Bélidɔwesɛbɛ Fiézan 7:19 - Kazambale lé Sebe Sauunu 1979

¹⁹ Gidanwenu blɛn lé wo kɛlɛ ka yuɛ va koo, gyɛzorowenu valé weblɛnblɛnnu koo, Gakelebale bɛ plɛplɛ lé ke é soile koo, we ’konu faa lé ka wo ye ka sile Éjipiti tɛrɛ la bléyi va, wo sele ’é dɔ ka gi ma; ’bɛ zo lé Gakelebale kalé Bale é dan a kɛlɛ lɛ, munu faa lé ka a kanana wo lee, wo lɛ.

Bélidɔwesɛbɛ Fiézan 7:19 ပူးပေါင်းရင်းမြစ်များ

Lɛrɛvɔ Sɛbɛ 136:12

É bɛ plɛplɛ valé é bɛ soile nya, Naa, a nyanai éé zén‐é yifaama.

Lɛrɛvɔ Sɛbɛ 44:4

Naa, wo ’ka tɛrɛ ’ko ye lɛ wolé gwɔun nya lo, Wo bɛ ’ka wo si lɛ we gi lo, Naa, i bɛyi ɛ wo si we gi, yee valé i yara san nya; Wo sɔ i lɛ, azama.

Lɛrɛvɔ Sɛbɛ 77:12

Gakelebale panyanamanu sele é dan dɔ lɛ an gi. Naa, we blɛnblɛnnu lé bé kɛlɛ é vinin, wo sele a an gi;

Fwile 6:6

Bɛwemalé bé fe Izraɛl lé nénu lɛ léma: Maa a Gakelebale nya, nyanama blɛnnu lé Éjipiti munu a dɔ ka nwiin, maa dan ka vo lɛ kabo ma ’bɛ ma, maa dan ka si lɛ wolé luu gi yé maa dan ka si lɛ we gi an bɛ soile valé we blɛn blele nya.

Bélidɔwesɛbɛ Fiézan 29:3

Migidanwe blɛnnu koo, gyɛzorowenu koo, we blɛnblɛnnu koo, ka wo ye.

Bélidɔwesɛbɛ Fiézan 3:21

’Bɛ yi la, maa a fe Jozué lɛ léé, we faa lé Gakelebale, kalé Bale a kɛlɛ minwiinzan fié ’konu lɛ, i ’bɛna ye. Tɛrɛnu faa lé ka dan nwa lɛ wo ma, a zo duo lé Gakelebale é dan a kɛlɛ lɛ wo lɛ.

Bélidɔwesɛbɛ Fiézan 4:34

Bale do éé kwa kulian léé, ’é bɛn do sié bɛn do méléna bélé fɛan zo lé é ka sié ’ko, a zoo? yé wo kɛlɛ ézé nya, mi gidanle koo, tɔmasenu koo, gyɛzorowenu valé gulidanlenu koo, wo nya, ’té éé bɛ soian, ’té éé bɛ plɛplɛ nagɔɔn‐an, ’té éé di kinié mi gi wenu kɛla, fɛan zo lé Gakelebale, kalé Bale a kɛlɛ ka lɛ Éjipiti tɛrɛ la yé ka a ye ka yuɛ nya, a zoo?

Jozué 10:25

Jozué lé wo lɛ léé: Té ka kana lo, yé té ka gi nyɛ é kini lo. ’Ka dɔ gligli yé ’ka bli ta dɔ plɛplɛ, naa, ’ko zo lé Gakelebale é dan a kɛlɛ lɛ ka nyanézannu lé ka guli daan wo nya, wo lɛ.

Jozué 24:17

Naa, Gakelebale a kolé Bale nya; yee ɛ ko si luubale gi Éjipiti tɛrɛ la, ko valé ko tinu nya; yee ɛ we blɛnblɛnnu kɛlɛ ko yuɛ va, yé é ko takuun zi faa lé ko tawo a ta, é valé munu faa lé ko gié wo méléna, wo lee.

Jozué 3:10

Jozué léma: Bale yuɛmale a ka méléna, yé Kanaannu koo, Étinu koo, Éévinu koo, Férézinu koo, Giigazinu koo, Amorénu koo, Jébusinu koo, é dan wo bin lɛ ka ’lɛ; ka dan ’bɛ gi dɔɔ lɛ ’ko zo: