Bélidɔwesɛbɛ Fiézan 7:1 - Kazambale lé Sebe Sauunu 1979

¹ Tɛrɛ lé ka dan a si lɛ kazé nya bɛ, dé Gakelebale kalé Bale ka bɔ ana, é dan bɛn kiɛre bin lɛ ka ’lɛ; bɛn lɛ sɔrafié lé wo blɛn mini ka lɛ, yé wolé plɛplɛ mini ka lɛ, woo lé; Étinu koo, Giigazinu koo, Amorénu koo, Kanaannu koo, Férézinu koo, Éévinu koo, Jébusinu koo, woo lé.

Bélidɔwesɛbɛ Fiézan 7:1 ပူးပေါင်းရင်းမြစ်များ

1 Minwiinzannu 16:31

Abo nɔle Nabat be Jéroboam lé wenyané kɛlɛle lɛ a a yuɛ gi we kiéné nya, yé é Sidɔn munu nwiinzan Étabaal lu Jézabɛl si é na nya yé é go Baal bɔ lɛ, ’té éé diaan é yara a ’lɛ.

Minwiinzannu lé Wezuofe Sɛbɛ 1:14

Jébusinu koo, Amorénu koo, Giigazinu koo,

2 Minwiinmunu lé Wezuofe Sɛbɛ 8:7

Étinu koo, Amorénu koo, Férézinu koo, Éévinu koo, Jébusinu koo, wolé munu faa lé wo vo, ’té wo ’ka Izraɛlnu nya lo bɛ,

Ezidras 9:1

We ’ko nyaale zuo, minwiinzannu da an va yé wo léé: Izraɛlnu koo, Balebanzannu koo, Lévinu koo, wo ’ka wo kan kini lɛ tɛrɛ ’ko la munu ma lo, yé wa wolé bozowe zuo sonana. Kanaannu koo, Étinu koo, Férézinu koo, Jébusinu koo, Amɔnnu koo, Moabnu koo, Éjipitinu koo, Amorénu koo, wa wolé bozowenu zuo sonana.

Néémi 13:23

’Bɛ bléyi duo va, an Juifinu ye, ’té Azdɔd lomu koo, Amɔn lomu koo, Moab lomu koo, ’té wo wo si wo nanu nya.

Lɛrɛvɔ Sɛbɛ 78:55

É bɛnnu bin wo ’lɛ, É wolé tɛrɛ guli wo ma wolé tɔnɔfɛ nya, Yé é Izraɛl bɛnnu nyana wolé sɔkɔnnu wuo.

Fwile 15:7

Ilé zevɔfɛ blɛnblɛnnu nya lé I mazannu yara bua; Ilé bliflile nwa wo ma Yé é wo ble bélé ’sapɛɛ zo.

Fwile 23:28

Maa dan gyebenu nwunvɔ lɛ ka ’lɛ, yé Éévinu koo, Kanaannu koo, Étinu koo, yee gyebenu é dan wo bin lɛ i ma baa.

Fwile 23:32

Té i gi pa do wo va lo, té i gi pa do wolé balenu va lo.

Fwile 23:33

Wo ’ka dan nyana lɛ ilé tɛrɛ la lo, dé wo da i nyunu léé, i wenyané kɛlɛ an ma; naa, dé i wolé balenu bɔ é dan kɛlɛ lɛ i kunsan nya.

Fwile 33:2

Maa dan lanje do pa lɛ zia ka ’lɛ, yé Kanaan munu koo, Amoré munu koo, Éti munu koo, Férézi munu koo, Éévi munu koo, Jébusi munu koo, maa dan wo bin lɛ.

Fwile 6:8

Tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, maa dan go lɛ ka nya ana; maa dan a nɔ lɛ ka lɛ kazé nya; maa, Gakelebale ɛ dan a kɛlɛ lɛ.

Lévinu 14:34

Dé ka bɔ Kanaan tɛrɛ lé maa dan a nɔ lɛ ka lɛ kazé nya, a ta, dé maa ana tɛrɛ la kɔn do gyɛ pantɛn gyɛ nya,

Mi Nɔnɔle 13:29

Amalɛk munu éé nyanaan yirinwana bɛyilazia. Étimunu koo, Jébusimunu koo, Amorémunu koo, woo nyanaan gɔ nwiin, yé Kanaanmunu éé nyanaan wɛyi sɔnɔ, é valé Juudɛn yuu bɛ fiénu ta.

Mi Nɔnɔle 14:31

Yé kalé nénu lé ka a fe wo ma léé, wo dan kɛlɛ lɛ gulizara nya, ’é dan wo wɔra lɛ ana, yé tɛrɛ lé é ’ka ka yuɛ gi bɔ lɛ lo, wo ɛ dan a dɔɔ lɛ.

Kelewenu 13:19

É bɛn sɔrafié gyɛ Kanaan tɛrɛ la; ’bɛ zuo yé é ’bɛnu lé tɛrɛ nɔ wo lɛ wozé nya.

Bélidɔwesɛbɛ Fiézan 11:29

Dé Gakelebale, kalé Bale ka wɔra tɛrɛ lé ka dan a si lɛ kazé nya, a ta, ’ka mi drɔɔ vo dére fe, ’té ka a é dɔle Garizim gɔ nwiin, yé ka bale pa dére ’konu fe, ’té ka a é dɔle Ébal gɔ nwiin.

Bélidɔwesɛbɛ Fiézan 20:1

Dé ka guli dan ka nyanézannu va, yé ka wisoonu valé goronu ye, yé ka léé, wo kiɛre mini ’wo ta, té ka kana wo lee lo; naa, Gakelebale, kalé Bale lé é ka si Éjipiti tɛrɛ la, é a ka va, azama.

Bélidɔwesɛbɛ Fiézan 20:16

Naa, bɛnnu lé Gakelebale, kalé Bale a wolé tɛrɛnu nɔna ka lɛ tɔnɔfɛ nya, dé fɛofɛan ke flinna, té ka a vo é yuɛma lo.

Bélidɔwesɛbɛ Fiézan 31:20

Naa, an dan go lɛ munu ’konu nya tɛrɛ lé maa anbo ’nyɔɔn wo tranu lɛ léé, maa dan a nɔ lɛ wo lɛ, a ta. Tɛrɛ nyɔnɔzan lé. Wo dan fɛ ble lɛ, wo dan kan lɛ, wo dan bua lɛ. ’Bɛ zuo wo dan nɔla lɛ yé wo go bale bɛnu zuo, ’té woo wo bɔa; wo dan ’wo lɔlu plɛn lɛ an ma, yé wo dan anlé gipawe sɛrɛ lɛ;

Bélidɔwesɛbɛ Fiézan 31:3

Gakelebale, kalé Bale bozen é dan tawo lɛ ka ’lɛ, é dan bɛn ’konu kulu ga lɛ ka ’lɛ, yé é dan ka kɛlɛ lɛ wo nwiinzannu nya. Jozué é ziin, ’bɛ é dan tawo lɛ ka ’lɛ, Gakelebale a fe fɛan zo, a zo.

Bélidɔwesɛbɛ Fiézan 4:38

Bɛnnu lé wo kiɛre valé wolé plɛplɛ mini ka ta, é wo bin ka ’lɛ, léé, ’ka wɔra wolé tɛrɛ la yé ’é kɛlɛ kazé nya, fɛan zo lé ka ye kyɔ, a zo.

Bélidɔwesɛbɛ Fiézan 6:1

Bale sɔnnénu lé Gakelebale, kalé Bale a fe léé, maa a paa ka gi, wo valé bélidɔwenu valé ka gɔnɔlawenu nya, wo lé ke ’ko. É léé, maa wo paa ka gi yé ka wo ta tawo, tɛrɛ lé ka dan a si lɛ kazé nya, a ta.

Bélidɔwesɛbɛ Fiézan 6:10

Tɛrɛ lé Gakelebale, kalé Bale ébo ’nyɔɔn ka tranu Abraam valé Izak valé Jakɔb lɛ léé, é dan a nɔ lɛ ka lɛ, é dan go lɛ ka nya ana. Fla blɛn zinnu lé ka ’ka wo pa lɛ lo, ka dan nyana lɛ wo ta;

Bélidɔwesɛbɛ Fiézan 6:19

’té dé é ka nyanézannu faa bin ka ’lɛ, Gakelebale a fe fɛan zo, a zo.

Bélidɔwesɛbɛ Fiézan 6:23

é ko si ’bɛna yé é da ko nya, tɛrɛ lé ébo ’nyɔɔn ko tranu lɛ léé, é dan a nɔ lɛ ko lɛ, a ta.

Bélidɔwesɛbɛ Fiézan 9:1

Izraɛl munu, ’ka tɔné dɔ. Kyɔ ka dan Juudɛn kini lɛ, yé bɛnnu lé wo kiɛre mini ka ta, ’té wolé plɛplɛ mini kazé ta, ka dan kɛlɛ lɛ wozannu nya; fla blɛnnu lé wo zi gɔrɔ bɔ la gi baa, ka dan wo si lɛ;

Bélidɔwesɛbɛ Fiézan 9:3

Amalé kyɔ, Gakelebale, kalé Bale é dan tawo lɛ ka ’lɛ bélé kyɛ lé éé fɛ faa blé, a zo, ’ka ’bɛ gi dɔɔ ma; yee ɛ dan wo kɛlɛ lɛ kiéné ka ’lɛ, yee ɛ dan wo kulu ga lɛ; ka dan wo bin lɛ, ka dan wo gyɛ lɛ do ’té, Gakelebale a fe ka lɛ fɛan zo, a zo.

Bélidɔwesɛbɛ Fiézan 9:4

Dé Gakelebale, kalé Bale wo bin ka ’lɛ, té ka fe ka bli gi léé, ’wo tegele ma lé Gakelebale ’wo kɛlɛ tɛrɛ ’ko zannu nya lo; naa, bɛn ’konu lé wenyané ma lé Gakelebale, kalé Bale wo bin ka ’lɛ.

Jozué 11:3

Kanaannu lé wo ke yirinwanazia valé yirivɔnazia koo, Amorénu koo, Étinu koo, Férézinu koo, Jébusinu lé wo ke gɔ ma koo, Éévinu lé wo ke Eɛmɔn gɔ nyana ma Misipa tɛrɛ la koo, wo munu nwunvɔ wo va.

Jozué 24:11

Ka Juudɛn kini yé ka bɔ Jériko. Jériko munu guli dan ka va, Amorénu koo, Férézinu koo, Kanaannu koo, Étinu koo, Giigazinu koo, Éévinu koo, Jébusinu koo, woo lé.

Jozué 3:10

Jozué léma: Bale yuɛmale a ka méléna, yé Kanaannu koo, Étinu koo, Éévinu koo, Férézinu koo, Giigazinu koo, Amorénu koo, Jébusinu koo, é dan wo bin lɛ ka ’lɛ; ka dan ’bɛ gi dɔɔ lɛ ’ko zo: