Bélidɔwesɛbɛ Fiézan 6:11 - Kazambale lé Sebe Sauunu 1979

¹¹ kɔnnu lé wo ke é fanle fɛ zin gɔnɔ faa lé ka ’ka wo téé lɛ lo, wo nya, wo dan kɛlɛ lɛ kazé nya; ’yiguru lé ka ’ka wo bo lɛ lo koo, dɔrɔféinu lé ka ’ka wo pa lɛ lo koo, ɔliviyilinu lé ka ’ka wo suru lɛ lo koo, wo dan kɛlɛ lɛ kazé nya.

Bélidɔwesɛbɛ Fiézan 6:11 ပူးပေါင်းရင်းမြစ်များ

Néémi 9:25

Wo kɛlɛ fla plɛplɛnu valé fɛdɔtɛrɛ zin nwiinzannu nya; kɔnnu lé ke é fanle fɛ zin gɔnɔ faa nya, wa ye é pla; ’yigurunu koo, dɔrɔféinu koo, ɔliviféinu koo, porobaayili kiɛre koo, wa ye é pla. Wo fɛ ble yé wo kan yé wo bua, yé ilé zin blɛn gi wolé tɛrɛla kɛlɛ néné.

Lɛrɛvɔ Sɛbɛ 105:44

É bɛn bɛnu lé tɛrɛ nɔ wo lɛ, Yé nyanama lé bɛn bɛnu a pa, wo a tɔnɔ ble,

Bélidɔwesɛbɛ Fiézan 11:15

Gakelebale léé, é dan lu tuu lɛ kalé trubɛnu zé nya; ka dan fɛ ble lɛ yé ka dan kan lɛ.

Bélidɔwesɛbɛ Fiézan 14:29

Yé Lévi mi lé é ’ka ’ézé tɔnɔfɛ ye lɛ ka va lo, yee koo, bɛn bɛ gi munu koo, ti valé bugalazannu koo, gyɛzaralomu koo, ’té wo ke ka va bɛ, wo dan a ble lɛ yé wo dan kan lɛ; ’ka kɛlɛ ’bɛ zo, Gakelebale, kalé Bale lé ka bɛ panyanama faa drɔɔ vole we gi.

Bélidɔwesɛbɛ Fiézan 19:1

Tɛrɛ lé Gakelebale, kalé Bale a nɔ ka lɛ, dé Gakelebale, kalé Bale ana bɛnnu faa nyaa, dé ka ana bɛnnu bin yé ka nyana wolé flanu ta yé ka nyana wolé kɔnnu gi,

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,

Jozué 24:13

Tɛrɛ lé ka ’ka a ma nyanama pa lɛ lo, maa a nɔ ka lɛ; flanu lé ka ’ka wo pa lɛ lo, maa a nɔ ka lɛ yé ka nyana wo ta; dɔrɔféinu valé ɔliviyilinu lé ka ’ka wo suru lɛ lo, maa a nɔ ka lɛ yé ka a ma fɛ ble.

Weblezannu 3:7

We lé é ’ka sɔ lɛ Gakelebale lɛ lo, Izraɛl lé nénu a kɛlɛ; wo gi san Gakelebale ma, yé wo Baalnu valé miyilinu bɔ.