Bélidɔwesɛbɛ Fiézan 6:17 - Kazambale lé Sebe Sauunu 1979

¹⁷ Gakelebale, kalé Bale sɔnnénu koo, alé gɔnɔlawenu koo, alé bélidɔwenu koo, ’té é wo gɔɔn ka lɛ bɛ, ’ka wo ta tawo.

Bélidɔwesɛbɛ Fiézan 6:17 ပူးပေါင်းရင်းမြစ်များ

Lɛrɛvɔ Sɛbɛ 119:4

I we pla munu lɛ, Wolé i déretawenu kɛlɛle tegele we ma.

Bélidɔwesɛbɛ Fiézan 11:22

Naa, sɔnnénu faa lé maa wo fe ka lɛ, dé ka wo pa, dé ka wo ta tawo, yé ka Gakelebale, kalé Bale lɔrɔ pa, yé ka tawo alé zinu faa ta, yé ka buvɔ a ma,

2 Piɛri 3:14

Bɛwemalé, an blibɔmazannu, bléyian va lé ka ke we ’konu lɛbɛnna, ’ka yara pa kabo ma’lɛrɛle ta léé, a yi ’é bɔ ka ma drɔɔ, ’té ka tiri ’ka lo, ’té ka nwiin a é pla.

1 Korent munu 15:58

Bɛwemalé, an sɔlɛbwenu, ’ka dɔ plɛplɛ ma; ’ka dɔ gligli ma; ka a gi dɔɔ léé, kalé nyanama ’ka dan vo lɛ é pla Mizan gi lo, bɛwemalé ’ka yara pa Mizan lé nyanama pale ta é zima ma.

Tite 3:8

We ’ko a wegɔné nya. É sɔ an lɛ léé, i dɔ a ta tegele, té i daan a fele ma lo, léé, munu lé wo bli vo Kazambale lɛ, ’wo wezinnu kɛlɛ wo bli faa nya. We lé é ke é zima ’té munu éé tɔnɔ yé a ma, yee lé ke bɛ.

Fwile 15:26

É léé: Dé i Gakelebale, ilé Bale dére ban i tɔné nya é zima, we lé ke tegele a yuɛ gi, dé bé kɛlɛ, dé i tɔné dɔ alé bélidɔwenu lɛ, dé i tawo a sɔnné faa yɛrama, gyɛnu lé maa Éjipiti munu gyɛ wo nya, maa ’ka dan i gyɛ lɛ a do kpen nya lo; maa a Gakelebale lé éé i bélié, a nya, azama.

Ébrunu 6:11

É sɔ ko lɛ léé, ka faa ’é vo a kɛlɛna ka sɔbɛla nya fɔɔ yé we lé ka bli ke a lɛ, yé ka a ye.

Bélidɔwesɛbɛ Fiézan 11:13

Bale sɔnnénu lé maa wo fe ka lɛ kyɔ, dé ka wo pa, dé ka Gakelebale kalé Bale lɔrɔ pa, dé ka a bɔ ka bli valé kaboen faa nya,

Bélidɔwesɛbɛ Fiézan 5:1

Moizi Izraɛl munu faa laa yé é lé wo lɛ léé: Izraɛl munu, bélidɔwenu valé ka gɔnɔlawenu lé maa a wo fena ka lɛ kyɔ, ’ka tɔné dɔ wo lɛ. ’Ka wo pa ka ’wuo gi, yé ’ka wo ta tawo é zima ma.

Bélidɔwesɛbɛ Fiézan 5:29

Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

Bélidɔwesɛbɛ Fiézan 5:32

We lé Gakelebale, kalé Bale a fe ka lɛ, ’ka a kɛlɛ é zima; dé ka bɛyila léé, dé ka bɛbola léé, té ka nɔla ana lo.

Bélidɔwesɛbɛ Fiézan 27:1

Moizi valé Izraɛl lé mi segelenu dére ’ko fe munu lɛ léé, bélidɔwenu faa lé ko wo fe ka lɛ kyɔ, ’ka wo ta tawo.

Lɛrɛvɔ Sɛbɛ 119:2

Munu lé woo alé wepladérenu maan, ’Té wa lɛdɔama wo bli faa nya, wozé a néné.