Bélidɔwesɛbɛ Fiézan 7:10 - Kazambale lé Sebe Sauunu 1979

¹⁰ Naa, munu lé a za ke wo gi, é dan é lɛdɔ lɛ wo gi, yé ’é wo gyɛ zamaga nya. É ’ka dan mɔn lɛ lo; é dan é lɛdɔ lɛ ’é zapazan gi ’té.

Bélidɔwesɛbɛ Fiézan 7:10 ပူးပေါင်းရင်းမြစ်များ

Fwile 20:5

Té i dia i bli la wo ’lɛ lo, té i wo mawe kɛlɛ lo; naa, maa, Gakelebale, ilé Bale, maa a maawo Bale nya, yé maa munu lé weple ma ban dɔa wolé nénu nwiin, fɔɔ an zapamunu kulu yaazan valé wo kulu ziɛnzan nya,

Fwile 34:7

Mi sɔ an lɛ fɔɔ a kulu wuru soruzan ma; weple koo, nwale mi ma koo, wenyané koo, dé mi a kɛlɛ, Gakelebale a ma we voo, naa, é ’ka wegyɛzan yé weanwiinlozan nya lo. Éé we lɛdɔa nénu gi wo tinu lé weple ma, yé éé we lɛdɔa wolé nénu é nénu gi, fɔɔ yé é bɔ wo kulu yaazan valé wo kulu ziɛnzan ma.

Wegɔnévɔlenu 11:31

Bé ye, mi tegele éé gooli yé tɛrɛ la; mi nyané valé wenyanékɛlɛzan nii? Wo ’ka ’wozé yé loo?

Ézai 59:18

É dan mi faa do do banwo lɛ wo kɛlɛwe yɛrama; é dan é mazannu banwo lɛ é wɛwɛ nya; é dan é nyanézannu banwo lɛ yee duo zo; é dan wɛyiworona tɛrɛ la munu banwo lɛ yee duo zo.

Jérémi 32:18

I nyanai éé zén‐é fɔɔ mi kulu wuru é wuru ta, yé weplenu lé né tinu a kɛlɛ, bé ma we lɛdɔa wolé nénu gi. Bii ɛ ke Bale blɛn lé é ke plɛplɛ, a nya, ’té a tɔ ke lai sunyanu lé Gakelebale bɛ, a nya.

Naum 1:2

Gakelebale a maawobale nya; é ézé lɛgi paan; Gakelebale é ézé lɛgi paan, a wɛwɛ a é baba. Gakelebale é ézé lɛgi paan ’é mazannu ma, Éé é nyanézannu va we paan é bli gi.

Mi Nɔnɔle 10:35

Dé gipawe pagikɛsu nwa bléyian va, Moizi léé: Gakelebale, ’i nwa, i nyanézannu ’é kini ékema, yé i zapazannu ’wo fwi i ’lɛ.

Mi Nɔnɔle 14:18

’yee Gakelebale bli ’ka flian é kele lo, ’é bli a é fanle zin nya; ’é weplekɛlɛzannu valé nwamimazannu ma we voo; ’é ’ka wegyɛzan voo é pla lo, naa, weple lé munu a kɛlɛ, ’é a dɔa wo néné valé wo nénézinénénu nwiin.

Rom munu 12:19

An blibɔmamunu, té ka kabozen lé we lɛgi pa lo; naa, ’ka ’bɛ vo Kazambale lé bliflile lee. Naa, é a é gyɛle sɛbɛ gi léé: Mizambale léé: Maa ɛ we lɛgi paan; maa ɛ mi banwoo.

Bélidɔwesɛbɛ Fiézan 32:25

Wo dan ga lɛ ’wo kɔlɛ ma gwɔun ’léé, Yé wo dan ga lɛ wo bɔn gi kana nya. Dé é a pɛniɛ nyaoo, dé é a blɛn nyaoo, wolé we a do. Dé é a nyɔ ma né nyaoo, dé gɔné kwa léoo, wolé we a do.

Bélidɔwesɛbɛ Fiézan 32:35

Dé wo saan Maa ɛ lɛ gi paan, maa ɛ wo banwoo. Naa, wolé we tɔntɔn ye yi bié é pu, Yé we lé é ke wo lɛbɛnna, é ’ka dan mɔn lɛ lo.

Bélidɔwesɛbɛ Fiézan 32:41

Dé maa anlé gwɔun lɛ vɔ Yé dé an kun we tegele kɛlɛle ma, Maa dan anlé we lɛgi pa lɛ an mazannu ma, Yé an dan we lɛdɔ lɛ an zapamunu gi;

Bélidɔwesɛbɛ Fiézan 5:9

Té i dia i bli la wo ’lɛ lo, té i nyanama pa wo lɛ lo; naa, ’yee, Gakelebale, kalé Bale, ’é a maawo Bale nya, yé éé munu lé weplenu ma ban dɔa ’wolé nénu nwiin fɔɔ yé é bɔ ’é zapamunu kulu yaazan valé wo kulu ziɛnzan nya,

Bélidɔwesɛbɛ Fiézan 7:11

Bɛwemalé, a sɔnnénu valé alé bélidɔwenu valé ka gɔnɔlawenu lé maa wo gɔɔn ka lɛ kyɔ, ’ka wo lɛdɔma yé ’ka wo ta tawo.

Bélidɔwesɛbɛ Fiézan 7:9

Amalé, ka gi dɔɔ léé, Gakelebale, kalé Bale ɛ ke Bale nya; yarapawela Bale ’ko, munu lé é sɔ wo lɛ, ’té wo alé bélidɔwenu kɛla, éé dɔa élé gipawe ta, yé a nyanai éé zén‐é wo ta fɔɔ yé é bɔ wo kulu wuru soruzan ma.