Bélidɔwesɛbɛ Fiézan 5:29 - Kazambale lé Sebe Sauunu 1979

²⁹ Oo, bli ’ko duo ’é vo wo gi yifaama ma, yé ’wo kana ’é lee ma, yé ’wo ’élé bélidɔwe lɛdɔma ma, yé wo gi é dan nana lɛ yifaama, wo valé ’wolé nénu nya.

Bélidɔwesɛbɛ Fiézan 5:29 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:18

Gakelebale ko tranu Abraam koo, Izak koo, Izraɛl koo, wolé Bale, ’i bligiwe ’ko valé gibɔrɔle ’ko vo ilé munu bli gi yifaama, yé i wo dɔ gligli i va.

Lɛrɛvɔ Sɛbɛ 106:3

Munuan woo tawoo bélidɔwe ta, ’Té woo we tegele kɛla bléyi faa va, wozé a néné.

Lɛrɛvɔ Sɛbɛ 19:11

Wo wea é mini kyan lɛ, é mini kyan tegele kiɛre ta; Wo néné mini zɔrɔnyɔnɔ ta, é mini zɔrɔnyɔnɔ lé éé sié zɔrɔyoduo gi, ’té éé yoroan, a ta.

Lɛrɛvɔ Sɛbɛ 19:12

Woo we paan i wuozan gi é ziin; Munu lé woo tawoo wo ta, woo tɔnɔ blɛn yé.

Lɛrɛvɔ Sɛbɛ 78:7

Léé, ’wo pa Bale ta, Léé, té wo gi é san Bale panyanamanu ma lo, Yé ’wo alé bélidɔwe sɔnnénu pa,

Lɛrɛvɔ Sɛbɛ 81:16

Munu lé Gakelebale za ke wo gi, ’té wo blaané dére fe, Yé ’té Izraɛl munu gi é dan nana lɛ yifaama;

Ézai 3:10

’Ka fe léé, mi tegele bɛ ma é dan kɛlɛ lɛ néné; a gi é dan nana lɛ é kɛlɛwenu tɔnɔ ma.

Ézai 48:18

Dé é vo kɔɔn lé i tɔné dɔ anlé bélidɔwe lɛ, ’Té ilé we zin yele zén i ta bélé ’blɛ zo, Yé i dan fan lɛ ginanale nya;

Jérémi 42:6

Gakelebale kolé Bale lé ko i pa zia a va bɛ, dé é wezin feoo, dé é wenyané feoo, ko dan a lɛdɔ lɛ a ma, yé ko gi ’é nana, ’té dé ko Gakelebale kolé Bale dére lɛdɔma.

Jérémi 44:4

Maa an wuozannu balelayezannu faa pa ka lɛ zia, yé an ’ka daan lɛ wo pale ma ka lɛ zia lo, a fele ka lɛ we ma léé, bozowe ’konu lé wo za ke an gi, té ka wo kɛlɛ lo.

Matio 23:37

Jérusalɛm munuoo, Jérusalɛm munu, ka lé ka balelayemunu gya, ’té munu lé maa wo paan ka lɛ zia, ka wo gya gɔlɛ nya, gɔnɔ kiɛre nya maa a a va léé, maa ka wɔra an va, bélé fɛan zo lé mane tina élé nénu wɔraan ’é bɛa wuo, a zo, yé ka ’ka a nyi si lɛ lo.

WENÉNÉ LÉ LUK A GYE (Évangile selon Luc) 11:28

Yé Jézu a zi pa a lɛ léé: Gba, munu lé woo tɔné dɔa Kazambale dére lɛ, ’té woo a ta tawoo, wo ɛ zé ke néné.

WENÉNÉ LÉ LUK A GYE (Évangile selon Luc) 19:42

yé é léé: Kyɔ yi ’ko nya, bii ’ka i vole drɔɔ zi dɔɔa lo baa? Naa, ’bɛ a é yɔɔle i ma.

WENÉNÉ LE JAN A GYE (Évangile selon Jean) 15:14

We lé maa ka béli dɔ a nya, dé ka a kɛla, ’té ka a an béénu nya.

2 Korɛnt Munu 5:20

Bɛwemalé ko a Krist bɛgizannu nya, bélé fɛan zo lé Kazambale éé we plaan mi lɛ ko lɔlu nya, a zo; ’té ko zanté vɔa ka lɛ Krist tɔ gi léé, ’ka nana Kazambale va ma.

2 Korɛnt Munu 6:1

Ko a Kazambale va nyanamapa béénu nya, bɛwemalé ko we plaan ka lɛ léé, Kazambale lé zin lé ka ye, té é vo ka ma é pla lo.

Éfez munu 6:3

yee lé ke léé, ’bé kɛlɛ, i gi nanale we ma yé i mɔn tɛrɛ la.

Bélidɔwesɛbɛ Fiézan 10:12

Amalé, sin, Izraɛl munu, Gakelebale a a va léé, ka mɛ kɛlɛɛ? É ’ka a va léé, ’ka kana é lee, yé ’ka tawo élé zinu ta, yé ’ka ’é lɔrɔ pa yé ’ka ’é bɔ ka bli faa valé kaboen faa nya loo?

Bélidɔwesɛbɛ Fiézan 10:20

’Ka kana Gakelebale, kalé Bale lee, ’ka a bɔ, ’ka buvɔ a ma, ’ka bale ’nyɔɔn a tɔ nya.

Bélidɔwesɛbɛ Fiézan 11:1

’Ka Gakelebale, kalé Bale lɔrɔ pa; ’ka alé weplale ka lɛ nyi si, ’ka alé bélidɔwenu ta tawo, ’ka a gɔnɔlawenu kɛlɛ, ’ka a sɔnnénu pa.

Bélidɔwesɛbɛ Fiézan 12:25

Té ka ble lo, ka gi nanale we gi ka valé kalé nénu nya ka zuo, naa, we lé ke we drɔle nya Gakelebale yuɛ gi, dé mi ’bɛ kɛlɛ, ’bɛzan gi é dan nana lɛ.

Bélidɔwesɛbɛ Fiézan 12:28

We faa lé maa a fena ka lɛ, ’ka tɔné dɔ wo lɛ yé ’ka wo tawe kɛlɛ, ka gi nanale lɛɛfaama we gi, ka valé kalé nénu nya ka zuo; naa, we lé ke é zima valé é drɔle Gakelebale, kalé Bale yuɛ gi, dé ka ’bɛ kɛlɛ, ka gi é dan nana lɛ.

Bélidɔwesɛbɛ Fiézan 19:13

Té ka nyanai é zén a ta lo, mi lé we ’ka a nwiin lo, ’ka a nyɛ sia Izraɛl tɛrɛ la, yé ka gi é dan nana lɛ.

Bélidɔwesɛbɛ Fiézan 22:7

’i mianénu bu vo yé bé nénu saa ɛ si, ka gi nanale we gi yé kalé tɛrɛlayinu é kɛlɛ di.

Bélidɔwesɛbɛ Fiézan 4:10

Yian nya lé ka dɔ Gakelebale, kalé Bale ’lɛ Orɛb, a sele ’é dɔ ka gi ma; ’bɛ yi la lé Gakelebale lé an lɛ léé, ’maa munu zén ékeva ’é sɔnɔ. É a a va léé, wo ’é dére ’ma, yé wo kanale ’é lee gi dɔɔ wolé tɛrɛla faa gi, yé wo ’é dérenu paa wolé nénu gi; a sele ’é dɔ ka gi ma.

Bélidɔwesɛbɛ Fiézan 4:2

We lé maa a fena ka lɛ, té ka a taa do kpen pa lo, té ka a ke si a ta lo; naa, Gakelebale, kalé Bale lé bélidɔwenu lé maa a fena ka lɛ, ’ka wo ta we kɛlɛ.

Bélidɔwesɛbɛ Fiézan 4:40

’Ka dɔ alé bélidɔwenu ta ma, yé ’ka a sɔnnénu pa ma; maa wo gɔɔn ka lɛ kyɔ; dé ka kɛlɛ, ka gi é dan nana lɛ, ka valé kalé nénu nya ka zuo, yé ka dan mɔn lɛ, tɛrɛ lé Gakelebale kalé Bale a nɔ ka lɛ, a ta.

Bélidɔwesɛbɛ Fiézan 5:16

I ti valé i bu lɛdɔma, Gakelebale, kalé Bale a fe ka lɛ fɛan zo, a zo, yé ka dan mɔn lɛ tɛrɛ la, yé ka gi é dan nana lɛ tɛrɛ lé Gakelebale, kalé Bale, a nɔ ka lɛ, a ta.

Bélidɔwesɛbɛ Fiézan 5:30

É léé, ’maa go, ’maa fe ka lɛ léé, ’ka go kalé sɔkɔn ’léé.

Bélidɔwesɛbɛ Fiézan 5:33

Tawobɛ lé Gakelebale, kalé Bale a gɔɔn ka lɛ, ’ka tawo a yɛrama ’kyɛ, ka vole é yuɛma valé ka gi nanale we gi, yé ka mɔn tɛrɛ lé é dan kɛlɛ lɛ kazé nya, a ta.

Bélidɔwesɛbɛ Fiézan 6:17

Gakelebale, kalé Bale sɔnnénu koo, alé gɔnɔlawenu koo, alé bélidɔwenu koo, ’té é wo gɔɔn ka lɛ bɛ, ’ka wo ta tawo.

Bélidɔwesɛbɛ Fiézan 6:18

We lé é ke tegele valé é zima Gakelebale yuɛ gi, ’ka ’bɛ kɛlɛ, ka gi nanale valé ka wɔrale we gi, tɛrɛ zima lé Gakelebale ébo ’nyɔɔn ka tranu lɛ léé, é dan a nɔ lɛ ka lɛ bɛ, a ta,

Bélidɔwesɛbɛ Fiézan 6:3

Amalé, Izraɛl munu, ’ka tɔné dɔ wo lɛ, yé ’ka wo ta tawo é zima, ka gi nanale valé ka fanle we ma, Gakelebale, ka tranu lé Bale a fe fɛan zo, a zo, ’té é a fe é wo léé, é dan tɛrɛ nyɔnɔzan nɔ lɛ ka lɛ bɛ.

Bélidɔwesɛbɛ Fiézan 8:6

’Ka Gakelebale, kalé Bale sɔnné pa, ’té ka alé zi ta tawoo, ’té ka kanaan a lee.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

SEBE LÉ JAK A GYE (Épitre de Jacques) 1:25

Naa, bélidɔwe lé gun ’ka a ma lo, ’té éé mi voo éboma, mi lé éé a gi kulian pɛnpɛnpɛn yarapalale nya, ’té é ’ka é tɔné dɔa a lɛ é pla yé ’bɛ zuo yé éé saan a gi lo, ’té éé a tawe kɛla tegele, ’bɛzan gi é dan nana lɛ, é a lɛdɔma, ’bɛzama.

Wegɔɔnle 22:14

Munu lé woo ’wolé sɔnu zuruwo, mibéliyiliporo blele se valé wɔrale fla ’léé zia se yele we gi, wozé a é zima.

RUT (Ruth) 3:1

Rut zana bu Naomi lé a lɛ léé: An lu, maa a a va léé, maa i nyanana gini, i gi nanale we ma.