Bélidɔwesɛbɛ Fiézan 6:6 - Kazambale lé Sebe Sauunu 1979

⁶ Bélidɔwe ’konu lé maa wo nɔ ka lɛ kyɔ, ’wo vo ka bli gi ma.

Bélidɔwesɛbɛ Fiézan 6:6 ပူးပေါင်းရင်းမြစ်များ

Wepélisiananu 18:19

Naa, maa a si a va léé, ’é ’é benu valé élé kɔngimunu béli dɔ léé, ’wo tawo Gakelebale lé zi ta, ’té woo we drɔle valé we tegele kɛla; ’bɛ zo lé, we faa lé Gakelebale a fe Abraam lɛ blivolɛdére nya, é dan a kɛlɛ lɛ.

2 Samuɛl 22:23

A déretawenu faa a an ’lɛ, An ’ka saan lɛ alé bélidɔwenu gi pelo.

Lɛrɛvɔ Sɛbɛ 119:11

Maa i dére paan an bli gi, Té an wenyané kɛlɛ i ma lo we gi.

Lɛrɛvɔ Sɛbɛ 119:13

Maa i ’léé wegibɔidérenu faa nɔnɔan An lɔlu nya.

Lɛrɛvɔ Sɛbɛ 119:30

An webozen lé zi si a va anzé nya, Maa ilé bélidɔwenu plaan an wuo.

Lɛrɛvɔ Sɛbɛ 119:98

Ilé bélidɔwenu lé we ma, an we dɔɔ é mini an nyanézannu ta. Naa, wa an va yifaama, azama.

Lɛrɛvɔ Sɛbɛ 37:31

Alé Bale lé bélidɔwe a a bli gi; A gane ’ka dan zi saan lɛ pelo.

Lɛrɛvɔ Sɛbɛ 40:8

Yé maa léé, bé ye, an da, Sɛbɛ plinle lé wa gyɛ anzé nya, ’bɛ nya an lee.

Wegɔnévɔlenu 3:5

’Ibozen bɛ pa Gakelebale lee i bli faa nya, té i bli é vo ibozen lé wedɔɔle lɛ lo;

Wegɔnévɔlenu 7:3

’I wo yere i bɛnwɔlɛnu ma. ’I wo gyɛ i bli gi bélé sɛbɛ zo.

Ézai 51:7

Ka lé ka wetegele dɔɔ, ’ka tɔné dɔ an lɛ; ’Kaa munu lé anlé bélidɔwe ke ka bli gi, ’ka tɔné dɔ an lɛ. Dé munu serele bo ka ma, té ’bɛ é kana zén ka gi lo, Dé wo ka sɔnɔ, té ’bɛ é gligli zén ka gi lo.

Jérémi 31:33

Naa, Gakelebale léé: Gipawe lé maa dan a kɛlɛ lɛ Izraɛl munu va yi ’konu giéle zuo, yee lé ke ’ko: Maa dan anlé bélidɔwe pa lɛ wo bli gi; maa dan a gyɛ lɛ wo bli gi; yé an dan kɛlɛ lɛ wolé Bale nya, yé wo dan kɛlɛ lɛ anlé munu nya.

WENÉNÉ LÉ LUK A GYE (Évangile selon Luc) 2:51

’Bɛ zuo é go wo va Nazarɛt, yé é pla wo wuo. We ’konu faa vo a bu bli gi.

WENÉNÉ LÉ LUK A GYE (Évangile selon Luc) 8:15

Yee lé é dia tɛrɛ zima ta, wa munu lé woo dére maan bli tegele valé bli zin nya, wo nya, yé éé voo wo gi, ’té wo wɔlɛ éé baan yarapalale nya.

2 Korɛnt Munu 3:3

’Kaanu ɛ ke Krist lé sɛbɛ wéiin lé, ko panyanama a gyɛ, a nya; wo ’ka a gyɛ lɛ nankréyi nya lo; naa, wa gyɛ Bale yuɛmale Léli nya. Wo ’ka a gyɛ lɛ gɔlɛfén ta lo; naa, wa gyɛ mi nɛfén ɛ ta, ka blinu gi.

Bélidɔwesɛbɛ Fiézan 11:18

Dérenu lé maa a fena ka lɛ, ’ka wo pa ka bli gi, ’ka wo pa ka bɔn‐in. ’Ka wo vɔ ka bɛ ma tɔmase nya; wo dan kɛlɛ lɛ ka yarapɛla sɛbɛwɔlɛ nya.

Bélidɔwesɛbɛ Fiézan 11:20

’Ka wo gyɛ kalé duolivɔgi yili valé kalé duoli ma.

Bélidɔwesɛbɛ Fiézan 32:46

’ka wo pa ka bli gi; ’ka wo paa kalé nénu gi, léé, ’wo bélidɔwe dére ’ko faa lɛdɔma yé ’wo a ta tawo.

Kolɔs munu 3:16

Krist dére ’é kɛlɛ ka méléna di ma. ’Ka we paa ka ke gi yé ’ka we pla ka ke lɛ wedɔɔle faa nya, Bale lé Lɛrɛvɔ sɛbɛ gi lɛrɛnu koo, Bale tɔbɔlɛrɛnu koo, lélilɛrɛnu koo, wo nya; ’ka lɛrɛ vɔ ka bli faa nya Kazambale lɛ zin nya ka bli gi.

2 Jan 1:2

Webozen lé é ke kaa gi, ’té é dan kɛlɛ lɛ kaa va lɛɛfaama a glɛ ’ka lo, alé we ma lé ka sɔ an lɛ.