Bélidɔwesɛbɛ Fiézan 7:13 - Kazambale lé Sebe Sauunu 1979

¹³ É dan ka lɔrɔ pa lɛ; é dan ka drɔɔ vo lɛ yé é dan ka fan lɛ; nénu lé wo bɔn ke wo bunu ma, é dan wo drɔɔ vo lɛ yé é dan kalé féifɛ drɔɔ vo lɛ; kalé ’sa koo, kalé dɔrɔ dɛrɛ valé kalé nyɔnɔ koo, kalé dirinu valé kalé trubɛnu lé né yaale koo, é dan wo faa drɔɔ vo lɛ, tɛrɛ lé ébo ’nyɔɔn ka tranu lɛ léé, é dan a nɔ lɛ ka lɛ, a ta.

Bélidɔwesɛbɛ Fiézan 7:13 ပူးပေါင်းရင်းမြစ်များ

Néémi 9:32

Yé sin, kolé Bale, Bale blɛn, Bale plɛplɛ, kana lee Bale, bii lé i ilé gipawe lɛ sɔɔan yé i nyanai éé zén‐é, ko koo, ko nwiinzan blɛnnu koo, kolé Balebanmunu koo, kolé balelayezannu koo, ko tranu koo, ilé munu faa koo, nyané faa lé ko faa a ble, é sia Asiri nwiinzan blɛnnu bléyi va fɔɔ yé é bɔ kyɔ yi ’ko ma, té bé ye we kiéné nya lo.

JOB (Job) 1:10

Yee koo, alé kɔn koo, fɛ faa lé ke a lee koo, i ’ka wo tabinna loo? Bé panyanama drɔɔ vo yé alé trubɛnu tɛrɛ ta sɔɔla.

JOB (Job) 42:12

Job lɛɛ voélanu gi, Gakelebale a drɔɔ vo é mini a lɛɛ vininnu zé ta. Alé ’blanu kɛlɛ baa sɔrafié, alé nyɔgɔmé kɛlɛ baa yaa, alé dirigɔnénu kɛlɛ baa do, yé alé sokofaledanu kɛlɛ wuru soru.

Lɛrɛvɔ Sɛbɛ 1:3

É a bélé yili lé wa suru ’yi lé éé yoroan, a sɔnɔ, ’Té éé poro baan é poro baa bléyi va, ’Té a laanu ma ’ka yuruan monomono lo, a zo: We faa lé éé a kɛla, a nyian é dan wo lɛ a ma.

Lɛrɛvɔ Sɛbɛ 107:38

É wo drɔɔ vo yé wo faan Yé é ’ka wolé winu ’léé zana a gi lo.

Lɛrɛvɔ Sɛbɛ 11:7

Naa, Gakelebale a tegele; we tegele éé sɔa a lɛ. Mi drɔlenu é dan a yara ye lɛ.

Lɛrɛvɔ Sɛbɛ 127:3

Bé ye, négɔnénu a tɔnɔ lé éé sié Gakelebale va, a nya, Mi bɔnginénu a ’wo ti goolipafɛ nya.

Lɛrɛvɔ Sɛbɛ 146:8

Gakelebale éé yuɛwiizannu yuɛ fuoan; Munu lé wo ke é plinle, Gakelebale éé wo drɔan tegele; We tegele kɛlɛzannu ɛ sɔa Gakelebale lɛ.

Fwile 23:25

Ka dan Gakelebale, kalé Bale bɔ lɛ, yé é dan kalé fɛblele valé kalé ’yi drɔɔ vo lɛ, yé maa dan gyɛ si lɛ ka méléna.

Wegɔnévɔlenu 10:22

Gakelebale lé drɔɔvole éé mi kɛla fua nya, yé é ’ka a taa paan yaragyɛwe do kpen nya lo.

Wegɔnévɔlenu 15:9

Mi nyané giébɛ a lɛrɛlɛrɛ Gakelebale yuɛ gi, naa, mi lé éé goo we tegele zuo, ’bɛ éé sɔa a lɛ.

Lévinu 26:9

An dan an yara dɔ lɛ ka vazia, yé maa dan ka kɛlɛ lɛ néyaazannu nya, yé maa dan ka fan lɛ, yé an dan dɔ lɛ anlé gipawe ta ka va.

Matio 6:33

Naa, ’ka kwa kuli léé, ka kɛlɛ munu lé Kazambale ke é plale wo nwiin, wo vazannu nya, ’bɛ valé Kazambale lé we tegele kɛlɛzannu nya, yé Kazambale é dan fɛ ’konu faa nɔ lɛ ka lɛ ’bɛnu ta loru.

WENÉNÉ LE JAN A GYE (Évangile selon Jean) 14:21

Mi lé anlé bélidɔwenu ke a lee, ’té éé wo kɛla, yee ɛ lɛ lé an sɔ, yé mi lé an sɔ a lɛ, é dan sɔ lɛ an Ti lɛ, yé é dan sɔ lɛ an lɛ, yé maa dan anbozen nagɔɔn lɛ a lɛ.

WENÉNÉ LE JAN A GYE (Évangile selon Jean) 15:10

Dé ka anlé bélidɔwenu kɛla, ka dan vo lɛ anlé sɔlɛle gi, bélé fɛan zo lé maa an Ti lé bélidɔwenu kɛlɛ yé maa vo alé sɔlɛle gi, a zo.

WENÉNÉ LE JAN A GYE (Évangile selon Jean) 16:27

an sɔ ka lɛ, yé ka dɔ a ta léé, an si Kazambale va, bɛwemalé ka sɔ an Ti bozen lɛ.

Bélidɔwesɛbɛ Fiézan 1:8

É lé yi la léé, ’é tɛrɛ ’ko faa nɔ ka lɛ; ’ka go, tɛrɛ lé ’yee Gakelebale a fe ébo ’nyɔɔnle nya léé, é dan a nɔ lɛ ka tranu Abraam koo, Izak koo, Jakɔb koo, wo lɛ, wo valé ’wo kulunu lɛ, ’ka go a si kazé nya.

Bélidɔwesɛbɛ Fiézan 13:17

Fɛ lé wo bale pa a ma bɛ, té a do kpen é vo ka lee lo, Gakelebale bli dɔralale koo, alé nyanai zénle ka ta valé zin kɛlɛle ka lɛ koo, ka fanle koo, wo faa we gi, é ’ébo ’nyɔɔn ka tranu lɛ fɛan zo, a zo.

Bélidɔwesɛbɛ Fiézan 28:1

Dé ka Gakelebale, kalé Bale dére lɛdɔma, bélidɔwe ’konu faa lé maa wo fe ka lɛ kyɔ, dé ka wo ta tawo, Gakelebale, kalé Bale é dan ka mini lɛ tɛrɛ la bɛnnu faa ta.

Bélidɔwesɛbɛ Fiézan 28:11

Kalé nénu koo, kalé trubɛnénu koo, kalé féifɛnu koo, Gakelebale é dan wo fan lɛ é zima, tɛrɛ lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ, a ta.

Bélidɔwesɛbɛ Fiézan 30:5

Gakelebale, kalé Bale é dan da lɛ ka nya tɛrɛ lé é ke ka tranu zé nya, a ta, yé é dan kɛlɛ lɛ kazé nya; é dan wezin kɛlɛ lɛ ka lɛ, yé é dan ka fan lɛ é mini ka tranu ta.

Bélidɔwesɛbɛ Fiézan 7:7

É ’ka kɛlɛ lɛ léé, ka kiɛre mini bɛn bɛnu faa ta, bɛwemalé Gakelebale é buvɔ ka ma yé é ka si a va lo, naa, ka ’léé a kiéné é mini bɛn bɛnu faa ta.