té ka nwa Gakelebale ma lo, yé té ka kana tɛrɛ ’ko la munu lee pelo; naa, wa ko blefɛ nya. Wo tayɔɔfɛ ’ka é dɛrɛ lo; Gakelebale a ko va; té ka kana wo lee pelo.

Mi Nɔnɔle 16:3

Wo nwa Moizi valé Arɔn ma, yé wo lé ’bɛnu lɛ léé: Kazé sɔ. Naa, munu faa a segele, yé Gakelebale a wo méléna. Mɛmalé ka kabo nwaan blɛn Gakelebale lé munu nwiin?

Mi Nɔnɔle 21:34

Gakelebale lé Moizi lɛ léé: Té i kana a lee pelo, maa dan a pa lɛ i lee, yee koo, alé munu faa koo, alé tɛrɛ koo, wo nya; wean bé kɛlɛ Amorénu nwiinzan Sioni lé ke Esibɔn, a lɛ, yee duo lé i dan a kɛlɛ lɛ wo lɛ.

Mi Nɔnɔle 23:21

É ’ka weple yé Jakɔb gi monomono lo, Wean é ’ka tegele lo, é ’ka a yé Izraɛl gi monomono lo. Gakelebale, alé Bale a a va, É a a nwiinzan blɛn nya, Bale a Izraɛl ginanamazan nya.

Mi Nɔnɔle 9:20

Dé lati mɔn yi sɛ nya Bale lé sɔkɔn ta, Izraɛlnu lé sɔkɔn é vo é dɔle Gakelebale dére ta, yé wo ta soo Gakelebale dére ta.

1 Korent munu 14:25

yé wo bɔngiwe é dan bɔra lɛ. Yé wo dan dia lɛ ’wo bli la yé wo dan Kazambale bɔ lɛ a fele nya léé: Kazambale a ka méléna webozen nya.

Bélidɔwesɛbɛ Fiézan 1:21

Ka yua, sin, Gakelebale, kalé Bale tɛrɛ nɔ ka lɛ; ’ka go, ’ka a si kazé nya, Gakelebale, ka tranu lé Bale a fe ka lɛ fɛan zo, a zo; té ka kana lo; té di ’é kini ka gi lo.

Bélidɔwesɛbɛ Fiézan 10:17

Naa, Gakelebale, kalé Bale a balenu lé Bale nya, é a mizannu Zan nya, é a Bale blɛn nya, é a Bale plɛplɛ valé mitadanmawe kɛlɛ Bale nya, yé é ’ka glɛ dɔa mi gi lo, yé é ’ka dɔa mi zuo mi leefɛ ma lo;

Bélidɔwesɛbɛ Fiézan 20:1

Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.

Bélidɔwesɛbɛ Fiézan 25:8

Fla mi segelenu é dan a laa lɛ yé wo dan we fe lɛ a lɛ. Dé é dɔ ézé ta, yé é léé, é ’ka a va léé, é le ’ko si lo,

Bélidɔwesɛbɛ Fiézan 31:17

’Bɛ yi la, an bli é dan fli lɛ wo ma. An dan sɔn vɔ lɛ wo ma yé maa dan an yara si lɛ wo ta, yé we é dan wo mini lɛ. Wenaané valé kleblele kiɛre é dan bɔ lɛ wo ma yé wo dan a fe lɛ léé, ’wolé Bale ’ka ’wo va lo, bɛwemalé wenaanénu ’ko ke bɔna ’wo ma, yee kaan loo?

Jozué 3:10

Jozué léma: Bale yuɛmale a ka méléna, yé Kanaannu koo, Étinu koo, Éévinu koo, Férézinu koo, Giigazinu koo, Amorénu koo, Jébusinu koo, é dan wo bin lɛ ka ’lɛ; ka dan ’bɛ gi dɔɔ lɛ ’ko zo:

Jozué 8:1

Gakelebale lé Jozué lɛ léé: Té i kana lo, yé té i gi nyɛ é kini lo. ’I gulidanmunu faa si, ka go wo nya, ’i nwa, ’i go Ai ma. Bé ye, Ai nwiinzan valé alé munu koo, alé fla koo, alé tɛrɛ koo, maa wo nɔ i lɛ.

1 Samuɛl 4:8

Wenaané kɛlɛ ko lɛ. De ɛ dan ko si lɛ bale plɛplɛ ’konu lee? Balenu lé wo Éjipiti munu gyɛ gyɛ gɔnɔ faa nya bwi gi, woo lé.