Bélidɔwesɛbɛ Fiézan 5:14 - Kazambale lé Sebe Sauunu 1979

¹⁴ A yi sɔrafiézan a ’yee Gakelebale, kalé Bale lé flinyi nya; té i nyanama do kpen pa ’bɛ yi nya lo, bii koo, i be koo, i lu koo, i wuogɔné koo, i wuole koo, ilé dirigɔné koo, ilé sokofali koo, ilé winu faa koo, bɛn lé é ke ilé kɔn ’léé koo, té ’wo nyanama do kpen pa ’bɛ yi nya lo. É a lé ka wuogɔnénu valé ka wuolomu ’é flin bélé bii zo.

Bélidɔwesɛbɛ Fiézan 5:14 ပူးပေါင်းရင်းမြစ်များ

Wepélisiananu 2:2

Kazambale élé nyanama lɛ sɔɔ a yi suiɛdozan nya; yé a yi sɔrafiézan nya é flin élé nyanama faa lé é a pa bɛ, a ma.

Néémi 13:15

’Bɛ bléyi va, an munu ye Juda tɛrɛ la, ’té woo dɔrɔporo zɔn‐o wo gane nya flinyi nya, ’té woo ’sanwunnu sian, ’té dɔrɔ koo, dɔrɔporo koo, bɔrɔyiliporo koo, fɛ gɔnɔ faa koo, ’té woo wo vɔa sokofalenu punu yé wo da wo nya Jérusalɛm flinyi nya. Yé yian nya lé wo da wolé fɛ dan lɛ, an we pla wo lɛ ’bɛ yi la.

Néémi 13:16

Tii mi kenu é ziin, wo nyana Jérusalɛm, ’té woo dan pɔnu valé flɛ gɔnɔ faa do do nya, ’té wa daan Juda munu lee Jérusalɛm flinyi nya.

Néémi 13:21

Maa we pla wo lɛ léé: Mɛmalé ka yii gɔrɔ zii? Dé ka ’bɛ kɛlɛ é ziin, maa dan an bɛ mane lɛ ka ma. É sia ’bɛ bléyi va, wo ’ka da lɛ é dɛrɛ flinyi nya lo.

Néémi 5:5

Naa, duowo, ko valé ko bwenu kɔlɛ a do; kolé nénu a bélé wolé nénu zo, yé bé ye, ko ko benu valé ko lunu nɔ luu nya. Ko lunu kiɛre kɛlɛ luu nya kwakwa; plɛplɛ ’ka ko lee lo, yé kolé féinu valé kolé dɔrɔféinu vo mi bɛnu lɛ.

Fwile 23:12

Ilé nyanama faa pa yi suiɛdo nya. Naa, a yi sɔrafiézan nya i dan flin lɛ, ilé diri valé ilé sokofale flinle we gi, ilé luu be valé bɛn flinle we gi.

Lévinu 23:3

Ka dan nyanama pa lɛ yi suiɛdo; naa, yi sɔrafiézan a flinyi nya; ’bɛ ɛ ke ka nyanayi nya; wo dan zénle ékeva plɛplɛ do kɛlɛ lɛ. Té ka nyanama do kpen pa lo; é a Gakelebale lé flinyi nya, ka nyanana faa na.

Maak 2:27

Yé é lé wo lɛ léma: Wo flinyi kɛlɛ munu zé nya; wo ’ka munu kɛlɛ lɛ flinyi zé nya lo.

WENÉNÉ LÉ LUK A GYE (Évangile selon Luc) 23:56

yé wo da fla yé wo lia ginzan valé lasikɔrɔ ma’lɛrɛ. A zuo wo flin flinyi nya bélidɔwe yɛrama.

Bélidɔwesɛbɛ Fiézan 5:13

’I nyanama pa yi suiɛdo yé ilé nyanama faa pa.

Ébrunu 4:4

naa, Kazambale lé sɛbɛ yi sɔrafiézan lé we fe fɛdona ’ko zo, léé: A yi sɔrafiézan nya Kazambale flin élé nyanama ma. Yee kaan loo?