Bélidɔwesɛbɛ Fiézan 5:31 - Kazambale lé Sebe Sauunu 1979

³¹ Naa, maa, maa vo ’é va ’ko; ’é sɔnnénu koo, ’élé bélidɔwenu koo, ka gɔnɔlawenu koo, ’é dan wo faa gɔɔn lɛ an lɛ, yé maa dan wo paa lɛ ka gi, kalé wo ta tawole we gi, tɛrɛ lé é dan a nɔ lɛ ka lɛ kazé nya, a ta. A zo lé Gakelebale a fe an lɛ.

Bélidɔwesɛbɛ Fiézan 5:31 ပူးပေါင်းရင်းမြစ်များ

2 Minwiinzannu 17:37

Alé weplalenu koo, a déretawenu koo, bélidɔwe valé a sɔnnénu koo, wo faa lé é a gyɛ ka lɛ bɛ, ’ka wo kɛlɛ yé ’ka tawo wo yɛrama yifaama, yé té ka kana bale bɛnu lee lo.

Fwile 24:12

Gakelebale lé Moizi lɛ léé: ’I gɔ gié an vazia, yé ’i vo ’ko; maa dan gɔlɛfénnu nɔ lɛ i lɛ, bélidɔwenu valé an sɔnnénu lé maa wo gyɛ we paale wo gi we ma, wo nya.

Fwile 24:18

Moizi wɔra lati méléna yé é gɔ gié. Moizi vo gɔ nwiin yi yɔ fié, bladi nyanadi.

Ézékiɛl 20:11

Anlé bélidɔwenu valé an dére lé é a lé blami a ta tawo, vole é yuɛma we gi bɛ, maa wo nɔ wo lɛ.

Malasi 4:4

Bélidɔwe lé maa a nɔ an wuozan Moizi lɛ Orɛb gɔ nwiin, a sele ’é dɔ ka gi; maa wepladére valé sɔnnénu fe a lɛ Izraɛl faa zé nya.

Galasi munu 3:19

Mɛmalé wo bélidɔwe kɛlɛɛ? Wa kɛlɛ é voéla munu lé bélidɔwe sɛrɛlenu nagɔɔnle wo lɛ we ma. Wa kɛlɛ bléyi ke zé nya, fɔɔ yé mi kulu lé Bale blivolɛdére fe azé nya é kyɛn bɛ, yé ’é da a glɛ dɔ. Lanjenu da bélidɔwe nya yé wa nɔ weyuru lɛ, léé, ’é a fe.

Bélidɔwesɛbɛ Fiézan 11:1

’Ka Gakelebale, kalé Bale lɔrɔ pa; ’ka alé weplale ka lɛ nyi si, ’ka alé bélidɔwenu ta tawo, ’ka a gɔnɔlawenu kɛlɛ, ’ka a sɔnnénu pa.

Bélidɔwesɛbɛ Fiézan 12:1

Bélidɔwenu valé ka gɔnɔlawenu lé ka dan wo lɛdɔ lɛ a ma yé ka dan wo ta tawo lɛ, bléyi faa lé ka nyanaan tɛrɛ lé Gakelebale, ka tranu lé Bale a nɔ ka lɛ, a ta, a bléyi va, wo lé ke ko:

Bélidɔwesɛbɛ Fiézan 3:18

Maa ka béli dɔ yi la léé, Gakelebale, kalé Bale, é tɛrɛ ’ko nɔ ka lɛ léé, ’ka a kɛlɛ kazé nya. ’Kaa sunyanu faa, ’ka tawo Izraɛl lé nénu ’lɛ, ’té gulidanfɛnu a ka lee.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 4:45

Bale lé wenu lé Moizi a gɔɔn Izraɛl lé nénu lɛ, wo fwile Éjipiti tɛrɛ la zuo, alé weplalenu valé alé bélidɔwenu valé wo gɔnɔlawenu nya, wo lé ke bɛ.

Bélidɔwesɛbɛ Fiézan 4:5

Ka ye, maa Bale lé bélidɔwenu valé alé gɔnɔlawenu paa ka gi, Gakelebale, anlé Bale a pa an ’léé fɛan zo, a zo, kalé wo ta tawole we gi, tɛrɛ lé ka dan a kɛlɛ lɛ kazé nya, a ta.

Bélidɔwesɛbɛ Fiézan 5:1

Moizi Izraɛl munu faa laa yé é lé wo lɛ léé: Izraɛl munu, bélidɔwenu valé ka gɔnɔlawenu lé maa a wo fena ka lɛ kyɔ, ’ka tɔné dɔ wo lɛ. ’Ka wo pa ka ’wuo gi, yé ’ka wo ta tawo é zima ma.

Bélidɔwesɛbɛ Fiézan 5:30

É léé, ’maa go, ’maa fe ka lɛ léé, ’ka go kalé sɔkɔn ’léé.

Bélidɔwesɛbɛ Fiézan 6:1

Bale sɔnnénu lé Gakelebale, kalé Bale a fe léé, maa a paa ka gi, wo valé bélidɔwenu valé ka gɔnɔlawenu nya, wo lé ke ’ko. É léé, maa wo paa ka gi yé ka wo ta tawo, tɛrɛ lé ka dan a si lɛ kazé nya, a ta.