Bélidɔwesɛbɛ Fiézan 5:10 - Kazambale lé Sebe Sauunu 1979

¹⁰ yé munu lé Bale éé sɔa wo lɛ, ’té woo alé bélidɔwenu kɛla, a nyanai éé zén‐é wo ta fɔɔ yé é bɔ wo kulu wuru soruzan ma.

Bélidɔwesɛbɛ Fiézan 5:10 ပူးပေါင်းရင်းမြစ်များ

Lɛrɛvɔ Sɛbɛ 103:17

Naa, munu lé woo kanaan Gakelebale lee, alé zin éé voo wo ta lɛɛfaama, Yé a nyanai éé zén‐é wo é nénu é nénu ta,

Fwile 20:5

Té i dia i bli la wo ’lɛ lo, té i wo mawe kɛlɛ lo; naa, maa, Gakelebale, ilé Bale, maa a maawo Bale nya, yé maa munu lé weple ma ban dɔa wolé nénu nwiin, fɔɔ an zapamunu kulu yaazan valé wo kulu ziɛnzan nya,

Fwile 34:7

Mi sɔ an lɛ fɔɔ a kulu wuru soruzan ma; weple koo, nwale mi ma koo, wenyané koo, dé mi a kɛlɛ, Gakelebale a ma we voo, naa, é ’ka wegyɛzan yé weanwiinlozan nya lo. Éé we lɛdɔa nénu gi wo tinu lé weple ma, yé éé we lɛdɔa wolé nénu é nénu gi, fɔɔ yé é bɔ wo kulu yaazan valé wo kulu ziɛnzan ma.

Jérémi 32:18

I nyanai éé zén‐é fɔɔ mi kulu wuru é wuru ta, yé weplenu lé né tinu a kɛlɛ, bé ma we lɛdɔa wolé nénu gi. Bii ɛ ke Bale blɛn lé é ke plɛplɛ, a nya, ’té a tɔ ke lai sunyanu lé Gakelebale bɛ, a nya.

Daniɛl 9:4

An bazoro Gakelebale anlé Bale lɛ, yé an wenyané ’ko fe a lɛ léé: Mizan, Bale blɛn lé éé kana zén‐é mi gi, biian i dɔa ilé gipawe ta, yé munu lé i sɔ wo lɛ yé woo ilé bélidɔwe sɔnnénu paan, i nyanai ’é zén ko ta.

Mi Nɔnɔle 14:18

’yee Gakelebale bli ’ka flian é kele lo, ’é bli a é fanle zin nya; ’é weplekɛlɛzannu valé nwamimazannu ma we voo; ’é ’ka wegyɛzan voo é pla lo, naa, weple lé munu a kɛlɛ, ’é a dɔa wo néné valé wo nénézinénénu nwiin.

WENÉNÉ LE JAN A GYE (Évangile selon Jean) 14:15

Dé an sɔ ka lɛ, ’ka anlé bélidɔwenu kɛlɛ ma.

WENÉNÉ LE JAN A GYE (Évangile selon Jean) 15:14

We lé maa ka béli dɔ a nya, dé ka a kɛla, ’té ka a an béénu nya.

Rom munu 8:28

Yé kaa gi dɔɔ léé, munu lé Kazambale éé sɔa wo lɛ, ’té Bale wo laa ’é bɔn‐in danle yɛrama bɛ, we faa lé éé bɔa wo ma, Kazambale a nɔlaan wo ma wezin nya.

Galasi munu 5:6

Dé mi a Jézu Krist gi, ganedɔle valé ganedɔlo tɔnɔ ’ka lo; naa, blipale lé éé we kɛla sɔlɛle nya, yee ɛ tɔnɔ ke.

Bélidɔwesɛbɛ Fiézan 4:40

’Ka dɔ alé bélidɔwenu ta ma, yé ’ka a sɔnnénu pa ma; maa wo gɔɔn ka lɛ kyɔ; dé ka kɛlɛ, ka gi é dan nana lɛ, ka valé kalé nénu nya ka zuo, yé ka dan mɔn lɛ, tɛrɛ lé Gakelebale kalé Bale a nɔ ka lɛ, a ta.

Bélidɔwesɛbɛ Fiézan 7:12

Dé ka tɔné dɔ dére ’konu lɛ, dé ka wo lɛdɔma yé ka wo ta tawo, gipawe valé nyanai zénle lé ébo ’nyɔɔn ka tranu lɛ wo ma, é dan dɔ lɛ a ta plɛplɛ.

Bélidɔwesɛbɛ Fiézan 7:9

Amalé, ka gi dɔɔ léé, Gakelebale, kalé Bale ɛ ke Bale nya; yarapawela Bale ’ko, munu lé é sɔ wo lɛ, ’té wo alé bélidɔwenu kɛla, éé dɔa élé gipawe ta, yé a nyanai éé zén‐é wo ta fɔɔ yé é bɔ wo kulu wuru soruzan ma.

SEBE LÉ JAK A GYE (Épitre de Jacques) 1:25

Naa, bélidɔwe lé gun ’ka a ma lo, ’té éé mi voo éboma, mi lé éé a gi kulian pɛnpɛnpɛn yarapalale nya, ’té é ’ka é tɔné dɔa a lɛ é pla yé ’bɛ zuo yé éé saan a gi lo, ’té éé a tawe kɛla tegele, ’bɛzan gi é dan nana lɛ, é a lɛdɔma, ’bɛzama.

Jozué 22:5

Naa, dérenu valé bélidɔwe lé Gakelebale wuozan Moizi a fe ka lɛ, ’ka wo ta tawo ka yuɛi do nya ma; ’ka Gakelebale, kalé Bale lɔrɔ pa ma; ’ka alé zinu faa ta tawo ma; ’ka alé bélidɔwenu kɛlɛ ma; ’ka buvɔ a ma ma; yé ’ka alé nyanama pa ka bli faa valé ka boen faa nya ma.

1 Jan 1:7

Naa, dé kaa tawoo san va, bélé fɛan zo lé yeebozen ke san va, a zo, ’té kaa a mi do nya, ’té a Be Jézu nyɛ éé wenyané faa sié kaa lee, ’té éé kaa kɛla tata.