Bélidɔwesɛbɛ Fiézan 6:2 - Kazambale lé Sebe Sauunu 1979

² Dé ka kana Gakelebale, kalé Bale lee, bélidɔwenu faa valé gɔnɔlawenu faa lé maa a gɔɔn ka lɛ, dé ka wo lɛdɔma, ka koo, ka benu koo, ka benu é benu koo, dé ka wo lɛdɔma kalé tɛrɛla faa gi, ka dan mɔn lɛ tɛrɛ la.

Bélidɔwesɛbɛ Fiézan 6:2 ပူးပေါင်းရင်းမြစ်များ

Wepélisiananu 18:19

Naa, maa a si a va léé, ’é ’é benu valé élé kɔngimunu béli dɔ léé, ’wo tawo Gakelebale lé zi ta, ’té woo we drɔle valé we tegele kɛla; ’bɛ zo lé, we faa lé Gakelebale a fe Abraam lɛ blivolɛdére nya, é dan a kɛlɛ lɛ.

Wepélisiananu 22:12

Lanje léé: Té i bɛ mane né ma lo; té i we do kpen kɛlɛ a lɛ lo; naa, sin maa a gi dɔɔ léé, i kanaan Kazambale lee yé i ’ka i be wɔlɛ do kpen Izak nyané kɛlɛ lɛ an lɛ lo.

1 Minwiinzannu 8:40

yé wo dan kana lɛ i lee, bléyi lé wo nyana, tɛrɛ lé bé nɔ ko tranu lɛ, a ta, ’bɛ bléyi faa va.

JOB (Job) 28:28

Yé é lé blami lɛ léé: I a yé loo? Kanale Mizan lee lé ke wedɔɔle nya, Sile wenaané ma baa ɛ ke gikinile nya.

Lɛrɛvɔ Sɛbɛ 111:10

Wedɔɔle pélisiana lé ke kanale Gakelebale lee nya; Munu faa lé woo tawoo ’bɛ ta, woo we maan tegele. Munu lé a tɔ zin fele éé voo ana lɛɛfaama.

Lɛrɛvɔ Sɛbɛ 128:1

Gɔ gié lɛrɛ do lé. Munu faa lé woo kanaan Gakelebale lee, ’Té woo tawoo alé zinu ta, wozé a néné.

Lɛrɛvɔ Sɛbɛ 91:16

Maa dan a kan lɛ yi kiɛre nya, Yé maa mi sié we gi fɛan zo, maa dan a gɔɔn lɛ a lɛ.

Fwile 20:12

I ti valé i bu lɛdɔma, ilé yinu kɛlɛle kiɛre we gi, tɛrɛ lé Gakelebale, ilé Bale a nɔ i lɛ, a ta.

Fwile 20:20

Moizi lé munu lɛ léé: Té ka kana lo; ka gi danle koo, kanale Bale lee kɛlɛle ka gi yé ka ’ka wenyané kɛla lo koo, ’bɛ lé we ma lé Kazambale da.

Wegɔnévɔlenu 16:6

Zin kɛlɛle valé yara pale we la éé mi lé weple ’yiboo, yé kanale Gakelebale lee ma lé woo nwun zi dɔa wenyané ta.

Wegɔnévɔlenu 3:16

Mɔnle tɛrɛ la a wedɔɔle bɛyi lee; fua valé tɔbɔle a a bɛbo lee.

Wegɔnévɔlenu 9:11

Maa nya lé ilé yinu taa é dan pa lɛ, yé ilé tɛrɛla lɛɛnu gi é dan gyɛ lɛ.

Bale Lé We Gifezan 12:13

Wedɔɔzannu dérenu a bélé foroné zo; dé wa é gyɛle ékeva fɛ dona, wa bélé pɔnténu lé wo wo blin, wo zo; dére ’konu faa si mi do ’léé.

Jérémi 32:39

Maa dan bli do vɔ lɛ wo gi, yé maa dan zi do gɔɔn lɛ wo lɛ, léé, ’wo kana an lee yifaama, wo valé wolé nénu lé we zin yele we ma.

Ézékiɛl 20:19

Maa lé ke Gakelebale, kalé Bale nya. ’Ka tawo anlé weplalenu yɛrama; ’ka an déretawenu kɛlɛ, yé ’ka wo ta tawo.

WENÉNÉ LÉ LUK A GYE (Évangile selon Luc) 12:5

Mi lé é a lé ka kana a lee, maa dan ’bɛzan nagɔɔn lɛ ka lɛ. Mi lé dé é mi kɔlɛ gyɛ faa, a vulile jéɛna kyɛ va se ke a lɛ, a lee lé ’ka kana ma; iin, maa lé ka lɛ léé, mi lé é a lé ka kana a lee, yee lé é ke bɛ.

Bélidɔwesɛbɛ Fiézan 10:20

’Ka kana Gakelebale, kalé Bale lee, ’ka a bɔ, ’ka buvɔ a ma, ’ka bale ’nyɔɔn a tɔ nya.

Bélidɔwesɛbɛ Fiézan 11:9

yé ka bɔalɛ léé, ka mɔn, tɛrɛ lé Gakelebale a fe ka tranu lɛ ébo ’nyɔɔnle nya léé, é dan a nɔ lɛ wo valé wo kulunu lɛ, a ta; é a tɛrɛ nyɔnɔzan nya.

Bélidɔwesɛbɛ Fiézan 13:4

’Ka go Gakelebale, kalé Bale ɛ zuo, yé ’ka kana yee ɛ lee; ’ka a sɔnnénu pa, ’ka a dére lɛdɔma, ’ka a bɔ, yé ’ka buvɔ yee ɛ ma.

Bélidɔwesɛbɛ Fiézan 15:5

’té dé ka Gakelebale, kalé Bale dére lɛdɔma, ’té dé ka tawo é zima, a sɔnné ’konu faa lé maa wo gɔɔn ka lɛ kyɔ, wo ta.

Bélidɔwesɛbɛ Fiézan 22:7

’i mianénu bu vo yé bé nénu saa ɛ si, ka gi nanale we gi yé kalé tɛrɛlayinu é kɛlɛ di.

Bélidɔwesɛbɛ Fiézan 30:19

Maa la valé tɛrɛ si anlé wenayezannu nya kyɔ léé, vole é yuɛma valé gale koo, drɔɔvole valé balepale koo, maa wo pla ka ’lɛ kyɔ. ’Ka vole é yuɛma si a va, ka valé kalé nénu vole é yuɛma we gi,

Bélidɔwesɛbɛ Fiézan 30:20

yé ’ka Gakelebale, kalé Bale lɔrɔ pa, yé ’ka a dére lɛdɔma, yé ’ka buvɔ a ma; naa, ka vole é yuɛma valé ka mɔnle tɛrɛ la éé sié ’bɛ ɛ va, yé ’bɛ zo lé ka dan nyana lɛ tɛrɛ lé Gakelebale ébo ’nyɔɔn ka tranu Abraam koo, Izak koo, Jakɔb koo, wo lɛ léé, é dan a nɔ lɛ wo lɛ, a ta.

Bélidɔwesɛbɛ Fiézan 4:10

Yian nya lé ka dɔ Gakelebale, kalé Bale ’lɛ Orɛb, a sele ’é dɔ ka gi ma; ’bɛ yi la lé Gakelebale lé an lɛ léé, ’maa munu zén ékeva ’é sɔnɔ. É a a va léé, wo ’é dére ’ma, yé wo kanale ’é lee gi dɔɔ wolé tɛrɛla faa gi, yé wo ’é dérenu paa wolé nénu gi; a sele ’é dɔ ka gi ma.

Bélidɔwesɛbɛ Fiézan 4:40

’Ka dɔ alé bélidɔwenu ta ma, yé ’ka a sɔnnénu pa ma; maa wo gɔɔn ka lɛ kyɔ; dé ka kɛlɛ, ka gi é dan nana lɛ, ka valé kalé nénu nya ka zuo, yé ka dan mɔn lɛ, tɛrɛ lé Gakelebale kalé Bale a nɔ ka lɛ, a ta.

Bélidɔwesɛbɛ Fiézan 4:9

Naa, we do ana. ’Ka yuɛ pa kabo va. ’Ka yuɛ pa kabozen va é zima kalé tɛrɛla faa gi, wenu lé ka wo ye ka yuɛ nya, té ka gi é san wo do kpen ma lo, té ’wo si ka bli gi lo; ’ka wo paa kalé nénu valé ka nénénu gi.

Bélidɔwesɛbɛ Fiézan 5:16

I ti valé i bu lɛdɔma, Gakelebale, kalé Bale a fe ka lɛ fɛan zo, a zo, yé ka dan mɔn lɛ tɛrɛ la, yé ka gi é dan nana lɛ tɛrɛ lé Gakelebale, kalé Bale, a nɔ ka lɛ, a ta.

Bélidɔwesɛbɛ Fiézan 5:33

Tawobɛ lé Gakelebale, kalé Bale a gɔɔn ka lɛ, ’ka tawo a yɛrama ’kyɛ, ka vole é yuɛma valé ka gi nanale we gi, yé ka mɔn tɛrɛ lé é dan kɛlɛ lɛ kazé nya, a ta.

Bélidɔwesɛbɛ Fiézan 6:1

Bale sɔnnénu lé Gakelebale, kalé Bale a fe léé, maa a paa ka gi, wo valé bélidɔwenu valé ka gɔnɔlawenu nya, wo lé ke ’ko. É léé, maa wo paa ka gi yé ka wo ta tawo, tɛrɛ lé ka dan a si lɛ kazé nya, a ta.

Bélidɔwesɛbɛ Fiézan 6:24

Gakelebale lé ko lɛ léé, ’ko bélidɔwe ’konu lɛdɔma yé ’ko kana yee Gakelebale, kolé Bale lee, ko gi nanale yifaama we gi, yé é ko vo é yuɛma, fɛan zo lé é a kɛlɛ kyɔ, a zo.

Bélidɔwesɛbɛ Fiézan 6:7

’Ka wo paa kalé nénu gi; dé ka a kalé kɔn gioo, dé ka a ta laoo, dé ka yiaoo, dé ka nwaoo, ’ka wo glewo.

Jozué 4:24

tɛrɛlamunu faa lé a gi dɔɔle we ma lé Gakelebale bɛ a plɛplɛ, yé kanale Gakelebale kazé Bale lee ’é vo ka gi yifaama.

1 Piɛri 1:17

Mi lé éé munu faa lé we blé wo kɛlɛwe yɛrama, ’té é ’ka glɛ dɔa mi gi bɛ lo, dé ka a laan ka Ti, ’ka tawo kanale nya a lee, kalé dɔwola tɛrɛ la.