Bélidɔwesɛbɛ Fiézan 6:4 - Kazambale lé Sebe Sauunu 1979

⁴ Izraɛl munu, ’ka tɔné dɔ. Gakelebale, kolé Bale do kpen ɛ ke Gakelebale nya.

Bélidɔwesɛbɛ Fiézan 6:4 ပူးပေါင်းရင်းမြစ်များ

1 Minwiinzannu 18:21

Yé Éli bié munu va yé é léé: Ka dan daan lɛ kalé yuɛ gi blanle ma mɛ yi laa? Dé Gakelebale a Bale nya, ’ka go a zuo; dé Baal lé, ’ka go ’bɛ zuo. Munu ’ka we do kpen zi pa lɛ a lɛ lo.

2 Minwiinzannu 19:5

Minwiinzan Ézékia wuozannu go Ézai va.

Minwiinzannu lé Wezuofe Sɛbɛ 29:10

David Gakelebale drɔɔ vo zén‐ékevamunu faa yuɛ va. É léé: Gakelebale, ko ti Izraɛl lé Bale, i drɔɔ ’é vo lɛɛ faa tere ma, té a glɛ é dɔ lo.

2 Minwiinmunu lé Wezuofe Sɛbɛ 17:9

Wo we paa Juda munu gi, ’té Gakelebale lé bélidɔsɛbɛ a wo lee. Wo gié Juda flanu faa ta, yé wo we paa munu gi.

Néémi 9:6

Bii Gakelebale, lanu koo, la zi lanu valé wolé sunyanu faa koo, tɛrɛ valé é tafɛnu faa koo, wɛyi valé é vafɛnu faa koo, bii do kpen ɛ wo kɛlɛ. Bii ɛ vole é yuɛma nɔ fɛnu ’ko faa lɛ, yé lagi sunyanu éé diaan bii ɛ ’lɛ.

Lɛrɛvɔ Sɛbɛ 78:5

É Jakɔb dɔ élé wenayezan nya, É bélidɔwe bɛ pa Izraɛl munu lee, Yé é a fe ko tranu lɛ léé, ’wa paa ’wolé nénu gi,

Lɛrɛvɔ Sɛbɛ 86:10

Naa, i a blɛn, i we blɛnblɛn kɛla, Bii do kpen, bii ɛ ke Bale nya.

Ézai 42:8

Maa a Gakelebale nya, an tɔ lé ke bɛ; Maa ’ka anlé fuasan no mi bɛ lɛ lo; Yé an ’ka an tɔbɔle no miyilinu lɛ lo.

Ézai 44:6

Gakelebale lé ke Izraɛl munu nwiinzan valé wo tabozan nya, ’Té é ke lai sunyanu lé Gakelebale nya, é léma: Maa ɛ ke a vininzan nya, yé maa ɛ ke a voélazan nya, Dé é ’ka maa nya lo, Bale bɛ ’ka lo.

Ézai 44:8

Té ka kana lo, té ka ma é nyɔɔn lo; Maa ’ka a fe lɛ ka lɛ é li é kyɛn loo? Ka a anlé wenayezannu nya; Dé é ’ka maa nya lo, Bale bɛ aa? Gɔlɛgɔ bɛ ’ka lo, maa ’ka a do kpen dɔɔa lo.

Zakari 14:9

Gakelebale é dan kɛlɛ lɛ tɛrɛ faa nwiinzan blɛn nya. ’Bɛ yi la Gakelebale do kpen é dan kɛlɛ lɛ Gakelebale nya, yé yee do kpen tɔ é dan vo lɛ.

Matio 22:37

Jézu a zi pa a lɛ léé: ’I Mizan, izé Bale, lɔrɔ pa i bli faa koo, i boen faa koo, i gi bɔrɔle faa koo, wo nya.

WENÉNÉ LÉ LUK A GYE (Évangile selon Luc) 10:27

Yé yee gɔnézan léé: Maa ’ma léé, ’i Mizan izé Bale lɔrɔ pa i bli faa koo, i boen faa koo, ilé plɛplɛ faa koo, i gi bɔrɔle faa koo, wo nya; yé ’i bɔluzan lɔrɔ pa bélé biibozen zo.

WENÉNÉ LE JAN A GYE (Évangile selon Jean) 10:30

Maa valé an Ti, ko a do.

WENÉNÉ LE JAN A GYE (Évangile selon Jean) 17:3

Bii lé i ke Bale nya i do kpen, dé mi i dɔɔ, yé maa Jézu Krist lé i an pa zia, dé mi an dɔɔ, yee ɛ ke vole é yuɛma lé a glɛ ’ka lo, a nya.

Rom munu 3:30

Bale a do kpen, yee ɛ ganedɔmunu kɛla tegele blipale ma, yé yee ɛ ganédɔlomunu kɛla tegele blipale ma. Amalé é a bɛn bɛnu lé Bale nya é ziin.

Éfez munu 4:6

Kazambale a do kpen, é a mi faa Ti nya; é a wo faa nwiin, é a wo faa worona, yé é a wo faa gi.

Bélidɔwesɛbɛ Fiézan 4:39

Amalé, kyɔ ka gi dɔɔ ma, yé ’é vo ka bli gi léé, Gakelebale a Bale nya ma; é a Bale nya la gi yé é a Bale nya tɛrɛ la, bale bɛ ’ka lo.

Bélidɔwesɛbɛ Fiézan 5:6

’Yee ɛ ke Gakelebale, kalé Bale lé é ka si luu gi Éjipiti tɛrɛ la, a nya.

1 Timoté 2:5

Naa, Kazambale a do kpen, yé Kazambale valé munu pa ékemazan a é ziin do kpen, Jézu Krist lé é ke blami nya,

SEBE LÉ JAK A GYE (Épitre de Jacques) 2:19

Bé gi dɔɔ léé, Bale a do kpen, ’bɛ a é zima. Yonu ’bɛ gi dɔɔ é ziin, yé gligli éé zén‐é wo gi.