Bélidɔwesɛbɛ Fiézan 4:6 - Kazambale lé Sebe Sauunu 1979

⁶ ’Ka wo lɛdɔma yé ’ka wo ta tawo. ’Bɛ é dan kɛlɛ lɛ kalé wedɔɔle valé kalé gikinile nya munu yuɛ va. Wo dan bélidɔwe ’konu faa ma gun ’ma lɛ yé wo dan a fe lɛ léé: Bɛn blɛn do kpen ’ko, wo ɛ ke wedɔɔzannu valé gikinizannu nya.

Bélidɔwesɛbɛ Fiézan 4:6 ပူးပေါင်းရင်းမြစ်များ

1 Minwiinzannu 4:34

Bɛnnu faa vamunu éé dan Salomɔn lé wedɔɔle ’male we gi, ’té tɛrɛ la minwiinzannu lé wo alé wedɔɔle tawe ’ma bɛ, woo wo paan zia a va.

JOB (Job) 28:28

Yé é lé blami lɛ léé: I a yé loo? Kanale Mizan lee lé ke wedɔɔle nya, Sile wenaané ma baa ɛ ke gikinile nya.

Lɛrɛvɔ Sɛbɛ 111:10

Wedɔɔle pélisiana lé ke kanale Gakelebale lee nya; Munu faa lé woo tawoo ’bɛ ta, woo we maan tegele. Munu lé a tɔ zin fele éé voo ana lɛɛfaama.

Lɛrɛvɔ Sɛbɛ 19:7

Éé nwaan la glɛ do sina, Yé élé vlanburule ’wuo plaan a glɛ koɛzan ta; Yé fɛan a bile plɛplɛ ’ka ’naan ’bɛ ma lo, ’bɛ fɛ ’ka lo.

Lɛrɛvɔ Sɛbɛ 19:8

Gun ’ka Gakelebale lé bélidɔwe ma lo, éé fuu dɔa miboen ta, Gakelebale lé wenayedére a webo?-?zin nya, éé wedɔɔle no wedɔɔalozan lɛ.

Wegɔnévɔlenu 1:4

yé nékénénémi ’é bɔ we vasile lɛ yé pɛniɛnu ’é we dɔɔ yé ’wo bɔn‐in bɔrɔ we ma, ’bɛ faa lé we ma lé é a gyɛ.

Wegɔnévɔlenu 1:5

Wedɔɔzan ’é tɔné dɔ ma, yé alé wedɔɔle gi é dan gyɛ lɛ, yé ’wuoatazan éé bɔa

Wegɔnévɔlenu 1:7

Kanale Gakelebale lee a wedɔɔle pélisiana nya; gikinile valé wepaale mi gi ’ka we do nya ’tugyɛmunu yuɛ gi lo.

Wegɔnévɔlenu 14:34

Bɛn do lé woo we tegele kɛla, ’bɛ é dan wo tɔ bɔ lɛ, naa, wenyané kɛlɛle éé migɔnɔnu gya yara nya.

Wegɔnévɔlenu 14:8

Yuɛikinizan lé wedɔɔle lé ke alé tawobɛ vabole nya; ’tugyɛzannu lé tavowe a dabli nya.

Ézai 42:21

É sɔ Gakelebale lɛ léé, é migisan é ma bélidɔwe blɛn kɛlɛ, Izraɛl munu gi nanale we gi.

Jérémi 8:9

Yara wedɔɔmunu gyɛ; di kini wo gi yé wo wo kun. Wo nyé yélié Gakelebale dére ma. Wedɔɔle kaa ɛ ke wo lee?

Ézékiɛl 5:5

Mizan Gakelebale léma: Jérusalɛm lé maa a pa bɛnnu méléna tɛrɛnu guru la, yee lo.

Daniɛl 1:20

We faa lé é a laa wo lee, ’té é a lé wa zi pa gikinile valé wedɔɔle yɛrama, wozé gié yokɛlɛmunu valé monénénu lé wedɔɔzannu lé wo ke alé tɛrɛ la fɛfaana, wozé wedɔɔle ta gɔnɔ vu.

Daniɛl 4:9

Bɛlsatasaa, gyɛzorowekɛlɛzannu nwiinzan, maa a gi dɔɔ léé, i gi lé bale sauunnu léli ke; biian we yɔɔle do kpen gi fele ’ka i lee tɔntɔn lo, yuɛziwenu lé maa a ye nyɛ fla, ’bé gi fe an lɛ ma.

OZÉ (Osée) 8:12

Dé maa anlé bélidɔwe sɔnné faa gyɛ a lɛoo, éé a yé bélé bɛn bɛ lé we zo.

Malasi 3:12

Naa, kalé tɛrɛ é dan kɛlɛ lɛ miginanama tɛrɛ nya, yé bɛn faa é dan a fe lɛ léé, kazé a néné. A zo lé lai sunyanu lé Gakelebale a fe.

Bélidɔwesɛbɛ Fiézan 29:9

Amalé ’ka gipawe ’ko lɛdɔma, yé ’ka a ta tawo, léé, we faa lé ka dan a kɛlɛ lɛ, yé é vɔ a ma.

Bélidɔwesɛbɛ Fiézan 32:46

’ka wo pa ka bli gi; ’ka wo paa kalé nénu gi, léé, ’wo bélidɔwe dére ’ko faa lɛdɔma yé ’wo a ta tawo.

Bélidɔwesɛbɛ Fiézan 32:47

Naa, é ’ka boadére nya ka vazia lo; ka vo é yuɛma we lé; ’bɛ nya lé kalé yinu é dan kɛlɛ lɛ kiɛre, tɛrɛ lé é dan kɛlɛ lɛ kazé nya, kalé Juudɛn kinile zuo, ana.

2 Timoté 3:15

É sia i kiéné la bléyi va fɔɔ kyɔ, Kazambale lé sɛbɛ sauunnu lé wo bɔalɛ léé, wo i kɛlɛ wedɔɔzan nya yé i si we gi blivole nya Jézu Krist lɛ bɛ, i wo dɔɔ.

SEBE LÉ JAK A GYE (Épitre de Jacques) 3:13

Ka va mi kyɛn ɛ ke wedɔɔzan valé gikinizan nyaa? É a lé é a nagɔɔn ’é giébɛ zin nya léé, ’é kɛlɛwenu éé sié wedɔɔle drɔɔ va.