Bélidɔwesɛbɛ Fiézan 6:18 - Kazambale lé Sebe Sauunu 1979

¹⁸ We lé é ke tegele valé é zima Gakelebale yuɛ gi, ’ka ’bɛ kɛlɛ, ka gi nanale valé ka wɔrale we gi, tɛrɛ zima lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ bɛ, a ta,

Bélidɔwesɛbɛ Fiézan 6:18 ပူးပေါင်းရင်းမြစ်များ

Lɛrɛvɔ Sɛbɛ 19:11

Wo wea é mini kyan lɛ, é mini kyan tegele kiɛre ta; Wo néné mini zɔrɔnyɔnɔ ta, é mini zɔrɔnyɔnɔ lé éé sié zɔrɔyoduo gi, ’té éé yoroan, a ta.

Fwile 15:26

É léé: Dé i Gakelebale, ilé Bale dére ban i tɔné nya é zima, we lé ke tegele a yuɛ gi, dé bé kɛlɛ, dé i tɔné dɔ alé bélidɔwenu lɛ, dé i tawo a sɔnné faa yɛrama, gyɛnu lé maa Éjipiti munu gyɛ wo nya, maa ’ka dan i gyɛ lɛ a do kpen nya lo; maa a Gakelebale lé éé i bélié, a nya, azama.

Ézai 3:10

’Ka fe léé, mi tegele bɛ ma é dan kɛlɛ lɛ néné; a gi é dan nana lɛ é kɛlɛwenu tɔnɔ ma.

Ézai 38:3

Oo Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé ké é zima i yuɛ gi, yee lé maa a kɛlɛ. Yé Ézékia yuɛ’yi so kiɛre.

Ézékiɛl 18:19

Ka léma: Mɛmalé wo ’ka weple kɛlɛzan lé kɔné dɔa a be nwiin loo? A gi lé ke ’ko: A be we kɛlɛ we drɔle valé we tegele yɛrama é wo; é anlé bélidɔwenu faa lɛdɔama yé é wo tawe kɛlɛ; é dan vo lɛ é yuɛma.

Ézékiɛl 18:21

Dé mi nyané é bli nɔla wenyanénu lé é wo kɛlɛ, wo ma, dé éé anlé bélidɔwenu faa lɛdɔa a ma, yé éé we drɔle valé we tegele kɛla, é dan vo lɛ é yuɛma, é ’ka dan ga lɛ lo.

Ézékiɛl 18:27

Dé mi nyané é bli nɔla élé wenyané kɛlɛle ma, yé é we drɔle valé we tegele kɛlɛ, é dan é boen vo lɛ é yuɛma.

Ézékiɛl 18:5

Mian é ke tegele, ’té éé we drɔle valé we tegele kɛla,

Ézékiɛl 33:14

Dé maa fe mi nyané lɛ léé: I dan ga lɛ, dé é daan élé wenyané ma yé é tawo é drɔle yé é we tegele kɛlɛ,

Ézékiɛl 33:16

Wenyané faa lé é a kɛlɛ, an gi é dan san lɛ wo ma; sin, dé é a we drɔle valé we tegele kɛlɛna, é dan béli lɛ.

Ézékiɛl 33:19

Dé mi nyané si é kɛlɛwe nyané zuo yé é we drɔle valé we tegele kɛlɛ, é dan béli lɛ ’bɛ lé we ma.

OZÉ (Osée) 14:9

Mi lé é we dɔɔ, ’é gi bɔrɔ we ’konu ma ma. Mi lé a ’wuo ke a ta, ’é wo ’ma ma. Naa, Gakelebale lé zinu a é drɔle tegele; mi tegelenu é dan tawo lɛ wo ta, naa, nwamimazannu é dan dia lɛ ana.

WENÉNÉ LE JAN A GYE (Évangile selon Jean) 8:29

Mi lé é an pa zia é a an va; a sɔlɛwe lé maa kɛla yifaama, amalé é ’ka an voo an do lo.

Rom munu 12:2

Té ka kabo kɛlɛ laomunu zo lo, naa, ka ’wuogibɔrɔle a fɛan zo bɛ, ’ka zi nɔ Bale lɛ yé é ’bɛ nɔla yé ’bɛna lé ’ka kɛlɛ é yɛrama, yé ka bɔ Kazambale lé blibɔmawe dɔɔle lɛ; yee ɛ ke é zima, yee ɛ ke é sɔke, gun ’ka yee ɛ ma lo.

Bélidɔwesɛbɛ Fiézan 12:25

Té ka ble lo, ka gi nanale we gi ka valé kalé nénu nya ka zuo, naa, we lé ke we drɔle nya Gakelebale yuɛ gi, dé mi ’bɛ kɛlɛ, ’bɛzan gi é dan nana lɛ.

Bélidɔwesɛbɛ Fiézan 12:28

We faa lé maa a fena ka lɛ, ’ka tɔné dɔ wo lɛ yé ’ka wo tawe kɛlɛ, ka gi nanale lɛɛfaama we gi, ka valé kalé nénu nya ka zuo; naa, we lé ke é zima valé é drɔle Gakelebale, kalé Bale yuɛ gi, dé ka ’bɛ kɛlɛ, ka gi é dan nana lɛ.

Bélidɔwesɛbɛ Fiézan 13:18

Dé ka Gakelebale, kalé Bale dére ’ma, yé a sɔnnénu lé maa wo gɔɔn ka lɛ kyɔ, dé ka wo pa, yé we lé é ke é drɔle Gakelebale, kalé Bale yuɛ gi, dé ka ’bɛ kɛlɛ, Gakelebale é dan we ’konu faa kɛlɛ lɛ ka lɛ.

Bélidɔwesɛbɛ Fiézan 4:40

’Ka dɔ alé bélidɔwenu ta ma, yé ’ka a sɔnnénu pa ma; maa wo gɔɔn ka lɛ kyɔ; dé ka kɛlɛ, ka gi é dan nana lɛ, ka valé kalé nénu nya ka zuo, yé ka dan mɔn lɛ, tɛrɛ lé Gakelebale kalé Bale a nɔ ka lɛ, a ta.

Bélidɔwesɛbɛ Fiézan 5:29

Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

Bélidɔwesɛbɛ Fiézan 5:33

Tawobɛ lé Gakelebale, kalé Bale a gɔɔn ka lɛ, ’ka tawo a yɛrama ’kyɛ, ka vole é yuɛma valé ka gi nanale we gi, yé ka mɔn tɛrɛ lé é dan kɛlɛ lɛ kazé nya, a ta.

Bélidɔwesɛbɛ Fiézan 6:10

Tɛrɛ lé Gakelebale, kalé Bale ébo ’nyɔɔn ka tranu Abraam valé Izak valé Jakɔb lɛ léé, é dan a nɔ lɛ ka lɛ, é dan go lɛ ka nya ana. Fla blɛn zinnu lé ka ’ka wo pa lɛ lo, ka dan nyana lɛ wo ta;

Bélidɔwesɛbɛ Fiézan 6:19

’té dé é ka nyanézannu faa bin ka ’lɛ, Gakelebale a fe fɛan zo, a zo.

Bélidɔwesɛbɛ Fiézan 8:11

’Ka yuɛ pa kabozen va, té ka gi é san Gakelebale, kalé Bale ma lo, yé a sɔnnénu valé ka gɔnɔlawenu valé alé bélidɔwenu lé maa wo gɔɔn ka lɛ kyɔ yé ka ’ka wo ta tawo lo lo.